Kurdistan

Çi Eleqeya Dewleta Tirk Bi Perwedeya Lêşkerên Kurdistanê Heye!

HESEN DILGEŞ / AMED / HAWARDENGÛBAS
 

21 Rezber(Îlon), 2006 weşandin:11:42:51 (GDK

HAWARDENGÛBAS,HEWLÊR,Kurdistan-- Dewleta Tirk her tim dest dirêjî karên navxwe ya Kurdistana azad dike.Vê carê jî mijar perwedeya leşkerên Kurdan e..

Ev çend roje ku li Tirkîye ser bernameyeke televîzyona BBC'yê ku serbazên Îsraîl ragihadine ku wan li Kurdistanê Pêşmerge perwerde kirine dinya li hev dixîne.

Dewleta Tirk dijminahîya xwe bi her avayekî, bo Kurdên li her derê nîşan dide.

Armanca Tirkan fît kirin e

Dewleta Tirk her tim bi vê helwesta xwe  dixe rewşekî pêkenînî.Rastîya Kurdistana azad ku êdî hemû Cîhan têdigêhe lê dewleta Tirk naxwaze qebûl bike.

Mafê her neteweya ku bo parastina xwe arteşa xwe avabike û pêş bixîne. Dewleta Tirk di her waran de dijî pêşketina Kurdan e.Wek tê zanîn li Kerkûkê dema çareserîyê nêzîk dibe.Dewleta Tirk bo têkdana serkeftina Kurdan bi derdorên din yê dijberên Kurdan di nava hewldanê de ye.

Medyaya Tirkan bi pêşxistina nûçeyên bi vî rengî di vê dema hesas ku dijeyatîya bo Îsraîlê mezin bûye dixwaze nerazîbûnên li dijî Kurdan zêde bibe û bi vî avahî him raya giştîyê xwe him jî hêzên din fît dike.

Di alîyekî din de jî wek tê zanîn Dewleta Tirk di gellek waran de bi Îsraîlê di nava hevkarîyê de ye û karên havbeş dimeşînin.

Dewleta Tirk ditirse ku Kurd di hêla leşkerî de jî pêşkevin û di rojhilata navîn de bibin hêzekî girîng û planên têkdana Kurdan jî pûç derkeve.Kurdistana azad di demên dawî de bo pêşketina arteşa Kurd hewldan tên zêde kirin.

Serokê Kurdistanê jî 2 meh berê ser hêza leşkerîya Kurdistanê jî axifî bû û goti bû "Divê bo parastina destkeft û mafên rewa ya neteweya Kurd pêwîstiya me bi damezrandina leşkerekî Kurdistanî ya pêşketî heye.Wek tê zanîn pêşketina arteşa milletekê li Cîhanê hêza biryar dayînê jî zêde dike.

Serokê dïwana serokatiya Kurdistanê Dr. Fuad Husên;"Çi Pêwîstî heye ku em bi dizî bikin"

Daxûyanîya Dr. Fuad Huseyîn, li ser nûçeya ku ji alîyî televîzyona BCCyê ve hatibû belav kirin , ku hin serbazên Îsraîl ragihandine ku wan li Kurdistanê Pêşmerge perwerde kirine, hat belavkirin û dewleta Tirk û medyaya Tirkan vê mijarê mezin dikin wisa bû;

"Nûçeyên di vî warî de hatine belavkirin, hemû derew in. Ger pêwîstîya me perwedeyeke akademîk hebe, leşkerên Emerîka li Iraqê ne û dikarin pêşmerge bi vekirî perwerde bikin.Çi pêwîstîya bi perwerdeya bi vaşartî heye?Em çima bi dizî bikin!(HAWARDENGÛBAS)

 

Hemû mafên nûçe û nivîsên ku destnîşana HAWARDENGÛBAS hatiyê danîn ser navê Hawar Kurdistan Media Group ya HAWARDENGÛBAS e.Beyî destûr naye bikaranîn.

irêdan