Barzanî giringiya veqetandina Ol ji Dewlet û Hikûmetê dîyar kir,20 Tîrmeh,2006 | Kurdistan

Di çarçova serdana xwe de ya ji bo Silêmaniyê, û komcivînên ku digel sawêr û aliyên gel û siyasî de pêk
anîbûn, Serokê Herêma Kurdistan birêz Mesûd Brazanî digel hijmarek ji Çalakvanên Rêxistinên Jinan ên
Kurdistanê, komcivînek, bi amadebûna Cîgirê Serokê Kurdistan birêz Kewsret Resûl Elî û Cîgirê Sekreterê
Giştî yê YNK birêz Noşîrwan Mistefa û Sekretera Hevgirtina Jinên Kurdistan xanim Kafî Silêman, li dar xist, li
Qelaçolan, li Holê Şehîd Şihab.

Di destpêka Civînê de Xanim Kafî Silêman bêjeyek pêşkêşkir, têde giringiya rol û bandorên çalakiyên jinan di pêşvexistina civakan de, da nîşan her weha û rastiya ku pêşvexistina jinan pirove ji pêşvexistina Welatan û
Civakan, anî ziman.

Birêz Brazanî di axaftinên xwe de li ser rola jinan rawestiya û ew jî vexwendin bona çespandina mafên xwe
di Makezagona Kurdistanê de û ji jinan daxwaz kir ku ji bo mafên xwe xebat bikin ji ber ku maf nayên dayin lê
belê têne standin.

Ji aliyekî din ve Serok Barzanî digel Zaniyarên Ol ên Misilman de, hevdîtinek li darxist bi amadebûna Serokê
Hevgirtina Zanyarên olê Misilaman Dr. Mihemed Kizrî û di wê hevdîtinê de birêz Barzanî rol û bandora wan
zanyaran bigiringî û buha nirxand.

Her weha girîngîya veqetandina ol ji dewletê dîyar kir û li ser rêzgirtina hemû ayînan û coman, rawestiya, û ji Zaniyarên Misilman xwest ku roleke erênî li gorî berbêjên Olê Misilman, ên aştiyane û durust bajonên û birêve bibin, û xebat bêne kirin bona birîna kok û rayên terorizmê û yên terorîstan ji Kurdistanê.(çavkanî:pukmedia)