Beşa Kurdistan

Bavê "Kurên Baş" Yaşar Buyukanıt Êdî Li Ser Kar e

 03 Tebax, 2006 weşandin:03:12:44 (GDK)

HAWARDENGÛBAS,AMED,Kurdistan-- Yaşar Buyukanit him bi kiryarên xwe yên 10 salên dawîn,him bi têkîlîyên xwe yên tarî û him jî bi daxûyanîyên xwe yên tuj dide xuya kirin ku wê ji niha û pêve tundiya heyî ya li dijî gelê Kurd li bakûrê Kurdistanê zêde bibe.

Nûçe – Şîrove / Hesen DILGEŞ / HAWARDENGÛBAS

Berî Civîna bilind a Şûraya Leşkerî ya Dewleta Tirk, Yaşar Buyukanitê ku navê wî di terora Şemzînanê de hatibû rojevê û wî bo tawanbarê bûyerên Şemzînanê Alî Kaya gotibû ez wî nas dikim,ew kurekî beş e", li dewsa orgeneral Hilmi Ozkok bû bû serokê nû yê fermandariya giştî ya artêşa Tirk.

Cara yekemîn e ku li dewleta Tirk, generalek beriyaya civîna ‘Şûraya Bilind yê Leşkêrî’ ji bo Serokatiya Giştî ya Serpiriştiya Tirk, tê tayînkirin.

Medyaya Cîhanê wek Reuters û AFP'ê, şîroveya "bazek bû serokê giştî yê artêşa Tirk,'' kirin û ser nijad perestîya wî û hişk bûna wî ser kêşeya Kurd de sekinîn.

Nakokîya navbera hikumeta Tirk û Arteşa Tirk-dewleta kûr

Wekî tê zanîn li tirkîye bo hilbijartinên giştî jî tenê salek ma û kemalîst û dijmînê Kurdan CHP jî dixwaze ji vê planê para xwe bistîne.Zêde bûna bûyerên bi vî rengî jî bi nêzik bûna hilbijartinan ve jî girêdayîye. AKP jî ji ber tirsa winda kirina hilbijartinan di demên dawî de helwesta xwe ya berê guhart û peyama xwe ya nijadperestîyê zêde dike.Piştî bûyerên li Amedê li seranserî Tirkîye êrîşên ser Kurdan zêde bû

Dewleta kûr kêm be jî gavên hikumeta AKP bo çareser kirina kêşeya Kurd nerazîye.Di ji kar dûr xistina dozgêrê Şemzînanê Ferhat Sarikaya jî bi zexta arteşa Tirk û dewleta kur ser hikumeta AKP pêk hatibû.

Wek tê zanîn sedemê buyerên leşkerî, operasyon, teşebusên çeteyên eskerî, kuştina endamên dadgeha bilind û buyerên din ji aliyekî de bi vî şerê bidestxistina serokerkaniyê ve û postê serokkomariyê ve girêdayî bûn.

AKP di bûyîna Buyukanitê di serokê fermandariya giştî ya artêşa Tirk asteng bike lê zext û zorên arteşa Tirk û dewleta kur hikumeat AKPyê têkbir û Buyukanit bû serokê fermandariya giştî ya artêşa Tirk.

Bi vê gavê, eskeran raunda yekê li hemberî hukmetê bidest xist, niha dor tê ser amadeyiyên raunda duduyê, ku ew jî hilbijartina serokkomarê Tirkiyeyê ye. Ew ê biharê bê hilbijartin. Dewleta kûr di wê meselê de jî ji hukumetê dixwaze ku berbijêrê ku ew dixwazin bê hilbijartin.

Buyukanit ,"kûrê baş" û terora dewletê ya li Şemzînanê

Wek tê zanîn dozgêrê Şemzînanê Ferhat Sarikaya ,di îdîanameyê de cî da bû navê wî. Li ser vê îdianamêyê Ferhat Sarikaya, ji wezîfeya xwe hati bû durxistin.

Serdozgerê Tirk Ferhat Sarikaya, li ser bûyerên Şemzînanê de bo Fermandarê Giştî yê Hêzên Bejayî ya Artêşa Tirk Yaşar Buyukanit de di îddia name de destnîşan kirîye ku ji ber ku bersûcê Şemzînan parastiye û ji bo yek ji wan berbaz Alî Kaya gotibû “ez wî nas dikim û ew kurekî baş e” ji ber vê yekê ser hiquqê bibandor bûye.

"Yaşar Buyukanitê jî goti bû:”Min hertiştî bo Tirkîye kiriye û ji ber yekê bi darizandinê wê serbilintir bim".

Armanca giştî xera kirina Kurdistana azad û tune kirina Kurdên bakûrê Kurdistanê ye

Yaşar Buyukanit him bi kiryarên xwe yên 10 salên dawîn,him bi têkîlîyên xwe yên tarî û him jî bi daxûyanîyên xwe yên tuj xuyaye ku wê ji niha û pêve tundiya heyî ya li dijî gelê Kurd li bakûrê Kurdistanê zêde bibe.

Her wiha wek tê zanîn di rojên dawî de operasyoneke leşkerî bo axa Kurdistana azad di rojevê de ye û dewleta Tirk dixwaze pêşketina li Kurdistana azad asteng bike.Her wiha di bin navê tasfîye kirina PKK'yê de zextên li bakûrê Kurdistanê zêdetir bike.

Buyukanit hema nîşa helwesta xwe ya dahatûyê di wan gotinên xwe piştî dest bi wezîfe kirinê dîyar û got;"Tirkiye di demeke dijwar re derbas dibe. Lê tu kes bila Tirkiyê piçûk nebîne. Bi şerê rizgariyê gelek zehmetiyên mezin hatin derbaskirin, bila her kes ji xwe piştrast be."

Pêywendîdar

© Copyright 2006 HAWARDENGÛBAS. Hemû mafên nûçe û nivîsên ku vê rave hatiyê danîn ser navê Hawar Kurdistan Media Group ya HAWARDENGÛBAS e.Beyî destûr naye bikaranîn.