Beşa Kurdistan

Konseya Ewrûpa;"Kurd Neteweya herî Mezin ya bê Dewlet e"

 26 Tîrmeh, 2006 weşandin:07:49:06 (GDK)

HAWARDENGÛBAS,STRASBOURG,Frensa-- Di raporê dhate dîyar kirin ku dewleta Tirk bi PKKyê re bi avayekî şaş têkoşîye û ji ber helwest û pêkanînên vedekirin û zordestîyê Kurd jî Tirk jî gelek berdel dane.Di raporê de ser dîroka Kurd û Kurdistanê û ser ziman,çand û wêjeya Kurdî jî agahîyên berfireh hatîye dayîn.Hatîye xuya kirin ku dîroka Kurdan ji zêdetirê 4 hezar salîyê.

Ji Konseya Ewrûpa Rapora rewşa gelê Kurd

Konseya Ewrûpa ser rewşa gelê Kurd raporek amade kir.Rapor ji alîyê Lord Russell-Johnston ya Îskoçî ve hate amade kirin.

Di raporê de bo çareser kirina kêşeya Kurd û Kurdistanê pêşnîyarên girîng bo rêvebirîya dewleta Tirk hate kirin.

Di raporê de bi taybetî pêşnîyarên wisa bo dewleta Tirk hate kirin;

• Divê di hejmartina nifusa Tirkîyeyê de nifusa Kurdan bi temamî were tespît kirin.

• Divê delfeta perwerdeya bi zimanê Kurdî were dayîn û di zankoyan de dersên ziman û wêjeya Kurdî were dayîn

• Divê malbatên Kurd di derbarê maf û delfetên hîn bûna zimanê Kurdî bên agahdar kirin.

• Li Tirkîye navendên nasandina çand û hûnera Kurdî bên damezirandin.


Di raporê de Kurd wekî neteweya herî mezin ku bê dewletin hate bi nav kirin.Hejmara Kurdan jî wek nêzî 30 mîlyon hate dîyar kirin.

Li gorî rapora konseya Ewrûpa

li Tirkîye(ango bakûrê Kurdistanê);16 mîlyon
li Îranê(ango rojhilatê Kurdistanê);8 mîlyon
li Iraqê(ango başûrê Kurdistanê);5 mîlyon
li Sûrîyeyê (ango başûrrojava Kurdistanê);nêzî 2 mîlyon
li Ewrûpaya rojava nêzî 1,4 mîlyon
li Efxenîstanê;200 hezar
li Azerbayacanê; 150 hezar
li Libnanê 80 hezar
li Ermenîstanê 45 hezar
li Gucistanê 60 hezar
li Tirkmenîstanê 40 hezar
li DYE 20 hezar
li Kenedayê jî 6 hezar Kurd dijîn.


Her wiha di raporê de hate dîyar kirin ku dewleta Tirk bi PKKyê re bi avayekî şaş têkoşîye û ji ber helwest û pêkanînên vedekirin û zordestîyê Kurd jî Tirk jî gelek berdel dane.

Di berdewamî de hate dîyar kirin ku di pêvajoya tevlî bûna Yekîtîya Ewrûpayê de Dewleta Tirk bi lawazî tevgerîyaye û guherînên bo çareser kirina kêşeya Kurd kêm mane.

Di raporê de bang li hemwelatîyên Tirk ku alîgirê dayîna mafê Kurdanin kirin bila zextê ser hikumeta Tirk bê kirin


Dîroka 4 hezar salî ya neteweya Kurd

Di raporê de ser dîroka Kurd û Kurdistanê û ser ziman,çand û wêjeya Kurdî jî agahîyên berfireh hatîye dayîn.Hatîye xuya kirin ku dîroka Kurdan ji zêdetirê 4 hezar salîyê.

Piştî weşandina vê raporê ji hin derdorên nijadperest di medyaya Tirkî de  nerazîbûn nîşan dan.

 

Yekîtîya Ewrûpa di kêşeya Kurd û Kurdistanê de ne wêrek û dirust e

Wek tê zanîn Yekîtîya Ewrûpa di salên dawî de li beramberî pirgirêka Kurd bêdeng disekinî û bi avayekî tirsonek tevdigerîya û kêşeya Kurd wekî kêşeyek "kêmnetewî" dihate binav kirin.Hê jî bi temamî kêşe wekî kêşeya Kurdistanê nayê bilêv kirin û bi durustî bo çareser kirina kêşeya Krud û Kurdistanê hewl naye dayîn.

Lê ev rapor dibe ku nîşanek be di guhertina nêrîna Yekîtîya Ewrûpayê de. Kurd û kêşeya Kurd di raporên YE de heye, derbas dibe, lê di belgenameyên fermî hevbeş bi Tirkiyê re gotina Kurdan û ne jî mafên Kurdan derbas nabe.

Divê kurd bo haydar kirina bi kurî derbarê pirsgirêka Kurd û Kurdistan bi her avahî di hemû alîyên wî li YE bi avayekÎ rêkûpek û stratejîk karên dîplomatîk bimeşîne û divê medya û ragihandina Kurdî bi giştî û rêveberîya Kurdistana Azad,hikmeta kurdistan rasterast têvî wan xebatan bin.

Eşkereye ku ger Kurd daxwaz nekin,hewl nedin û bi yekrezî tevnegerin û hêzê xwe mezintir nekin tu hêz wê bo Kurdan hewlên berfirehtir nedin.

© Copyright 2006 HAWARDENGÛBAS. Hemû mafên nûçe û nivîsên ku vê rave hatiyê danîn ser navê Hawar Kurdistan Media Group ya HAWARDENGÛBAS e.Beyî destûr naye bikaranîn.