Nahya Zimar ku niha girêdayî Mûsîlê ye,xwe ji Dihokê dizane.,19 Pûşper,2006 | Kurdistan

2 rojnamegerên japonî bi armanca bîranîna Hîroşîma û Nagazakî ku bûbûn hedefa bombeyên atomê yên Amerîkayê, li Paytext Hewlêra Herêma Kurdistana Federal pêşengehek wêneyan ya ji wêneyên bombebarana atomê pêk tê vekir.

Berpirsê pêşengehê Eiko Tamamoto got ku armanca wan ew e ku pêwendîyên di navbera japonên bûne hedefa bombeyên atomê û kurdên bûne hedefa bombeyên kîwyewî de xurt bikin.

Tamamoto, anî ziman ku armanca wan ew e ku di nava gelê japon û kurd de pêwendîyek xurt çêkin û wiha berdewam kir:

"Ev demek dirêj e em kurdan nas dikin. Ez li her çar parçeyên Kurdistanê geriyam, lê gava ez çûm Helepçeyê, min dît ku kurd jî wekî me rastî komkujîyan hatine. Vê yekê jî nîşan da ku herdu gel, pir nêzîkî hev in. Lê belê van her du gelan zêde hev nas nedikir.

Me xwest em her du gelan bihev bidin naskirin. Her wiha bidin nîşandan ku qedera wan yek e. Ji bo ku em vê yekê pêk bînin, wekî destpêk me pêşengehek bi vî rengî vekir." Tamamoto daxuyand ku wê pêşengehê di 29’ê pûşperê de li Helepçeyê jî vekin. Tamamoto her wiha got ku ji bo pêwendiya herdu gelan xurttir bibe, wê xebatên xwe berdewam bikin. (diha)