Serokê Kurdistanê;"Divê Em jî bibin Xwedîyê Arteşekî Pêşketî" 22 Pûşper,2006 | Kurdistan

HAWARDENGÛBAS,HEWLÊR,Kurdistan -- Serokê Kurdistanê di civînê de got; "Divê bo parastina destkeftî û mafên rewa ya neteweya Kurd pêwîstiya me bi ava kirina arteşekî Kurdistanê ya pêşketî heye.

Serokê Kurdistanê Mesûd Barzanî, 2 berê an go di roja 20ê Pûşperê li Havîngeha Selaheddîn bi Serokê Hukûmeta Kurdistanê Nêçîrvan Barzanî, Cîgirê Serokê Hukûmeta Kurdistanê Omer Fettah û wezîrên Kabîneya Pêncem a Hukûmeta Kurdistanê civînekî li ser rewşa niha ya Kurdistanê li dar xistibûn.

Di civînê de Nêçîrvan Barzanî û Omer Fettah ser rewşa giştî axaftinek kirin.

Piştre Serokê KurdistanêMesûd Barzanî axavtinek pêşkêşkir. Serokê Kurdistanêdi axavtina xwe de damezrandina kabîneya nû pîrozkir û got: Di roja me ya îro de, dema dijberiyê nemaye, roj roja hev qebûlkirin e. Di demên derbasbûyî de derfetekî mezin ji destê gelê Kurdistanê derket, lewma pêwîste em bi vê yekgirtinê qereboyê wê derfetê bikin. Ji tevahî wezîran tê xwestin bi yek deng û rengî di xizmeta gelê Kurdistan de bin.

Derbarê hebûna gendelî di hindek saziyên hukûmî de, birêz Serokê Herêm got: Basa hebûna gendelî di saziyên hukûmî de tê kirin. Ji erkê wezîrên Hukûmeta Herêma Kurdistanê ye gendeliyê çareserbikin û vê diyardeyê ji binî ve nehêlin.

Her wiha Serokê Kurdistanê dîyar kir ku divê parlamentoya Kurdistanê bi hûrî agadarî karên hukûmetê be.

Ji alîyekî din ve Serokê Kurdistanê ji PDK û YNK xwest ku piştîvanê hukûmetê bin û dest nexin di nav karûbarên hukûmetê de û got: Tê xwestin kuhemû partiyek ji bo xizmeta millet be. Eger dixwazin vî erkê xwe bi cih bînin, pêwîste piştgîriya hukûmetê bikin û bibne fakterê serkeftinê. Partî ne desthilatin, desthilata wan ji bo xizmeta gel e.

Gel niha li benda baştirîn xizmetguzariye, lewma ji me tê xwestin em qanûn li ser hemû tiştekî re bibînin. Ezê hîç karekî ne pejrênim eger dijî qanûn be.

Serokê Kurdistanê di vê civînê de ser hêza leşkerîya Kurdistanê jî axifî û got "Divê bo parastina destkeft û mafên rewa ya neteweya Kurd pêwîstiya me bi damezrandina leşkerekî Kurdistanî ya pêşketî heye.

Serokê Kurdistana Federe di axaftina xwe de her wiha got: ’’Divê ev artêş, ji bona berjewendî û armanca
parastina mafên gel be’’.

Wek tê zanîn ev armanca Serok Barzanî, ji zû de ve heye, ku artêşa Kurdistanê bê damezirandin, da ku
wextê desthilatdarîya partîyan yan jî a hikûmetekê bi qede ku erka wan leşkeran jî bi wan re xelas nebe û
her dem artêşa Kurdistanê wekî dewletên moderin, ji bo parastina maf û aramîya Kurdistanê, amade be.

Arteş hêza biryar dayînê zêde dike

Wek tê zanîn di Hêza Leşkerîya Dewleta Federe ya Kurdistanê de kêşeya herî mezin nebûyîna çekên girane.Ger hemû hêza leşkerîya Kurdistanê bi çekên giran,modern û bihêz were arastin vê hêz, tevger,bandor,hêza biryar dayîna Kurdistan jî zêdetir be.

Her wiha ger gelê Kurd bixwaze di Cihanê de bibe hêzekî mezin divê Hêza Lêşkerîya Kurdistan bi her avahî xwe modernîze bike û pêş bixe.

Niha ji sedhezarî zêdetir hêza Pêşmergeya Kurdistanê heye.Her wiha sala 1997an de Arteşa Taybet a
Kurdistan(Arteşa Taybet a Zawite) hat avakirin.Lêşkerên Arteşa Taybet a Kurdistan bi rêbazên nûjên tên
perwerde kirin.Sistema bipere tê bikaranîn.Ev tişt jî dibe sedema profesyonel bûyîna vê arteşê. Arteşa
Taybet a Zawite îspat dike ku gelê Kurd jî dikare xwedî arteşekî modern û pêşketi be.

çavkanîyên giştî:pukmedia,kurdistantv,rizgari,ajansan