Beşa Kurdistan

Qirika Seddam Di Destê Helebceyîyekî De Ye.

Rûniştina heştemîn ya doza Seddam duh pêk hat.

30 Rêbendan 2006,08:30(G.D.K)

HAWARDENGÛBAS,HEWLÊR,Kurdistan- Duh danîşîna heştêmîn ya Seddam Hisêynê pêk hat.Piştî îstîfa kirina dadgerê berê Rizgar Mihemed,ji bo doza Seddamê dadgerek din ya Kurd ji Helebceya Şehîd bi navê Reûf Reşîd Ebdula hate wezîfedar kirin. Dadger Reşîd ji ber helwestên xwe yên ne baş Seddamê ji dadgehê qewirand. Kurd jî li hêvîya di demekê zûtir de encamdana dozê de ne.

Duh li Bexdayê danîşîna heştêmîn ya Seddam Hisêyinê pêk hat.

Dadgerê berê ya vê dozê Rizgar Mihemed Emînî ku ev jî kurd bû ji ber rexneyan dev ji karê xwe berda.

Bo Rizgar Mihemed Emînî hikumeta Iraqê rexneya “nerm nêzik bûna  hemberî Sedam Hisênî û tawanbarên hevalên wî “  dikirin û ser vê yekê Rizgar Mihemed Emînî îstîfa kiribû.

Bo doza Seddamê dadgerek din ya Kurd ji Helebceya Şehîd bi navê Reûf Reşîd Ebdula(61 salî) hate wezîfedar kirin.Dadgerê nû berovajî dageha berê bi helwestên xwe yên desthilat balê kişand.

Dîktator û kujera bi sedhezarên Kurd Seddam û heft cigîrên wî di vê danîşînê de  ji ber tawana qetl kirina 148 kesên bajeroka Duceyl li sala 1982 darizandin..

Dadger Seddam û tawanbarên din ji salonê derxist

Di dema danîşînê de Berzan Tirkrîtî, dest bi axiftineke dirêj kir û behsa nexweşîya xwe û rewşa xwe ya xirab kir ku xwes ku bo vê yekê çareserîyek were dîtin.

Dadger Reûf Reşît jî niha dema nexweşîya te nîne ka li cîyê xwe rûnê emê paşê li ser nexweşîya te bisekinin.

Lê Berzan Tirkrîtî,axiftina xwe domand. Li ser vê yek di navbera wî dadwer Reûf Reşît de gengeşî çêbû û bêrêzîtîya Tikrîtî bi hin gotinên din domand.

Dadger Reûf Reşîd ser helwesta tewş ya Tikrîtî wê ji salona dadegehê qewirand.

Bi mezinbûna kêşeyê û tevlîbûna Seddem jî bo mineqaşeyê dadger Sedam Huseyîn jî ji salonê derxist.

Gelê Kurd li hêvîya di demekê zûtir de encamdana dozê de ne

Sedam bû sedem ku nifşekî ji holê rabe.Her wiha ji alîyê rejîma Iraqê ve dewlemendîyên siruşta Kurdistanê hat talan kirin aborîya Kurdistan ji bingehê ve hat rûxandin.

Ji ber qeliam û zordestiyên Seddam Kurdistan bi dehan salê xwe winda kir û ji pêşketin û dewlemnd bûyîne bêpar ma.

Piştî avabûna Dewleta Federe ya Kurdistan di sala 1993an de û piştî sala 2003ê bihêzbûna Kurdan di rêveberîya Iraqê de dîrok xwe dûbare nekir û Kurd nêzî mafê xwe yê çarenûsî ango Serbixwebûyînê bûn.

Lê cemawerê Kurdistanê û malbatên bi sedhezaran şehîdên Kurd wan rojan ji bîr nekirin û bo rûmetên xwe yên neteweyî dixwazin zordestîya bidehan salan di şexsa Seddamê dîktator de bi sizaya herî giran bersiva xwe bibîne.