Der heqê Serokê Giştî yê DTP'ê Ehmed Tirk de jî doz hat vekirin.1. Kongreya Asayî ya Partiya Civaka Demokratîk, hînê di ser re rojek derbas nebû îro danê sibê ket ber lêpirsîna Serdozgeriya Komarê ya Dadgeha Bilind. Serdozgeriyê di vê çarçoveyê de ji Muduriyeta Emniyetê ya Enqerê agahî û dokûmanên der barê kongreya DTP'ê de xwest. Di vê navberê de, der heqê Serokê Giştî yê DTP'ê Ehmed Tirk de jî bi sedema gotina 'Birêz Ocalan' bikaraniye, bi daxwaza 2 sal cezayê girtinê doz hat vekirin. Lê belê, Dozgerê Mehkemeya Cezayê Sûlhê ya Amedê, doznameya ku beyî îfadeya Ehmed Tirk hatiye amadekirin, bi sedema çewtiya di ûsûlê de radestî dozgeriyê kir. Hat ragihandin, Serdozgeriyê jî li mehkemeya bilind îtiraz kiriye. DTP'yî, mîna çûyîna kongreyê di dema vegerê de jî li zext û astengiyan rast hatin. (dîha)

Gruba Xebatê ya Kurd a Demokratîk û Neteweyî civîna xwe ya Elmanya pêk anî

Kurdistan-Rojev/Hawar Dengûbas                                                                                                                    

25 Pûşper, 2006  

Gruba Xebatâ Kurd ya Neteweyi û Demokratik di 25.06.2006an de li Elmanyayê li Bielefeldê civîneke li dar xist.
Civîna ku kurdên Almanya tê de beşdarbûn, katjimêr 14:00 bi rêz girtina şehîdên Kurdistanê dest pê kir û heta 19:00 dom kir.

Berê ku civîn destpê bike dîvanekê hat hilbijartin. Li ser pêşniyarê Mehmet Ece, Seyîdxan Kurij û Sirac Kirici ji bo rêvabirinê civînê hatin hilbijartin. Piştî hilbijartina dîvanê endamê meclîsa Grûba Xebatê Sirac Kirici bi kurteyî li ser dîrok, armanc û avahîya grûbê agahdarî da beşdaran.

Piştra beşdaran li ser xebat, perspektîvên sîyasî yên grûbê, modela grûbê, li bakûrê Kurdistanê rola grûbê ya siyasî û pêwendiyên grûba xebat û Kurdên dîaspora û daxwazên grûbê ji Kurdên dîaspora, dîtînên xwe anî ziman û pirs pirskirin.

58 kes beşdarê civîna Elmanyaya bûn, ji wana qasî 20 kes axaftin. Hemî kesên ku qisê kirin kar û barên gruba xebatê pîroz dîtîn û ji bo piştgiriya vê xebatê amadebûna xwe diyar kirin.