Ger Kurd hestiyar bin medyaya Kurdî dikare zûtir pêşkeve, 11 Tebax,2007 | Medya

MEDYA-ANALÎZ (HAWAR) -- Medyaya Kurdî di salên dawî di hemû beşên medyayayê pêşdikeve.Niha bi dehan tv û radyo,weşanên înteraktîf ya nûçe û agahîyan(malper),bidehan rojname û bi dehan kovar li Kurdistana Azad,li hemû beşên Kurdistanê û li Ewrûpa weşanê dikin.

Lê hin jî pirsgirîkên wekî dezgeh bûn,profesyonelî,kêm bûyîna reklam û rewşa aborîya dijwar,meseleya elfeba,ji xeynî Kurdistana başur astengên dewletên dagirkerên Kurdistanê,keşeya partîvanî û ne serbixwe buyîna medyaya Kurdî û hwd... berdewamin.

Di belaviya erk û xebatan ya di têkoşîna serxwebûna Kurdistan û pêşxistin-parastina şaristanîya Kurdî û pêşketina aborî de bareke mezin bi qasê partî û rexistinan dikeve ser milê medyaya Kurdî.Wisa dixuye ku ji ber pêşketinên global di warê teknolojî û medyayê de ger Kurdistan bi temamî serbixwe be jî êdî girîngî û hêza medyayê li Kurdistanê ji rêza duyemîn kêmtir nebe.

Ji ber ku înternet cihêkî azad e,erzan e û sînoran nasnake gelê Kurd jî bi hêsanî xwe înternetê de gihandin astekê baş.Em rewşa Cihanê jî bidin ber çavan ku edî medyaya elektronîk her roj girîngîya xwe zêdetir dike pêwistîya pêşketina medyaya Kurdî ya elektronîk derdikeve holê.Ger înternet hin zêdetir berdarî were bikaranîn him sêra medyaya Kurdî cûdatir be him jî têkarîya înternetî di jiyana civakîya Kurd de û pêşetina rewşa politik a Kurdistanê jî zêdetirîn be.

Problema esasî aborî ye

Niha li ber pêşketina hemû beşên medyaya Kurdî problema herî sereke problema aborî ye.Bi taybetî weşanên ku ne girêdayî partiyan e pêwistiya wan çerxa finansmanê ye.Bê aborî di warê medyayê de pêşketin û berdewamî ne mimkun e.

Ev yek li hemû cihanê li bi reklaman pêk tê.Bi weşandina reklaman him weşanên medyayê ser lingan dimînin û pêşdikevin û li gel vê jî şîrket û dezgehên ku reklaman didin xwe didin nasandin û kar û qezencên xwe zêdetir dikin.

Di vê rewşê de di serî de sermayedarên Kurd sucdarin ku bo reklam dayinê weşanên Kurdan bi kar naynin,bê guman baş têkîlî nedanîna weşanên Kurdî bo reklam standinê jî faktoreke girîng e.

Alîkarîya Kurdan wek şexs û reklamên Google'ê

Her wiha Kurdên wek şexs jî di warê medyaya dîtbarî de nebe jî dikarin alikarîya pêşketina medyaya xwe bibin.Di warê medyaya çapkirî de dikarin bi avayekî rêkûpêk standina rojname û kovaran piştgirîya weşanên xwe bikin,bê guman standin ne têre divê bixwînin jî.

Her wiha di medyaya elektronîk ya Kurdî de jî dikarin bi tiqandina reklaman alîkarî bidin.Wekî mînak êdî di gelek weşanên online yên Kurdî de reklamên Google ê hene.Google bi tiqandina wan reklman pir kêm be jî parek dide malperên ku wan reklman diweşînin.

Ger Kurdan car caran wan reklamên Google ê bitiqînin qe nebe wan malperan mesrefên xwe yên weşanê derxînin.

Çima pêşketina medyaya Kurdî girîng e

Divê kurd jî bîr nekin ku pêşketina weşeneke Kurdî bi giştî medyaya Kurdî ne bihêz bûna xwedîyê wan weşanan e.Di têkoşîna serxwebûna Kurdistan û pêşxistin-parastina şaristanîya Kurdî û pêşketina aborî de bareke mezin bi qasê partî û rexistinan dikeve ser milê medyaya Kurdî.

Bi medyaya xwe Kurd dikarin hîn bibin,bûyeran fêm bikin,kêfxweş bibin,xwe bigêhînin dinyayê,rexistinên xwe beralî bikin,şerê psîkolojîk de bihêztir bin,xwe pêş bixînin û biarimînin û gelek tiştên din...Pêşketina medyaya kurdî di heman demê de bi hêz bûna her Kurdekî ye di sîstema cihanê de û pêşketina çand,huner,wêje,ziman,dîplomasîya Kurdî ye jî. (HAWAR DENGÛBAS)

Binivsîne | Biçe Jor

Hemû Naveroka Beşa Kurdistan

irêdan