Beşa Kurdistan-Rojev

Hikumeta Kurdistanê derbarê Şewba Çûkan de hişyariyek da.

Ji ber Şewba Çûkan Li Kurdistana Azad mirina pêşî pêk hat.

30 Rêbendan 2006,10:30(G.D.K)

HAWARDENGÛBAS,HEWLÊR,Kurdistan-- Dûh Hikumeta Kurdistanê derbarê berhevkirina mirîşkan de daxûyanîyek weşand.

Hikûmeta Kurdistan, bi taybetî li niştecihên navçeyên Bişderewe, Bituwên, Şanexisîn û Binarî Asos û bi giştî li hemû hemwelatiyan Kurdistanê bangewazî kir ku bo kom kirina mirîşkên ku ji derveyî welat hatine, alîkarî bidin Wezareta Çandin,Tendurustî û Karê Hûndurîn ya Hikumeta Kurdistanê.

Sedema vê daxûyanîyê jî  belav bûna Şewba Çûkan li hin navçeyan Kurdistanê de ye.

Her wiha Hikûmeta Kurdistan, gelê Kurdistanê agahdar kir ku, ji ber lijneyek li ser Şewba Çûkan lêkolîn dike û li gor agahiyên wê lijneyê bi serjêkirina mirîşkan jî heye ku şobe bigihîje mirovan, bila bi tu kes mirîşkan şejêneke.

Hikûmeta Kurdistanê di derbarê bûhayê mirîşkan jî diyar dike ku her kesên ku mirîşkên xwe bikuje dikare bê ji Hukûmeta Kurdistanê bûhayên mirîşkên xwe bistînin.

Her wiha duh li li Kurdistana Azad bajarê keçikek bi navê Şengîn Abdilqaidr ji ber vê nexweşîyê jiyana xwe ji dest da.

Di kongreyeke rojnamevanî de wezîrê tendurustî yê Îraqê û wezîrê tendurustî yê îdara Silêmanîyê, hebûna Şewba Teyran li navçeya Ranya û dewrûbera wê bi şêweyeke fermî ragehandin û dane nîşandan ku piştî pişkinîna nûjdaran egerê mirina zaroka bi navê "Şengîn" ê 13 salî vayrûsa H5N1 bûye.