Zimanê Kurdî

Lêkolîn

Zimanê Kurdî. Zêdetir

Hûrnêrîn
Rewşa Geşedan û Hilberîna Bi Zimanê Kurdî Zêdetir

Ferhêngên Kurdî

www.ferheng.org

Dibistana Zimanê Kurdî

www.dibistanakurdi.com

Beşa Kurdistan

Dewleta Tirk Bi Heman Senaryoyê Xwe Li Ser Dîkê ye

 
Dewleta Tirk di her firesendê de bo pêk anîna armanca xwe ya qirêj hewl dide

nûçe-analîz HESEN DILGEŞ

weşandin: 20 Tîrmeh, 2006 17:23:42 (GDK)

HAWARDENGÛBAS,AMED,Kurdistan-- Bi zêde bûna mersaîma cenzayên serbazên Tirkan dîsa pêla nijadperestîyê bilind bû.Dewleta Tirk bi taybetî Tirkperwerên faşîst dest bi heqeret û daxwaza zêdekirina zordestîyê ser gelê Kurd  û behsa ketina axa başûrê Kurdistanê dikin.Medyaya Tirk ji radigihîne ku Artêşa Tirkeyê amadeyîyên ji bo ketina başûrê Kurdistanê dike û dîsa destpêkiriye hêzên xwe li ser sînorê Kurdistana azad bi cîh dike.Dewleta Tirk di her firesendê de bo pêk anîna armanca xwe ya qirêj hewl dide.

Bi zêde bûna mersaîma cenzayên serbazên Tirkan dîsa pêla nijadperestîyê bilind bû û di medya û raya giştî yê Tirkan de li dijî PKK nerazîbûnên tund hate nîşan dan.Dewleta Tirk bi taybetî Tirkperwerên faşîst dest bi heqeret û daxwaza zêdekirina zordestîyê ser gelê Kurd û behsa ketina axa Kurdistandikin.

Xuyaye ku êrîşên PKK û kuştina serbazên Tirk kerî tiştek naye û tenê zordestîye Tirkan li bakûrê Kurdistanê zêde dibe û Tirk bo rûxandina Dewleta Federe ya Kurdistan hincêtan derdixîne holê.

Medyaya Tirk ji radigihîne ku Artêşa Tirkeyê amadeyîyên ji bo ketina başûrê Kurdistanê dike û dîsa destpêkiriye hêzên xwe li ser sînorê Kurdistana azad bi cîh dike. Tê ragihandin ku hêzên artêşa tirk yên li Geverê bi sedan cemseyan ber bi sînor çûne û li şemzînan û çiyayê spîrêzê bi cîh bûne.

Wekî meha nîsanê bi hinceta PKK tê xwestin ku derbasî ser axa Kurdistana azad bê kirin.Dewleta Tirk di her firesendê de bo pêk anîna armanca xwe ya qirêj hewl dide.Hêz û dewletên ku dijî pêşkatina Kurdanin jî li dû vê armancê nin.

Îran piştgirîya xwe bo Dewleta Tirk ragihand

Piştî hewldan û daxûyanîyên dawî ya Dewleta Tirk Îranê jî piştgirîya xwe ji têketina hêzên Tirkan bo Kurdistanê re ragihand.Feyrûz Dewlet Ebadî balyozê Îranê li Enqerê ragihand ku welatê wî dê piştgirîyek temam ji Turkîyê re bike di proseya leşkerî de li dijî endamên PKK ê li "bakurê Îraqê"(başûrê Kurdistanê).
 

Rêveberîya Kurdistana Azad,DYE û ya Iraqê nerazîbûneke tund nîşan da

Li alîyekî din rêveberiya Iraqê, Kurdistana azad û rêveberiya Waşingtinê(Wasington) jî li dijî operasyoneke muxtemel a li ser Kurdistana azad, nerazîbûna xwe nîşan da.

Piştî şêwirmendê Ewlekariya Netewî ya Iraqê Muwaffak El Rubayî, serokwezîrê rêveberiya Başûrê Kurdistana Federe Nêçîrvan Barzanî jî li dijî operasyoneke muhtemel a artêşa Tirk li derveyî sînoran nerazîbûn nîşan da.

Barzanî her wiha bi bîr xist ku mijara PKKê bi awayekî yekalî û tedbîrên eskerî nayê çareserkirin.

Balyozê DYAyê ê li Enqerê Ross Wilson jî îro ragihand "nabe ku Tirkiye bi serê xwe tenê hereket bike. Me
ev mesele berê ji xeber da ye. Mesela PKKê ê di hundurê Îraqê de bê çareserkirin."

Li aliyê din, piştî balyozê Emerîkayê yê Enqerê, berdevkê wezareta karê derve yê Emerîkayê Şan Mek Kornek Tirkiye hişyarkir ji bo bi biryareke yekalî tevnegere.Mek Kormek di civîna çapemeniyê de daxuyakirin ku eger Tirkiyê operasyoneke li derveyî sînoran pêk bîne, wê Emerîkayê piştgirîyê nede.

Rayedarên Emerîkayê li ser operasyonek koordîneyî ya Tirk û Îranê gotin; 'Ev yekê bibe rewşeke bi fikar' .Tevî vê yekê jî serokwezîrê Tirkiyê Recep Tayyîp Erdogan îro danê sibê dubare kir ku çi gava hewce dike wê biavêjin.

Di hefteya dawî de çi bû?

Li ser hev di  hefteya dawî de 17 serbaz,3 polîsên Tirk û 2 cerdevan mirin.Li bakûrê Kurdistanê li Bidlîsê mayînek di erebeyekî leşkerî ya Tirk de teqîya di encam de 5 serbaz mir û 4 kesên din jî birîndar bûn. Li gor agahîyan dema ku serbazên Tirk operasîyonê dizivire li gundê Îçgecîtê saet di 18:30 de mayîn diteqe di encama vê de 5 serbaz mir û 4 serbazên din jî birîndar bûn. Serbazên ku jîyanên xwe ji dest dane navên wan evin, Hakan Toydemîr, Hayretîn Karabiyîk, Nurdogan Zorgun, Erdal Kavali û Ramazan Okur. Serbazên ku birîndar bûne navê wan evin, Osman Kaya, Orhan Çetîn, Ahmet Salkim û Îmdat Çelîk e. Her wiha 3 roj berê jî li navçeya Erûha Sêrtê pevçûnekî di navberê hêzên Tirk û di naveberên endamê PKKê de derket. Di encam de 1 cerdevan û 7 serbazên Tirkîyeyê hate kuştin.

Ser wan bûyeran, encumena Bilind ya şerê Terorîzmê ya dewleta Tirkiyê bi serokatiya wezîrê derve Ebdullah Gul û bi amadebûna Wezîrê Dadê, wezîrê Navxweyî, general Fewzî Turkir fermanderê hêzên Cendirme, general Işk Koşonar cîgirê serokerkanê artêşa Tirkiyê, Sekretêrê giştî yê esayişa Tirkiyê Yigit Alsogan, serokê istîxbarata Tirkiyê (MIT) Cemal Ozkurn û birêvebirê esayişa Giştî Kokhan Amîrnir civînek li dar xist.

Li Tirkîye hemû hêzên faşîst jî piştgirîyê dan plana ketina axa başûrê Kurdistanê.Piştgirîya herî tund ji aliyê serokê CHPê Deniz Baykalê ku mixrikê serokwezîr Erdogane ye, hat îlankirin! Baykal got "eger biryara encûmena wezîran biryarek dereng jî be, dîsan jî biryarek baş û bi cîh e" Serokê DYPê jî di peyamên xwe da balkêşa "aktivîtên terorîstên li Qendîlê" kişand û ragihand ku ew "bi dil û can piştgirî hukûmetê ne" Anavatan, MHP, DSP û BBP jî di daxuyanîyên xwe da çepêkin xwe ji bo biryarên hukumetê lêdan.

Di civînê de mijarên wek sedemên bitofbûna prosesên çekdarî ên PKK û awayê rawestandina wan, her wiha awayê rêgirtina li ber çalakiyên PKK di civînê de hatin nirxandin.

Berdevkê Hukumeta Tirkiyeyê Cemil Çicek piştî civînê ragihand ku "Divê zext li ser artêşa Îraqê bê kirin ku
da hêzên PKKê ji başûrê Kurdistanê bi tevayî ji holê rabe û divê DYA jî alîkariya wan bike. Çîçek dibêje em
ê li benda helwesta hevkariya navnetewî û mutefîkên xwe bisekinin. çi ji destê me bê em ê wî bikin. Ji sala
1984an vir ve me çi kiribe, em ê dîsa wî bikin."

Çapemeniya Tirkiyeyê ji radigihîne ku Artêşa Tirkeyê amadeyîyên ji bo ketina başûrê Kurdistanê dike û dîsa
destpêkiriye hêzên xwe li ser sînorê Kurdistana azad bi cîh dike. Tê ragihandin ku hêzên artêşa tirk yên li
Geverê îro bi sedan cemseyan ber bi sînor çûne û li şemzînan û çiyayê spîrêzê bi cîh bûne.
 

Sewqîyata nû tê kirin

Tê ragihandin, li sînorê başûr û rojhilatê Kurdistanê ku bi mehane qasî 250 hezar leşker lê hatine bicîhkirin, çend rojên dawî yekîneyên nû lê hatine zêdekirin.

Hate diyarkirin, piştî civînên bilind ên awerte ku 2 rojin li Enqerê pêk tên, tevî hejmareke zêde ya wesaîtên
zirxî, ji tabûrên komando yên Bolû û Kayseriyê yekîneyên taybet, di Gever, Şemzînan û Ebexê re
veguheztine sînor.

Dewleta Tirk heman senaryoyê dileyze