Zimanê Kurdî

Zimanê Kurdî. Zêdetir

Hûrnêrîn
Rewşa Geşedan û Hilberîna Bi Zimanê Kurdî Zêdetir

Ferhêngên Kurdî

www.ferheng.org

Dibistana Zimanê Kurdî

www.dibistanakurdi.com

Beşa Kurdistan

Nexweşxaneya Amedê; Şopên Lingên Dewleta Kûr û Nijadperestîyê.

15 Rêbendan 2006,08:30(G.D.K)

Li Nexweşxaneya Amedê Rêveberîyek diz û Faşist.

AMED,Kurdistan- Serhekîmê Yozgatî Dr. Fetin Rüştü Yildiz, ji dema ku li nexweşxaneya Amedê dest bi kar kiriye û heta niha bi helwest û biryarên xwe tovên nijadperestiyê diçîne û dixwaze doktor û xebatkarên Kurd ji erkên payebilind dûr bixîne.

Serhekîmê Yozgatî Dr. Fetin Rüştü Yildiz, ji dema ku li nexweşxaneya Amedê dest bi kar kiriye û heta niha bi helwest û biryarên xwe tovên nijadperestiyê diçîne û dixwaze doktor û xebatkarên Kurd ji erkên payebilind dûr bixîne.

Serhekîm Fetin Rüştü Yildiz ji sala 2002an ve weke serhekîm li nexweşxaneya Amedê dest bi kar kir. Ji rojên destpêka karê xwe ve wî dest bi dijayetiya xebatkarên nexweşxanê, kesên nexweş û gelê Amedê kiriye.Fetin Rüştü Yildiz ne tenê dijayetiya Amediyan dike, ew her wiha dibe sedema nearamiyêjî.

Navê serhekîm li hundir û derveyî nexweşxanê tevlî gelek bûyerên ne li rê û sextekariyê jî bûye.Serhekîm Fetin Rüştü Yildiz, di nava xebatkarên nexweşxaneyê de cudaxwaziya nijadî û şoven dike û bi vî awahî gelek xalên Destûra Bingehîn ya Tirkiyê jî binpê dike.

Ew bi çandina tovên nijadperestiyê di nava xelkê de dibe sedema rûdana bûyerên nexweş.Gelek xebatkarên nexweşxaneya Amedê bûne şahid ku serhekîm gotiye „Ezê li beşa X ya nexweşxanê Rojhilatiyekî (Kurd) bi tenê jî nehêlim“ û wî bi vî rengî merema dilê xwe diyar kiriye.

Serhekîm cihê xebatkaran li gora nijada wan hildibijêre

Fetin Yildiz cihê xebatkarên nexweşxanê li gora daxwaza xwe diguhere û di guhertinê de guh nade ezmûn û jêhatîbûna karkeran, lê belê berê xwe dide koka wan ya nijadî. Xebatkarên herî bi ezmûn yên emeliyatxanê,beşa nexweşiyên hundirîn û beşên din, ji ber ku Kurd in ji aliyê serhekîm ve ji wan beşan hatine dûrxistin û li şûna wan Tirk hatine bicîkirin.

Ew bi vî awahî hem cudaxwaziyê dike û hem jî xebatkarên ji nijada xwe li derdora xwe kom dike.Kesên ku ji beşên xwe yê xebatê hatine derxistin, di derbarê guhertinê de nehatine agahdarkirin û vê yekê hiştiye ku nearamî di nava xebatkaran de peyda bibe û radeya bikêrhatinê lawaz bibe.

Her wiha serhekîm Fetin Rüştü Yildiz di dema saxtîkirina hundirê nexweşxanê de,heqaretên giran li nexweşnêrên (hemşire) jin û xebatkarên nexweşxanê dike, wan di nava gel de biçûk dike û kesayetê ji wan re nahêle.

Ew bêyî ku li derî bide dikeve odeyên nexweşnêrên jin û nîşan dide ku ew tu nirxên civakî û exlaqî nas nake.Serhekîm Fetin Rüştü Yildiz di bin navê nûkirina nexweşxaneyê de çend karûbarên pînekirina avahiyê pêk anîne û bi vî rengî ji birêvebirên berî xwe zêdetir pere xwarine û tevlî sextekariyê bûye. Rüştü Yildiz bi ramana „Ez çiqasî diyar bikim ku ez kar dikim, ez hewqasî dikarim sextekariyê bikim“ tevdigere û heta niha wî mohrek bi tenê jî li bin projeyeke ku nexweşxanê di aliyê teknîkî de pêş ve bibe nexistiye.

Di pêkanîna hinek projeyan de jî wî li şûna rêkûpêkkirina hinek amûrên kevin, ji bo kurtêlxwiriyê amûrên nû û bêkêr anîne û bi vî rengî bêrîka xwe dagirtiye.Rüştü Yildiz di xebata nûkirin û restorasyonê de jî siyaseta xwe ya cudaxwaz û nijadperest meşandiye.

Ji bo lêkirin û nûkirina nexweflxanê karkerên Tirk tîne

Di xebata nûkirina nexweşxaneyê de wî temamê karkeran ji derve anîne û nehiştiye destê yek mirovê Kurd û Amedî bi kar bibe. Wî di aliyê aborî de destkeftên wiha bi dest xwe ve anîne ku mirov tucaran nikare bi miaşê serhekîmekî bi dest xwe ve bîne. Heta berî çend salan jî ew di avahiyeke biçûk de rûdinişt.

Lê piştî ku ew li nexweşxaneya Amedê bû serhekîm, ew li Malên Hamravat bû xwediyê 2 vilayên luks. Tirimbêleke modêla dawî û gelek mal û mewdanê din jî li mîrata xwe zêde kiriye. Gelek karûbarên ne li rê, yên ku hîna sedî sed nehatine misogerkirin lê cihê gumanê ne hene.Tê gotin ku wî hinek xebatkarên nêzîkî xwe jî kişandine nava vê tevna têkiliyên xwe yên ne li rê.

Ew bi taybetî jî qîmetekî mezin dide xanimên leşker û polîsan.Ev cudaxwazî û nijadperestiyaku tê kirin, di nava xelkê bajêr de jî dibe sedema nearamî û bêbaweriyê. Kesên weke serhekîm Fetin Rüştü Yildiz û taxima wî, li şûna ku sûdekê bigihînin rewşa herêmê ya ku ber bi başiyê ve diçe, ew berê xwe didin koka nijadî ya mirovan û tovên cudaxwazî û nijadperestiyê di nava xelkê de belav dikin.

Li ser rewşa serhekîm berî niha jî gilî û gazin hatine kirin, lê tevna têkiliyên wî heta niha jî ji bo Amediyan ne diyar e û nayê zanîn.Têkiliyên xwe yên li gel rojnamevanên mîna Savaş Ay û wekî din bikar tîne, di derbarê xwe û nexweşxanê de nûçeyan bi wan dide çêkirin, wan nûçeyan bi dîwarên nexweşxanê ve dike û bi vî rengî rê li ber rexneyên ku werin digre.

Piştî van agahdariyan, kesên ku  axivîn, gilî û gazinên xebatkarên nexweşxwaneyê jî wiha anîn ziman:“Xebatkarên nexweşxaneya Amedê bi awayekî giştî ji karê xwe sar bûne û gelekên wan hatine ber destberdana ji kar. Jiyana kar bi tehrîk û gefxwarinê derbas dibe û gihaye radeya dawî. Hinek xebatkar banga xwe digihînin raya giştî û doza hişyariyê li wan dikin, dibêjin:“Em hêvî dikin ku Fetin Rüştü Yildiz ji kar were avêtin yan jî di derbarê wî de lêpirsînek were vekirin û dawiya vê şermezariyê were. Mirovekî wiha li meqamê Hekîmiyê nayê”.

Parêzvanên wî li doktoran didin

Fetin Yildiz bi riya gefan gelek doktoran ditirsîne û bêdeng dike. Herî dawî doktorê bi navê Abdullah (paşnavê wî veşartî) lêdan ji destê parêzvanên Fetin Rüştü Yildiz xwariye. Abdullah giliyê serhekîm kiriye û doz berdewam dike.Kes û dor û berên ku bi vê pirsê re mijûl in, dibêjin “Me gelek caran çapemeniya Kurdî û Tirkî di vê derbarê de agahdar kiriye, lê kesî guh nedaye van gazinan û ev kirêtî nexistine rojeva raya giştî”.

Diyar e ku gelek kes ji Fetin Yildiz ditirsin. Tê zanîn ku gelek têkiliyên vî mirovî bi dewleta kûr û veşartî re hene.Ji ber girîngiya Amedê ya stratejik, wan gelek mirovên faşîst, dijminê Kurdan û tarî anîne ser dam û dezgehên weke nexweşxaneya Amedê û deverên din. Armanca wan kûrkirina dijayetiyê û hilandina Kurda ye.Her wiha mirovên weke Fetin Yildiz ji aliyê hikûmetê ve jî tên parastin.

Guman hene û tê gotin ku hin parlamenterên AKP, Fetin Yildiz diparêzin û di vê kêşeyê de roleke girîng û nebaş dilîzin.

Wisa xuya ye ku bi karên xwe yên qirêj di bin parastina parlementer Ezîz Akgul, Fetin Yıldız wê zêdeitr bibe serê belayê Amedîyan.

(Ev raport bi hevkarîya Rojnameya Peyama KURD û  HAWARDENGUBAS.com hatiye amade kirin)