Beşa Kurdistan

Ciwan Haco di Roj TV de got: Ez Kurdistaneka serbixwe dixazim û mizgînî li we dewleta Kurdistanê ava dibe

Kurdistan-Rojev/Hawar Dengûbas                                                                                                                    

7 Rêbendan, 2006                                                                                                                                                        

Mîrê roka kurdî Ciwan Haco şeva sersalê di televizyona apociyan de stran gotin û di navbireka stranan de axaft û got ev sedsala em tê de dijîn dê bibe sedsala kurdan û got “mizgîniya min li we dewleta Kurdistanê ava dibe” û got “ez terefdarê Kurdistaneka serbixwe me û gerek em Kurdistana serbixwe bixazin”. Ciwan Haco bi stranên xwe yên welatperweriyê ne tenê dilê guhdaran xweş û şad kir wisa jî tejî kul û derd kir.

Ciwan Haco di şeva sersalê de li Roj TV bû. Ciwan Haco di şeva sersalê de stranên xwe yên kevin, yên welatperwerî û welatparêziyê gotin.

Roj TV wek televizyona apociyan tê naskirin û apocî ne terefdarên Kurdistaneka serbixwe ne. Apocî “demokratîk cumhurîyetê” dixazin û belkî ji ber hindê jî xerîb e ko rê dan Ciwan Haco ko ew behsa avakirina dewleta Kurdistanê bike.

Pêwendiyên Ciwan Haco û apociyan piçekî tevilhevil in. Ciwan Haco bi hizir û daxazên xwe ji apociyan cida ye lê belkî ji ber guhdarên xwe û hindek sebebên dî ew bi terzekê dikeve nav dor û berê apociyan.