Kurdistan

Gotinên Rast yê Mam Celal Tirkan Eciz Kir

REBIWAR KURDO - SERHAD B.RÊNAS / HAWARDENGÛBAS
 

27 Rezber(Îlon), 2006 weşandin:13:12:43 (GDK)

HAWARDENGÛBAS,WAŞINGTON,Emerîka--Celal Talabanî Tirkan bi gotinên dîplomatîk him di mijara Kerkûkê de him jî rewşa bakûrê Kurdistanê de hişyar kir.

Li Dewleta Tirk ji ber daxûyanîyên serokkomarê Iraqê û serokê Yekîtîya Niştimanê Kurdistanê Celala Talabanî qiyamet rabûye.

Celal Talabanî li Emerîkayê tevlî bernameyeke radyoya bi navê National Publîc Radio bû û ji bûyerên şîdetê yên Iraqê Tirkiye, Îran û Suriye berpirsyar girtini bû. Talabanî goti bû ku, rêveberiyên Tirk, Îran û Suriyê tevlî karên hundurîn yên Iraqê dibin û ji bo alozî dewam bikin jî, piştgiriyê didin derdorên mûxalîf.

Serokdewletê Iraqê Celal Talabanî destnîşan kir ku, ji ber vê helwesta Tirkiye, Îran û Suriyê bêhna wan teng bûye û got: ‘Em ji cîranên xwe dixwazin tiliyên xwe naxin nav karên me. Bi hurmet nêzî serxwebûn û serdestiya Iraqê bibin’.

Celal Talabanî bi vî avahî Tirkan bi gotinên dîplomatîk him di mijara Kerkûkê de him jî rewşa bakûrê Kurdistanê de hişyar kir.Tê zanîn çend roj berê destûra Kurdistanê çend roj berê li parlemena Kurdistanê hatibû nirxandin.

Di destûrê de dîyarkirna parastina mafê çarenûsê gelê Kurd û madeya tevlî kirirna Kerkûkê bo nav sînorên Kurdistanê jî li Tirkîye bû bû cihê eciz bûnê.Tirk her tim bi avayekî derî mentiq dijminahîya Kurdan dike û dixwaze tilîyên xwe tevî karên Kurdan bike û di vê varî de jî bi Erebên dij-Kurd,bi ajanên xwe û bi Tirkmenan têkdana serketina Kurdan hewl dide.

Gotinên Celal Talabanî jî di vî warî de hişyariyek tund e bo dewleta Tirk

Çend roje ku li Tirkîye bi taybetî medyaya Tirkî ji ber gotinên Celal Talabanî bêzar û eciz in.Serokwezîrê dewleta Tirk derabrê gotinên Talabanî de got "gotinên Talabanî gotinên qirêj û nebaşin".Her wiha çend parlementerên Tirk jî dibêjin ku qaşo ew Celal Talabanî kesekî mihîm nabînin.Ji alîyekî dinjî nerazîbûna wan a tund û cidî negirtina wan nakokîyek mezin e.

Dewleta Tirk  ji ber Kurd bûna Celal Talabanî û pêşketininên li Kurdistana azad li dijî hemû gotinên rayedarên Kurd bêtehhmulin.   hev dixîne.Dewleta Tirk dijminahîya xwe bi her avyekî bo Kurdên li her derê nîşan dide.Dewleta Tirk her tim bi vê helwesta xwe dixe rewşekî pêkenînî.

Dewleta tirk nikare Kurdistanê dagir bike

Mam Celal di daxûyanîyeke xwe yê din de li Emerîka dîyar kir ku divê kêşeya Kurd a li bakûrê Kurdistanê bi riyên demokratîk were çareser kirin.Her wiha got:" da zanîn ku hebûna hêzên leşkerî yên DYAyê, li ber hewldanên dagirkirina Kurdistana Federe asteng e, loma jî ew alîgirên hebuna hêzên leşkerî yên DYAyê ne.

Talabanî çend roj  berê di daxuyaniya xwe de anî bû ziman ku PKK ji bo agirbestê îqna kirine û wê PKKê di nava çend rojan de bi awayekî fermî agirbestê îlan bike. (HAWARDENGÛBAS)
 

Hemû mafên nûçe û nivîsên ku destnîşana HAWARDENGÛBAS hatiyê danîn ser navê Hawar Kurdistan Media Group ya HAWARDENGÛBAS e.Beyî destûr naye bikaranîn.

Binivsîne  |  Biçe Jor   

Hemû Naveroka Beşa Kurdistan

irêdan