Beşa Kurdistan

"Aferîn Ji Terorîstîya Te Re Generalê Tirk!"

Tirk terorîzmên xwe bi "serbilindî" tînin ziman

30 Tîrmeh, 2006 12:13:21 (GDK)

HAWARDENGÛBAS,AMED,Kurdistan-- Piştî daxûyanîyên skandanl yê wî generalî wekî her carê Dewleta Tirk -sîyaset û dawerî- bê denge û li hemberî zêdetir eşkere bûyîna terorên xwe ser neteweya Kurd di nav bêdengîyeke kûr de ne.Heta niha bo daxûyanîyên wî hikumet an jî dadgeha sivîl lêpirsîn nedane destpêkirin.
 

Şevîn ARÎ / HAWARDENGÛBAS

Generalê leşkerî yê teqawid Altay Tokat, di hevpeyvînekê xwe yê nû di kovara tirkî de got ku wî jî, di wextê xwe de bi destê hin kesan, çend bombeyan daye teqandin.

Her  wiha got di dema wezîfeya xwe yê li bakurê Kurdistanê de bo tirs û xov bikeve dilên karmendên dewletê, wî jî di wextê xwe de bi destê hin kesan, çend bombeyan daye teqandin.

Altay Tokat, li ser pirsek ya di derbarê bûyerên Şemzînanê de, diyar kir ku “Teqandina wan bombeyan, çalekiyeke baş bû. Lê, wan kesên ku li Şemzînanê bombe teqandin wan kesên ku li Şemzînanê bombe teqandin, ne kêrhatî bûn".Ev jî, ji bo Artêşa Tirk, bû bêtalihyek

Bi wan daxûyanîyan gelê Tirk jî matmayî mane ku heta niha wek qehreman lê dinerîyan niha kêm be jî dibînin ew ne qeremanin lê terorîstin.Niha hêdî hêdî dêkûdolabên dewleta Tirk ji devên wan derdikeve holê.

Hêjayî gotinê ye ku serketina Kurdan li Şemzînanê û bi giştî têkoşîna Kurdan rê li wan rojan vekir.

Sazîyên sivîl;"Artêşa Tirk li Kurdistanê serî li riyên dij qanûnî dide"

Nûnerên Baroya Amedê jî dan xuyakirin, ku mikurhatinên vî kesî bi awayekî zelal nîşan didin ku artêşa Tirk li Kurdistanê serî li rêyên dij qanûnî daye û gotin, ewê jî li dijî vê rewşê serî li rêyên huqûqî bidin. “Altay Tokat, bi şêweyeke vekirî sûcê xwe îtiraf kiriye."

"Ji ber vê yekê jî, divê Serdozdarên Dadgehên Amedê û Wanê, li ser mijarê bisekinin û dosyeyên ku di wan wextan de û ji bo wan bûyerên bombeteqandinan hatine vekirin, carek din bigrin dest. Lewra, ev daxuyaniyên general, biserên xwe sûceke mezin e, ji ber vê yekê jî, divê Serdozdarên Komarê bikevin nav hewldanê û ev general bê darezandin."

Serokê Giştî yê Mazlûm-Der'ê Ayhan Bîlgen jî der heqê mijarê de daxuyaniyek da û destnîşan kir, ku bi mikurhatinên Altay Tokat re careke din doznameya Şemzînanê hatiye piştrastkirin, ku ji aliyê Dozgerê Wanê Ferhad Sarikaya ve hatibû amadekirin û dawî li karê Sarikaya anî bû.

Sekreterê Giştî yê Komeleya Mafên Mirovan Nejat Taştan jî di daxûyanîya xwe de got ku ew jî, ketine nav hewldanê û amadeyî dikin daku doza lêpirsînê, li Altay Tokat vebikin. Nejat Taştan, di berdewamiya daxuyaniya xwe de weha dibêje; “ger ev tişt, li dewleteke demokratîk pêk bihatan, wê dozdar bixwe biketan nav hewldanê û do li vî generalî vekiran. "

"Lê, em ne bawer in ku dozdar, li gor şertên huqûqê wezîfeya xwe bikarbinin. Ji ber vê yekê jî, em wan dawetê wezîfekirinê dikin. Îtîrafên general didin nîşandan ku hêzên leşkerî, wezîfeya xwe bi şêweyeke bêhuqûqî bikaranîne û li vê herêmê mafên mirovan binpê kirine."
 

Têkîlîya Altay tokat û Faşîstên Tirk

Altay Tokat, di sala 1999'an de teqawît bûbû û paşê ji lîderê MHP'ê Devlet Bahçelî re şêwirmendî kiribû, ku MHP wê demê hevkarê deshilatdariyê bû.

Dewleta Tirk li hemberî skandala mezin bê deng e

Piştî daxûyanîyên skandanl yê wî generalî wekî her carê Dewleta Tirk -sîyaset û dadwerî- bê denge û li hemberî zêdetir eşkere bûyîna terorên xwe ser neteweya Kurd di nav bêdengîyeke kûr de ne.

Heta niha bo daxûyanîyên wî hikumet an jî dadgeha sivîl lêpirsîn nedane destpêkirin.

Neteweya Kurd li Şemzînanê terorîzma bê navber ya Tirkan bi avayekî zelal nîşanî Cîhanê da

Wek tê zanîn li Şemzînanê Pirtûkxaneya Umut 11 Sermaweza 2005’san de ji alîyê 2 serbaz û çawişekî pispor bombe hatibû avêtin û di encamê de M. Zahîr Korkmaz jiyana xwe ji dest da bû û Metîn Korkmaz jî birîndar bû bû û piştî bûyerê gelê Şemzînanê êrîş biribûn ser erebeya ku ya serbazan bû û bi rojan çalakîyên gelê şemzînanê berdewam kiribû.

Bi avayekî zelal eşkere bûyîna Têkîlîya Arteşa Tirk terorkirina gelê Kurd de di çapamenîya Biyanî û Tirkan de cîheke mezin girti bû.Nijadperestên Tirk ji vê pêşketinê nerazîn e û dibêjin “tê xwesitin ku rûmeta arteşa Tirk were şikandin”.

Di dîroka Komara Tirk de ser gelê Kurd bi sedan car bûyerên bi vê rengî hat kirin lê yekemîn care ku ewqas vekirî sûcdarên bûyerê tên girtin.Bi avayekî zelal dewleta Tirk bi her avahî (an bixwe-an jî bi destê hêzên din) karên teroristî dimeşîne.Dewleta Tirkîye xwedî li terora xwe derdikeve dixwaze ser skandala Şemzînanê û terora xwe bigre.
 

kurdistan   kurdistan   kurdistan   kurdistan   kurdistan   kurdistan   kurdistan   kurdistan   kurdistan   kurdish   kurdi    kürt   kürtçe kürdistan

© Copyright 2006 HAWARDENGÛBAS. Hemû mafên nûçe û nivîsên ku vê rave hatiyê danîn ser navê Hawar Kurdistan Media Group ya HAWARDENGÛBAS e.Beyî destûr naye bikaranîn.