Pêywendîyên Kurdistan-Brîtanya pêşdikeve,08 Tîrmeh,2006 | Kurdistan

Serokê hukûmeta Kurdistanê û wezîrê dewletê yê kar û barên rojhilata navîn li wezareta derveya hukûmeta Brîtanya, konferenseka rojnamevanî ya hevbeş saz kirin.

Di konferensê de Nêçîrvan Barzanî serokê hukûmeta Kurdistanê dîyar kir, ku di kombûna herdu alîyan de behsa peywendîyên nêvbera Brîtanya û Kurdistanê hatîye kirin û behsa wan astengan jî hatîye kirin, ewên ku niha rastî herêma Kurdistanê hatine.

Di destpêka evê kongireya rojnamevanî de serokê hukûmeta Kurdistanê ragihand, ku li kombûna bi wezîrê dewletê yê kar û barên rojhilata navîn li wezareta derveya hukûmeta Brîtanya re, guft û go li ser peywendîyên Brîtanya û Kurdistanê, prosesa siyasîya Iraqê bi giştî, qanûna berhemanîna li Kurdistanê, bi cihkirina maddeya 140 a destûra hemîşeyîya Iraqê û ew astengên ku niha li Kurdistanê hene, hatin kirin.

Piştî hingê, Kîm Howells wezîrê dewletê yê kar û barên rojhilata navîn li wezareta derveya hukûmeta Brîtanya; kêfxweşîya xwe ji bo evê serdanê da xuyakirin û ragihand: < Bê goman ev dem ji xelkê Kurdistanê re giring e û me di evê serdanê de bi giringî li ewan amadebûnan nerîye, ewên ku ji bo pîlandanîn û biwarên dinên li Kurdistanê hatine kirin.

Kîm Howells weha jî got: " Niha li Kurdistanê berhemanîn û demokrasî li pêş dikeve û rola min jî di evê serdanê de ew e, ku peywendîyên nêvbera Brîtanya û Kurdistanê bi hêz bibin û em dê bi berdewamî alîkarîya we bikin, da ku hûn xewnên xwe bi cih bînin û di rewşek xweş jî de bijîn."

Paşê.. di bersiva pirsekê de, ku li ser kişandina hêzên Brîtanya ji Iraqê bû, Kîm Howells got: " Bawer bikin, em dixwazin ku ewledarî li Iraqê çê bibe. Ji bo radestkirina dosyaya ewledarîyê jî, em bi berdewamî hêzên Iraqê geş dikin, da ku bikaribin evî erkî bi cih bînin.(ktv)