Dadgeha Mafê Mirovan ya Ewropa, ji sedema valakirina gundan Tirkiye mahkum kir,14 Tîrmeh,2006 | Kurdistan

Dadgeha Mafê Mirovan ya Ewropa, li ser 3 dozên dijî Tirkiyê hatibûn vekirin biryar da.

Dadgehê, ji sedema valakirina gundan Tirkiye mahkum kir.

Şêniyê gundê Boydaş yê girêdayî navçeya Dêrsimê Xozatê, ji sedema artêşa Tirk gundê wan dabû vala kirin, serî li Dadgeha Mafê Mirovan ya Ewropa dabûn. Dadgehê mesrefên dadgehkirinê jî di nav de Tirkiye bi 289 hezar euro tazmînat-dayînê ceza kir.

Şêniyên gundê Boydaş yê girêdayî navçeya Dêrsimê Xozatê, di sala 1994an de ji aliyê hêzên çekdar yên artêşa Tirkiyê, bi wêrankirina xaniyan, bi tarûmar kirina mal, bi darê zorê ji gund hatibûn koçber kirin. Lewra serî li DMME dabûn.

Dadgehê bi biryara sala 2004an, Tirkiyê gunehkar kiribû ku li gorî peymana Mafê Mirovan ya Ewropa û
kanunên jiyana taybet ya malbatan birêziyê nîşan nade, parastina mulkiyetê pêk nayîne, û diyar kiribû ewê
piştî demekê biryara tazmînatê eşkere bike.

Dadgehê, Kanuna vegera gund û dana tazmînatê ku Tirkiyê piştî sersalê derxist bes dîtibû û ji bo niheqiyên
wiha dadgehên Tirkiyê weke adres nîşan dabûn.

Lê, DMME serlêdana Abdullah Doğan û malbata wî ku berî Tirkiye vê Kanunê di parlamenê re derbas bike li
ber çavan girt û biryara cezayê pereyan da.

Li gorî biryarêm ji bo 15 ferdên malbatê, serê mirovekî 14 hezar û 19 euro, bi giştî 289 hezar euro tazmînatê
bête dayin.

Maxdurên xwediyê dozê ku vegeriyane gundê xwe, hê jî hedefa hêzên artêşa Tirkiyê ne.

Roja 4ê Temmuza derbasbûyî topa hawanê avêtibûn mêrga gund. Li ser serlêdana malbata di kon de dijî,
eskeran wiha bersiv dabû: Gelo ev ne kevirekî ezmanî ye?

Dadgeha Mafê Mirovan ya Ewropa îro jî, ji bo 2 dozan, bi armanca çareseriya dostane biryar da ku 9 hezar
500 euro da bidin Ender Imrek û Mehmet Okatan.