Li bakûrê Kurdistanê li Bidlîsê mayînek di erebeyekî leşkerî ya Tirk de teqîya di encam de 5
serbaz mir û 4 kesên din jî birîndar bûn. Li gor agahîyan dema ku serbazên Tirk operasîyonê dizivire li gundê
Îçgecîtê saet di 18:30 de mayîn diteqe di encama vê de 5 serbaz mir û 4 serbazên din jî birîndar bûn.

Serbazên ku jîyanên xwe ji dest dane navên wan evin, Hakan Toydemîr, Hayretîn Karabiyîk, Nurdogan
Zorgun, Erdal Kavali û Ramazan Okur. Serbazên ku birîndar bûne navê wan evin, Osman Kaya, Orhan Çetîn,
Ahmet Salkim û Îmdat Çelîk e.
 

Her wiha 3 roj berê jî li navçeya Erûha Sêrtê pevçûnekî di navberê hêzên Tirk û di naveberên
endamê PKKê de derket. Di encam de 1 cerdevan û 7 serbazên Tirkîyeyê hate kuştin.

Dewleta Tirk heman senaryoyê dileyze

Dewleta Tirk bi taybetî Tirkperwerên faşîst dest bi heqeret û daxwaza zêdekirina  zordestîyê ser gelê Kurd kirin.

Piştî zêdebûneke  di şerê çekdarên PKK libakûrê Kurdistan dijî hêzên dewleta Tirkiyê, encumena
Bilind ya şerê Terorîzmê ya dewleta Tirkiyê bi serokatiya wezîrê derve Ebdullah Gul û bi amadebûna Wezîrê
Dadê, wezîrê Navxweyî, general Fewzî Turkir fermanderê hêzên Cendirme, general Işk Koşonar cîgirê
serokerkanê artêşa Tirkiyê, Sekretêrê giştî yê esayişa Tirkiyê Yigit Alsogan, serokê istîxbarata Tirkiyê (MIT)
Cemal Ozkurn û birêvebirê esayişa Giştî Kokhan Amîrnir civînek li dar xist.

Di civînê de mijarên wek sedemên bitofbûna prosesên çekdarî ên PKK û awayê rawestandina wan, her wiha awayê rêgirtina li ber çalakiyên PKK di civînê de hatin nirxandin.

Wek tê zanîn roja berê kabîneta hukumeta Tirkiyeyê civîneka taybet bi mijara 'teror'ê li dar xistibû û
rayedarên tirk piştî civînê di beyanên xwe de îma dikin ku mafê wan heye operasyonekê li dervayê axa
Tirkîyeyê li darxin.

Dîsa tê ragihandin ku bi taybetî eskerên ku li Bolu û Kayserîyê û ji bo şerê çiyê (komando) hatine perwerde
kirin, ji bo Kurdistanê tên sek kirin.

Berdevkê Hukumeta Tirkiyeyê Cemil Çicek piştî civînê ragihand ku "Divê zext li ser artêşa Îraqê bê kirin ku
da hêzên PKKê ji başûrê Kurdistanê bi tevayî ji holê rabe û divê DYA jî alîkariya wan bike. Çîçek dibêje em
ê li benda helwesta hevkariya navnetewî û mutefîkên xwe bisekinin. çi ji destê me bê em ê wî bikin. Ji sala
1984an vir ve me çi kiribe, em ê dîsa wî bikin."

Çapemeniya Tirkiyeyê ji radigihîne ku Artêşa Tirkeyê amadeyîyên ji bo ketina başûrê Kurdistanê dike û dîsa
destpêkiriye hêzên xwe li ser sînorê Kurdistana azad bi cîh dike. Tê ragihandin ku hêzên artêşa tirk yên li
Geverê îro bi sedan cemseyan ber bi sînor çûne û li şemzînan û çiyayê spîrêzê bi cîh bûne.


Balyozê DYAyê ê li Enqerê Ross Wilson jî îro ragihand "nabe ku Tirkiye bi serê xwe tenê hereket bike. Me
ev mesele berê ji xeber da ye. Mesela PKKê ê di hundurê Îraqê de bê çareserkirin."
 

Sewqîyata nû tê kirin

Her wiha hate ragihandin, li sînorê başûr û rojhilatê Kurdistanê ku bi mehane qasî 250 hezar leşker lê hatine bicîhkirin, çend rojên dawî yekîneyên nû lê hatine zêdekirin.

Hate diyarkirin, piştî civînên bilind ên awerte ku 2 rojin li Enqerê pêk tên, tevî hejmareke zêde ya wesaîtên
zirxî, ji tabûrên komando yên Bolû û Kayseriyê yekîneyên taybet, di Gever, Şemzînan û Ebexê re
veguheztine sînor.

Dewleta Tirk û hêzên dijî pêşketina gelê Kurd di listikên xwe de bi israrin

Wekî meha nîsanê bi hinceta PKK tê xwestin ku derbasî ser axa Kurdistana azad bê kirin.Dewleta Tirk di her firesendê de bo pêk anîna  armanca xwe ya qirêj hewl dide.

Tirkîye li pêy têkdana Dewleta Federe ya Kurdistanêye. Tirkîye wek 15 salên dawî dixwaze Dewleta Federe ya Kurdistanê-başûr têk bibe.Ji bo pêkanîna vê armancê jî bi taybetî arteşa Tirk û hêzên tarî li pêy planên qirêj de ne û wek berê jî lîstikên klasîk amade dikin û bi hinceta PKK û “teror”ê dixwazin êrîşî Kurdistana Azad bikin.Ji bo pêkanîna vê armancê li bakûrê Kurdistanê jî zexta ser gel tê zêde kirin.

Êrîşên PKK û kuştina serbazên Tirk kerî tiştek naye û tenê zordestîye Tirkan li bakûrê Kurdistanê zêde dibe û Tirk bo rûxandina Dewleta Federe ya Kurdistan hincêtan derdixîne holê.(hawardengûbas,ajansan)
 

kurdistan   kurdistan   kurdistan   kurdistan   kurdistan   kurdistan   kurdistan   kurdistan   kurdistan   kurdish   kurdi    kürt   kürtçe kürdistan

© Copyright 2006 HAWARDENGÛBAS. Hemû mafên nûçe û nivîsên ku vê rave hatiyê danîn ser navê Hawar Kurdistan Media Group ya HAWARDENGÛBAS e.Beyî destûr naye bikaranîn.