Ji Sûcdarên Şemzînanê re 39 sal siza hate dayîn,Piştre jî Seferî Yilmaz Hate Girtin,22 Pûşper,2006 | Kurdistan

HAWARDENGÛBAS,WAN,Kurdistan -- Bi biryara dadgeha Wanê sûcdarên bûyera Şemzînanê re 39 sal siza hate dayîn.Her wiha piştî vê biryara girîng xwedîyê pirtûk xaneya Umut Seferî Yilmaz jî hate girtin.

Di dawiya danişîna bûyera Şemzînanê ku nêzî 5 saetan dom kir, ji ber ku parêzerê wî amade nebû, dosyaya îtirafkar Veysel Ateş hate veqetandin. Heyeta dadgehê li Alî Kaya û Ozcan Îldenîz jî, ji sûcê avakirina çete salek, 11 meh û 10 roj, ji sûcê teşebûsa kuştina Seferî Yilmaz 12 sal, ji sûcê kuştina Zahîr Korkmaz, 25 sal û ji sûcê birîndarkirina Metîn Korkmaz 6 meh, bi giştî jî 39 sal û 5 meh cezayê girtîgehê birî. Danişîna Veysel Ateş jî taloqî 3'yê Tebaxê hate kirin.

Danişîna biryarê ya doza Şemzînanê ku endamên JÎT'ê Alî Kaya, Ozcan Îldenîz û îtirafkar Veysel Ateş tên darizandin, li 3'yemîn Dadgeha Cezayê Giran a Wanê hate dîtin. Ji bilî Alî Kaya ku hat gotin li GATA'yê tedawiyê dibîne, 2 bersûc anîn danişîna ku 1'ê pûşperê, li ser daxwaza parêzerên bersûcan a parastina pêvek hatibû taloqkirin. Xwediyê pirtukxaneya Umutê ya hatiye bombekirin û hemû parêzerên mexdûran tevli danişînê bûn. Parêzerê îtirafkar Veysel Ateş, Yurdakan Yildiz hincet nîşan da û tevli danişînê nebû. Di danişîna ku ji aliyê gelek nûnerên rêxistinên sivîl ve jî hate şopandin de, tedbîrên berfireh ên ewlehiyê hatin girtin.

Gorî regihandinên ajansên cûda, biryara dadgehê bi piranîya dengan hatiye qebûl kirin.Endamê dadgehê yê cîgir Sînan Sîvrî daxwaz kiriye ku berbazên mêrkuj ji xala 302 yan ku sûcên bi ’’çalakîyên li dijî yekîtîya dewletê hatine kirin ’ bênê ceza kirin le dadgehê gorî dahiştina dozger bi sûcên ’’kuştina mêran, damezirandina çeteyan û ji pêngav avêtina kuştina mêran’’ ve ew ceza kirine.

Seferî Yilmaz hate girtin

Wek tol girtinê jî piştî biryara Şemzînanê xwediyê Pirtûkxaneya Umut a li Şemzînana Culemêrgê ku di 9'ê Sermaweza 2005'an de hate bombekirin, Seferî Yilmaz bi gumana 'Dibe ku endamê rêxistinê be' hate girtin.

Seferî Yilmaz ku pirtûkxaneya wî di 9'ê Sermaweza 2005'an de ji aliyê endamên JÎT'ê Alî Kaya û Ozcan Îldenîz û îtirafkar Veysel Ateş ve hatibû bombekirin, ji bo ku têkildarî teqîna di gelawêja 2005'an de li Şemzînazê pêk hatî û 5 leşker mirine, îfade bide, ji aliyê Serdozgeriya Komarê ya Wanê hate vexwendin.

Yilmaz ku saetek û nîvan îfade da, Dozgerê Komarê Halîl Îbrahîm Selçîk, bi daxwaze girtinê sewqî Dadgeha Cezayê Giran a Nobedar hate kirin. Yilmaz ku ji aliyê dadger Sînan Sîvrî ve nêzî 2 saetan îfadeya wî hate girtin, bi gumana 'Dibe ku endamê rêxistinê be' hate girtin. Yilmaz ku di bin tedbîrên ewlehiyê yên berfireh de xistin wesayîta bi zirh a Miduriyeta Ewlehiyê û birin Nexweşxaneya Dewletê ya Wanê, piştî di kontrola tenduristiyê de hate derbaskirin, birin Girtîgeha Tîpa F ya Wanê.

Dozger Ferhat Sarikaya ji wezîfe hati bû dûr xistin

Dewleta Tirk tehemmulî eşkere kirina rastîyan nekiri bû bi beralîkirina arteşa Tirk û herî dawîyê de jî Ferhat Sarîkaya ji wezîfeya xwe hati bû dûr xistin.Hin di destpêka bûyerên Şemzînanê de dîybar bû bû ku Dewleta Tirk harî dawîyê vê mijarê bi dêkûdolaban veşêre.Ji ber ku ev sîyaset li Tirkîyeyê 80 sale neguherî ye.

Tirkîye jixwe tu pêşketinên bo Kurdan ji dil nekiribû û hemû hêzên tarî li pêy xirab kirina rewşa heyî ya bakûrê Kurdistanê bûn.Niha jî bi yasaya nû ya “dijî terorê” re dixwazin zextên li ser bakûrê Kurdistanê zêdetir bikin û navê Kurdan bi hinceta PKK terorrîze bikin û piştre jî bi heman hincetê jî êrîşî deskeftîyên Kurdistana Azad bikin.

Ji ber vê yekê divê rexistinên Kurdan li şûna ku banga hestîyarîyê li gelê bakûrê Kurdistanê bikin, ji bo pûc derxistina planên dijminên Kurdan bi çalakî,meş û xebatên cur bi cur bi taybetî li nava welat bikevin liv û tevgerê.

Bûyerên Şemzînanê Çawa Destpêkir

“Nexşeya Kuştina Kurdan” ku ji Erebeya serbazên Tirk Derketibû.

Li Şemzînanê Pirtûkxaneya Umut 11 Sermaweza 2005’san de ji alîyê 2 serbaz û çawişekî pispor bombe hatibû avêtin û di encamê de M. Zahîr Korkmaz jiyana xwe ji dest da bû û Metîn Korkmaz jî birîndar bû bû û piştî bûyerê gelê Şemzînanê êrîş biribûn ser erebeya ku ya serbazan bû û bi rojan çalakîyên gelê şemzînanê berdewam kiribû.

Çawişê Tirk bi navê Tanju ku de ji erebeyê derketibû û gûle weşandi bû ser gelê Şemzînanê û bû bû mirîna Kurdekê bi navê Alî Yilmaz di encama dadgehêde serbest hatibû berdan.

Bûyer wekî “Susurluka Duyemîn” tê binavkirin.

9 sal berê seyareyek ber riya Susurlukê(navçeyekê Tirkîye) qeza kiribû û piştî vê rûdanê têkîlîyên qirêj yên mafya,dewleta tirk,polîs û hin serekêşîrên eslkurd derketibû holê.

Di bûyera Şemzînanê de jî serbaz telefonê kuştarê bisedan Kurd xwînxwar Mehmet Ağar kirin e û derdikeve holê ku dîsa lîstikên li dijî gelê Kurd heman avahî tê meşandin û êrîşên ser Kurdan hin jî ji parlemana Tirkîye tê birêvebirin ku Mehmet Ağar niha parlmeneter e û serokê partîya DYP(partîya Çîller a hov) ye.

Di dîroka Komara Tirk de ser gelê Kurd bi sedan car bûyerên bi vê rengî hat kirin lê yekemîn care ku ewqas vekirî sûcdarên bûyerê tên girtin.Bi avayekî zelal dewleta Tirk bi her avahî (an bixwe-an jî bi destê hêzên din) karên teroristî dimeşîne.

çavkanîyên giştî:diha,pna,ajansan