Serkirdayetî katî partî dîmukiratî Kurdistanî rojava daway otonomî rasteqîne le Sûrîya dekat,18 Tîrmeh,2006 | Kurdistan

Bzutinewey jiyanewey serkirdayetî katî Partî Dîmukiratî Kurdistan ( suriya) daway otonomî rasteqîne bo kurdistanî suriya dekat, emeş wek seretayek, taweku fîdraliyetî rasteqîne le seranserî suriya dête arawe.
bzutinewey jiyanewey serkirdayetî katî partî (1970), le kobûnewe naasayekeyan, biriyariyan leser em xalaney xwarewe dawe:

1- Desturî suriya be şêweyekî resmî dan be hebûnî kurd dabinê, wek netewey duwem le wilat, ke rêjeyan 20% danîştwanî suriyaiye.

2- Rêzgirtin le kurd le diyarkirdinî çarenûsiyan le çwarçêwey yekêtî nîştîmanî, mebestman le mafî çarenûs: otonomî rasteqîneye u berdewambûn le xebat, taweku fîdraliyetî rasteqîne seranserî suriya degirêtewe.

3- Nehêlanî şuwênewarî siyaset u pirojekanî dagîrker, ke ledijî mafekanî gelî kurd le kurdistanî suriya cêbecêyî kirduwe.

4- Qerebûkirdinewey kurde koçpêkirawekan, betaybetî ew xêzananey ke leser destî rjêmî tawanbarî be's rûberuwî zulm u ziyanî madî u me'newî bunetewe.

5- Pabendibûn be binamakanî raperînî qamîşloy xoragir, royştin leser rêgay şehîdan, ta bedîhanî serkewtin u szadanî tawanbaran.

6- Daninan be gelî kurd, wek rastiyekî mêjuwî u cugirafî.

7- Karkirdin le pênawî hawpeymaniyetiyekî kurdî giştgîr le kurdistanî suriya, emeş be pişt bestin be stiratîjiyetî yekirêzî, ke lelayen serokî nemrî neteweyî mela mstefa mhemed barzanî le 1970 nexşey bo kêşrawe.

8- Sud wergirtin le ezmûnî kurdistanî fîdral u yarmetîdan u palpiştî kirdin le buniyadinanî kurdistanî fîdral be serokayetî biray hêza, serok mesud mstefa barzanî.herweha harîkarîkirdin legel 'êraqî fîdral be serokayetî serok celal talebanî.

9- Karkirdin u xebatî hawbeş legel gişt hzbe dîmukirasiyekanî suriya u 'erebî, ke baweriyan be dîmukirasî rasteqîne u mafe neteweiye rewakaniman heye.

10- Xebat kirdin ledijî hemû şêweyekî tîror u tundrewî aynî le nawçeke u cîhanîş.

11- Nehêlanî hemû core çekêkî qedexekiraw, betaybetî çekî komelkuj le nawçeke u cîhan.

12- Bestinî peywendî baş legel hikumetekan u hêze dîmukirasiyekanî cîhan, ke baweriyan be mafî gelan heye le diyarkirdinî çarenûsiyan.

13- Pabendibûn be stiratîjiyetî yekirêzî barzanî nemr, wek binemayekî neteweyî, emeş bo dozînewey rêgay çareserî bo gişt kêşe helwesrawekanî kurdistan.(pna)