Ji Ber Înternetê Tîraja rojnameyan Kêm dibe,Kewçêr 24, 2005 | Medyaya Kurdî

Ji ber ku bikaranîna înternetê roj bi roj berfireh dibe û dikeve her malê,rojname tîraja xwe winda dikin. Bi ketina tîraja rojnameyan hatina reklama jî dadikeve û ev jî astengiyeke din derdixe holê.

Rojname jibo ku misrefê xwe kêm bikin xebatkarên xwe ji kar derdixin û bi vî awayî rojnamevaniya bê peyamnêr dest pê dike.Li gorî nûçeya NewYork Timesê li Amerîkayê rojnameya Philadelphia Inquirer 75 xebatkarên xwe ji kar avêt ku ev reqem ji sedî 15ê hemû personelê rojnamê ye.

Di nûçeyê de tê eşkerekirin ku ji meha Gulanê û vir de ji şîrketên New York Timesê 700 kes ji kar hatine bidûrxistin. Ligel rojnameyên jorînli Amerîkayê rojnameyên Washington Post, Los Angeles Times, Wall Street Journal jî di nav de gelek rojnameyên din jî

personelê xwe ji kar derdixin.

Her weha di nûçê de tê eşkerekirin ku hatinên rojnameyan sabit dimînin, lê maliyet zêde dibe û tîraj kêmdibe û ev jî krîzên ku sektorê biçûk dike derdixe holê. Ev krîza sektora rojnamevaniyê di borseyê de qîmeta rojnameyan jî kêm dike.

Jiber înternetê hatina reklamên rojnameyan kêm dibe û şîrketên otomobîlan û firmeyên seyahetê ku jibo reklaman butçeyekmezin vediqetînin berê xwe didin înternetê.Şîrketa Ford eşkere kiribû ku ji sedî 80ê firotinên wan bi riya înternetê dibe.

Ford di salê de jibo reklaman 1 milyar dolar vediqetîne.Ligel van reqemên ku bîhna sektora rojnamevaniyê diçikîne ji sedî 52 prosentê Amerîkiyan her roj rojnameyekê dixwîne,ji sedî 39 televîzyonê dinere û ji sedî 15 jî radiyo gohdar dike.