Hezkirina Kurdan Bi Mehmed Uzun re ye.,01 Pûşper,2006 | Kurdistan

HAWARDENGÛBAS,STOCHOLM,Swêd-- Nûçeya nexweşîya Mehmed Uzun Kurdan û hemû dostên wî xiste xemgînîyekî mezin.Gelek kes piştî vê nûçeyê diçin nexweşxaneya Karlonîskayê serdena Mehmed Uzun.

Nivîskarê navdar ya Kurd Mehmed Uzun ji ber nexweşîya kanserê rakirin nexweşxaneyê. Nûçeya nexweşîya Mehmed Uzun Kurdan û hemû dostên wî xiste xemgînîyekî mezin.Hê ji nexweşxaneyê daxûyanîyek fermî nehatiye danîn.

Nivîskarê navdar ê kurd Mehmet Uzun ku li Siwêdê dijî bi nexweşiya pençeşêrê ket.

Nivîskarê kurd ê navdar Mehmet Uzun hefteya borî li ser nerihetiyek ji nişkave lê peyda bû, li paytextê Stockholmê rakirin nexweşxaneyê.

Bijîşkên nexweşxaneya herî mezin a Siwêdê Karlonîskayê danasîna nexweşiya pençeşêrê li Nivîskarê Kurd Uzun kir. Bijîşkan anî ziman ku nexweşiya li cem Uzun peydabûyî, gulka pençeşêrê a bi navê 'ura nebaş' tê bi nav kirin.

Li Gor agahîyan Bijîşkan got ku dê rêbaza tedawiyê ya îyot a radyoaktîf ji bo Mehmed Uzun bikar bînin.Her wiha tê ragihandin ku di demekî nêzîk Mehmed Uzun wê nexweşxaneyekî li Emerîkayê were rakirin.

Gelek kes piştî vê nûçeyê diçin nexweşxaneya Karlonîskaye.

Doh jî Wezîre Ciwanan û Sporê(Werzîş) e Hikumeta Kurdistanê Taha Berwarî, li gel şandeke hikumetê Kurdistan serdana Mehmet Uzun kir û hêvîya baş bûna wî kirin.

Niha Kurd bi hezkirinên xwe li cem Mehmed Uzun in û li benda rihet bûn û ji nû ve afirandina berhemên wî yên nû bo wêje û çanda Kurdî ne.

Mehmed Uzun Kîye?

Wekî tê zanîn Mehmed Uzun yek ji kesayatîyên herî girîng ya sedsala dawîn ya neteweya Kurd e.Mehmed Uzun bi romanên xwe bergehek nû ji wêje û romana Kurdî re vekir.

Di zindî bûn û pêşxistina zimanê Kurdî de roleke mezin lîst.Bo romana Kurdî ne destpêk be jî bi balkşiandina wî gelek Kurd vegerîyan zimanê Kurdî û gelek kes jî yekem car bi xwendina romanên wî dest pê xwendina wêjeya Kurdî kirin.

Behemenên wî bo gelek zimanên cûda hate wergerandin.Bi serkeftinên xwe navê gelê Kurd ,zimanê Kurdî û wêjeya Kurdî gihand rojeva Cîhanê.

Li Tirkîye derbarê wî de gelek doz hate vekirin.

Mehmed Uzun di sala 1953'yan de li Siwêrekê hate cîhanê.Mehmed Uzun ku ji sala 1977'an û vir ve li Swêdê dijî heta niha bi kurdî, tirkî û siwêdî bi dehan pirtûk nivîsandine û pirtûkên wî nêzîkî li 20 zimanan hatine wergerandin. Der barê Uzun de ji sala 1985'an û vir ve dest bi nivîsandina pirtûkên xwe kiriye, ji hêla Tirkiyeyê ve gelek doz hatine vekirin.

Mehmet Uzun bi salan rêveberiya Lijneya Rêveberiya Yekîtiya Nivîskarên Siwêdê kir û di kulubên Pena Siwêdê û Pena Navneteweyî de bi çalakî xebitî. Uzun ku endamê Yekîtiya Rojnamegerên Siwêdî û Yekîtiya Rojnamegerên Cîhanê ye.

Her wiha xelatên wek Xelata Pênûsa Azadiyê ya Torgny Segerstedt 2002'yan de, Xelata Akademiya Staîna-Erîk Lundeberg a Siwêdê stand.

Navê Mehmûd Uzun jî wekî sedan Kurdên dilsoz rastî û şaşîyên xwe ser rûpelên dîrok û şaristanîya Kurdistanê re ji niha ve hatiye nivîsandin.

Berhemên Mehmet Uzun

TU, Roman, 1985; Mirina Kalekî Rind, Roman, 1987; Siya Evînê, Roman, 1989; Rojek ji Rojên Evdalê Zeynikê, Roman, 1991; Destpêka Edebiyata Kurdî, Lêkolîn, 1992; Hêz û Bedewiya Pênûsê, Ceribandin, 1993; Mirina Egîdekî, Destan-Lorîk, 1993; Världen i Sverige (Hemû Cîhan di Siwêdê de Ye), Antolojiya Wêjeyê, M. Grive ile Birlikte (Ligel M. Grîve), 1995; Antolojiya Edebiyata Kurdî, Antolojî, du cîlt, 1995; Bîra Qederê, Roman, 1995; Nar Çiçekleri, Ceribandin, 1996; Ziman û Roman, Hevpeyvîn, 1997; Bir Dil Yaratmak (Afirandina Zimanekê), Hevpeyvîn, 1997; Dengbêjlerim (Dengbêjên Min), Ceribandin, 1998; Ronî Mîna Evînê - Tarî Mîna Mirinê, Roman, 1998; Zincirlenmiş Zamanlar Zincirlenmiş Sözcükler (Demên Hatîn Girtîn Gotinên Hatîn Qeydkirin), Ceribandin, 2002; Hawara Dîcleyê, Roman, 2002; Diclenin Sesi (Sirûnên Dîcleyê), Roman, 2003..

Her wiha herî dawî Uzun li ser nivîsandina romana jiyana Auerbach bi navê 'Hêviya Auerbach' dixebitî.