Salvegera 19'emîn ya kîmyabaran kirina bajarê Serdeştê rojhilatê Kurdistanê, 28 Pûşper,2006

Îro Salvegera 19'emîn ya kîmyabaran kirina bajarê Serdeştê rojhilatê Kurdistanê ye. Li Kurdistanê yekem car gazên kîmyewî, çekên kîmyewî li bajarê Rojhilat Serdeştê hatin bi kar anîn û
paşê Helebçeyê dewam kir.

Sal 1987 roja 28 Hezîranê ye, saet 4 êvarê ye... Çend balafirên şer ên Iraqê li ezmanên Serdeştê difirin. Ev teyrên hesinî yên Saddam Husên, li ser xelkê bêguneh ê bajarê Rojhilatê Kurdistanê Serdeştê jehr barandin. Li ev bajarê Kurdistanê ku bû yekemîn bajarê lê jehra kîmyewî hat barandin, bi sedan kes mirin û bi qasî 8 hezar kes jî birîndar bûn. Komara Îslamî ya îranê ku wê wextê bi rejîma berê ya Iraqê re di nav şerekî malwêran de bû, hîç girîngî neda dermankirina welatiyan û ji ber vê yekê gelek kesên birîndar jî mirin an jî seqet man. Di ser vî gunehê şer ê rejîma Iraqê re 19 sal derbas dibe.

Lê belê wêneyê trajediya bajarê Serdeşt û navçeyên din ên Kurdistanê ji ber çavê Kurdan naçe. Ta îro jî ji hezran birîndaran ên jiyana xwe ji dest didin hene. Piştî 19 salan gunehkar di zindanê de ne, û dîktatorê ji textketî yê Iraqê Saddam Husên tevî baasiyên din ên rêveber tê mehkemekirin. Yek ji gunehkarên din jî yê çek firotin Iraqê Frans Van Anratê Hollandî ye ku niha bi 15 sal cezayê zindanê tê cezakirin.

Di salvegera vê komkujiyê de xelkê kurd bi giştî û bi taybetî jî mexdûrên bajarê Serdeştê û navçeyên din
ên Kurdistanê bang li aliyan dikin ji bo gunehkaran dadgeh bikin. Kesên mexdûran dibêjin; di vê demê de ku em dixwazin zirarê mexdûran were dayîn, di heman demê de em dixwazin Saddam û endamên din ên rejîma Baasê ji vî gunehê şer ê li Serdeştê û navçeyên din ên li Kurdistanê bêne mehkemekirin.

Rejîma Îranê jî bi guhnedana dermankirina birîndaran gunehkare û nabe ku karesata li Serdeştê ji bo
berjewendiyên xwe yên siyasî bi kar bîne. Xizmên mexdûran her weha dixwazin dosyayên taybetî der barê komkujiya rejîma Saddam li Serdeşt û navçeyên Alwetan, Zerde û Şino kir pêşkêşî dadgeha Iraqê û saziyên mafê mirovan ên navdewletî bêne kirin.