Serokwezîrê Kurdistanê; "Em Dev Ji Kerkûkê Bernadin",11 Pûşper,2006 | Kurdistan

HAWARDENGÛBAS,HEWLÊR,Kurdistan -- Serok wezîrê Kurdistanê; "Kerkûk sembola xebata gelê Kurd tu carî Kurd dev ji Kerkûkê bernadin, mesele ne meseleya neftê ye, neft li her cihekî Kurdistanê heye li Zaxo, li Hewlêrê û li Silêmanîyê heye".

Serokwezîrê hikumeta yekbûyî ya Kurdistanê Nêçîrvan Barzanî di hevdîtinekê bi rojnameya Şerq El-Ewset de ser meseleya Kerkûkê peyamên girîng da.

Serokwezîr Nêçîrvan Barzanî dîyar kir ku Kerkûk sembola xebata gelê Kurd tu carî Kurd dev ji Kerkûkê bernadin, mesele ne meseleya neftê ye, neft li her cihekî Kurdistanê heye li

Zaxo, li Hewlêrê û li Silêmanîyê heye.

Di berdewamîya raveya xwe de got;"Daxwaza me ewe ku Kerkûkê vegere ser Kurdistana Federal ne ji bo Nefte ye, ew nerîn jî şaşe, em çareserekê ji pirsa Kerkûkê re dixwazin li gor destûra ku hemû Îraqîyan li ser erê kirî."

Derbarê helwesta Kurdistanê li hemberî terorê jî Nêçîrvan Barzanî xuyakir ku gelek hêz dixwazin terorê bînin Kurdistanê, lê tu cih ji wan re li Kurdistanê tunebû û weha got: “em di vê warî de serkeftin ew jî bi egera hestyarîya sazîyên asayêşê û welatîyan ku divê li dijî tîrorê rawestin, alîkarîyeke mezin di nevbera sazîyên asayêşê û welatîyan de heye, em ji vê alî de dilniyane ku ta niha jî amadene ku şerê terorê bikin.

Derbarê mijara sermayeguzarîyê li Kurdistanê serokê hikûmeta Kurdistanê dîyar kir ku: Bê guman em

sermayeguzarîyê bîyanî dixebitin û di demeke nêzîk de dê yasaya sermayeguzarîyê ji alîyê Perlemana Kurdistanê ve were erê kirin, ew jî dê ji biyanîyan re bibe hêsanîî ku li Kurdistanê projeyên xwe encam bidin.

Kurdistana Azad di mijarên Kerkûk û neftê de bibiryarin

Wekî tê zanîn him serokê Kurdistanê Mesûd Barzanî û him jî rêveberên din ya Kurdistana Azad gelek caran ser mijarên Kerkûk û nefta Kurdistanê bi eşkereyî diaxifin û di demên dawî de di hin deverên Kurdistana azad de dest bi kolandina bîrên neftê hate kirin.

Serokê Kurdistanê derbarê kêşeya Kerkûkê de çend meh berê jî wiha axifî bû; "Merc nîne ku Kerkûk paytexta Kurdistanê be û reşnivîsa destûra Kurdistanê de jî kevne û ew pêşnîya re lê ne merce û niha Hewlêr paytexte, lê babeta Kerkûkê ne tiştekî hêsa ne û em dest jê bernadin"

Barzanî di axaftina xwe de zelal kiribû ku weka hemû dewlemendîyên serax û binaxa Kurdistanê, petrola Kurdistanê jî aîdî Kurdan e.

Di dawîya 2005’an de li Qebaruxa nêzî Zaxoyê beşdarî merasima ji xenî Serokwezîrê hikûmeta Kurdistanê Nêçîrvan Barzanî, kolana bîreka petrolê bûbû ku ji aliyê kompanya DNO kolan jî tevlî bû bû. Herî dawî jî li teq teqê dest bi kolandina bîrên neftê hatibû kirin.

Wekî tê zanîn petrol li Cîhanê çavkanîya enerjîyê ya herî girîng e.Bo bi hêz bûna di nava sîyesata Cîhanê de pêwîsitî bi xwedî bûna çavkanîya enerjîyan heye.Hikumeta Kurdistanê di bo bikaranînana petrolên Kurdistanê hewlên xwe zêde dike.