Beşa Kurdistan

Barzanî û Talabanî Hatin Cem Hev

30 Rêbendan 2006,08:30(G.D.K)

HAWARDENGÛBAS,AMED,Kurdistan --Serokê Kurdistanê û Iraqê bo gûftugo kirina damezirandina hikumeta nû hatin cem hev.

Serokê Kurdistanê li gel şandeke pile bilind ji herdu partîyên serekî yên Kurdî û hin kesayetîyên girîng ji Lîsta hevpeymana Kurdistanê çûn Bexdayê.

Piştî gihêştina Serokê Kurdistanê bo Bexdayê duh  (yekşemê) serokê Kurdistanê Mesûd Barzanî û Celal Talebanî Serok Komarê Îraqê, li gel Zelmayî Xelîlzad balyozê DYE li Îraqê civînek li Bexdayê federal lidarxistin û guftûgo li ser pêkanîna hikûmeta nû yê Îraqê pêkanîn.

Li gor daxuyanya  serokatîya komarê :

"Serokkomar Celal Talebanî û Serokê Kurdistanê Mesûd Barzanî hevdîtinek bi hev re pêkanîn,di vê civînê de  li ser avakirina hikûmetek yekbûyî axivîn ku hemû pêkhatîya gelê Îraqê beşdar bibe".

Her wiha tê payîn ku Serokê Kurdistanê rêze hevdîtinan li gel nûnerên komîsîyonên sîyasî yên serkeftin di hilbijardinê de bidest anîne li Bexdayê pêkbîne ji bo avakirina hikûmeta dahatî yê Îraqê.