Zimanê Kurdî

Lêkolîn

Zimanê Kurdî. Zêdetir

Hûrnêrîn
Rewşa Geşedan û Hilberîna Bi Zimanê Kurdî Zêdetir

Ferhêngên Kurdî

www.ferheng.org

Dibistana Zimanê Kurdî

www.dibistanakurdi.com

Beşa Kurdistan

Terora Dewleta Tirk di rojeva Parlemena Ewrûpa de ye

Li Stockholm û li Helebê jî terora dewleta Tirk hate şermezar kirin.

6 Nîsan, 2006 08:34:12 (GDK)

HAWARDENGÛBAS,AMED,Kurdistan-Parlemena Ewrûpa jî bo nirxandina  bûyeran îro dicive. Dewleta Tirk her çiqas nerazîbûna xwe li dijî vê civînê dîyar kiri be jî tu encam bi dest nexistin. Xwepêşandanên ku li bakurê Kurdistanê dijî zextên dewleta destpêkiribû û di encama terora Tirkîye de 15 Kurd jiyana xwe ji dest da bû niha di rojeva Cîhanê de ye.

“Hejmara  kuştîyên di encama terora dewleta Tirk de 15 ye, 550  kes hatin girtin.Kesên binçav kirî bi îşkeceyên giran re rûbirû ne”

Parlemena Ewrûpa jî bûyerên li Kurdistana Bakur û terora dewleta Tirk girt rojeva xwe.

Roja pêncşemê îro di katjimêr 15:00’ê de li Parlemana Ewrûpa bo nîqaş kirina bûyerên li bakûrê Kurdistanê danîştinek tê lidar xistin. Dewleta Tirk her çiqas nerazîbûna xwe li dijî vê civînê dîyar kiri be jî tu encam nexistin

Parlementerên YE'yê şideta dewletê şermezar kir û hişyariya betalkirina muzakereyan kir.

Parlementerên Ewropayê bi armanca destpêkirina diyaloga di navbera kurd û tirkan de nameyek ji îmzekirinê re amade kir. Parlementerên hikûmeta Enqereyê û artêş şermezar kir xwest ku YE înîsyatîfa siyasî hilde destê xwe. Parlementeran geflêkirina gelê kurd jî bi tûndî şermezar kir û hişyariya betalkirina muzakereyan kir.

Kurdên li Ewrûpa jî wê terora Tirkan şermezar kirin

6ê nîsanê roja pênc şemê li Stockholmê li meydana Sergels Torg bo protesto kirina terora dewleta Tirk a li Kurdistana bakur û piştgiriya têkoşîna gelê kurd xwepêşandanekê hate li dar xistin.

Duh li paytextê Swêdê li Stockholmê kurdan li hember parlamentoya Swêdê bi xwepênîşandanekê, bi beşdarîya kurdên ji her çar perçeyên Kurdistanê terora dewleta Tirk hate şermezar kirin.

Xwepêşandan bi hevkarîya HEVKARÎ û FKKS hatibû amadekirin û gelek rêxistin û partîyên Kurdan jî piştgirî kir.

Komîteya amadekar di daxûyanîya xwe de got ku; “Pirsa kurd bi tedbîrên polîsî, bi tedbîrên leşkerî û bi gulebarankirina xelkê sivîl, bi kurtî bi bikaranîna şîdetê nayê çareserkirin. Bi kar anîna şîdetê li hember gelê kurd rewşa Tirkîyê jî aloztir dike, rê li demokratîzekirina Tirkîyê jî digire ku ev jî ne ji berjewendiyên gelên Tirkîyê ye. Ev bûyerên han, bi pêvajoya demokratîzekirina Tirkîyê re û bi haziriyên endametiya YE re naguncin.

Pirsa miletê kurdi, pirseke sîyasî ye û tene dikare bi metodên siyasî û demokratîk bê çareserkirin.

Em bangî Hukumeta Swêdê dikin û ji hemû hêzên aştîxwaz û demokratîk hêvî dikin ku li hember van êrişan bêdeng nemînin. Em daxwaz dikin ku YE, NY van êrişan şermezar bikin û mudaxeleya Tirkîyê bikin ku êrişan li ser gelê kurd bisekinînin û ji bo çareserîyekê gavên cidî bavêjin.”

Li Helebê jî Kurdan terora dewleta Tirk şermezar kirin

Îro saet di 11ê de, bi vexwendinekê ji Partiya Şepêla Pêşeroja Kurdî li Sûriyê, nêzî 1000 kurd li pêş avahiya baylozxaneya Tirkiyê li Helebê kombûn.

LeşkerênSûriyeyê yên ku jimara wan bêtirî 4000 serbazî bû nehişt ev çalakî pêk bê, rê li ber ketin, derketin û nêzîkbûna balyozxaneya Tirkiyê girtin.

Li paytexta Kurdistana Azad Hewlêrê îro terora Tirkîye ser gelê bakûrê Kurdistanê tê şermezar kirin

Di  daxûyanîya komîteya amadekar ya meşa prostesto û şermzarkirina êrîşên dewleta tirk diyar kir ku ewê îro li Hewlêrê meşekê li dar bixin, her wiha bal hatiye kişandin ku ser qonaxa nazika niha gelê kurd li her çar perçeyên Kurdistanê tê re derbas dibe ji bo bidestxistina mafên xwe yên neteweyî û demokratîk, li bakûrê Kurdistanê jî ev bûyer îradeyek e ko ew bi xwe birîyara çarenûsa xwe bide, ev jî bi saya bi sedan qurbanî û fedekariyên gelê kurd çê bûye.

Herweha li ser bûyerên li Amedê û bajarên din yên bakûrê Kurdistanê çê bûne û êrîşên leşker û MITê û polîsên tirk li ser welatiyên sivîlên kurd û kuştin û birîndarikirin û girtina bi dehan xort û jin û zaroyan ko bi van gav û reftaran Tirkiye dixwaze karaestên nû di dîroka mirovantiyê de çêke.

Komîteya amadekara meşê di dawiya daxuyaniya xwe de daxwazê ji parlemênta Kurdistanê û partî û aliyên siyasî û neteweyî û demokratxwaz û rêxistiyên sivîl, xwendekar, xort, afret û sendîka û kesatiyên serbixwe yên ronakbîr û welatparêzan dike ko li hember vê karesata nemirovantî rawestin û helwêst û erka xwe ya neteweyî bînin ziman û bêdeng nemînin.Daxuyanî daxwazê dike pir aktîv beşdarî meşa cemawerî bibin ko biryar ew e sibe 6-ê mehê seet 11-ê sibê li meydana Karkeran li Hewlêrê dest pê bike û here ber parlementa Kurdistanê.

Her li ser vê yekê sekretariya Yekîtiya Qutabiyên Kurdistanê jî daxuyaniyek weşandiye û tê de tevî protestokirina dewleta Tirk, herweha jî daxwaz ji raya giştî ya cîhanê û Yekêtîya Ewropa kir ko helwêstekê li hember van karên dewleta tirk nîşan bide û bi Tirkiye bi metalîteya serdemê û zimanê diyalog û aştiyê serederyê bi doza rewaya gelê kurd re bike.Navenda Çandî ya Asosê jî di peyamekê de piştgiriya xwenîşandanên bakûrê Kurdistanê dike û daxwazê ji raya giştî ya xelkê Kurdistanê û parlement û hukûmeta Kurdistanê dike helwîsteka zelal li hember tundkariyên Tirkiyê yên li dijî xelkê Kurdistanê bigirin.

Bo bidestxistina mafên neteweyî ,bi yek xistina rêzên xwe divê neteweya Kurd terora Tirkan deşîfre bike

Kurd jî li hember tehdîtên Tirkan divê hezên xwe yek bikin û vê firsendê bo deşîfre kirina kiryarên Dewleta Tirk û pêkanîna xwestekên neteweyîya gelê Kurd bikarbînin.

Divê vê hêz û tevgera ku li bakûr peyda bûye bo doz û dazxwazên neteweyî bê bikaranîn.

Bo vê yekê jî divê li her cihê terora dewleta Tirk were şermezar kirin,medyaya Cîhanê were agahdarkirin û potansyola li bakûr bi metodên reel û aqilene bo çareserkirina kêşeya Kurd li ba kûr were qanalîze kirin.

Bi avakirina enîyek neteweyî bo bakûr,avakirina televizyonek neteweyî,bieleqedar bûyîna kêşeyên civaka Kurd li bakûr,bi çalaktir bikaranîna kirina medyaya Kurdî,bi geştirkirina dîplomasîya Kurdî û bi aqilene bikaranîna amûrên heyî û bi xurtir kirina xebatan ser xêzeke neteweyî û bi Kurdistana azad re mil bi mil divê piştgirî li bakûrê Kurdistanê bê dayîn û divê berî her tiştî hedefa yekemîn dewleta Tirk be.

Panoramaya Bûyerên li Bakûrê Kurdistanê

28 Adar

Li Amedê Polîs ser meşa ku bo protesto kirina qetl kirina gerîllayên PKKyê di hat li dar xistin êrîş kir.

Cenazeyên 4 gerîllayên PKKê ku di operesyoneke de jiyana xwe ji dest da bûn serê sibê  li Amedê ji alîyê girseyeke mezin ve hate pêşvazî kirin.Piştî veşartina cenazeyan li goristana Yenikoy, girse dest bi meşê kirin.Piştî demeşê navbera polîs û xwepêşanderan de pevçûn derket.Ciwanan bombeyen molotolf avêtin polîsan. Polîs jî bi tundî êrîşî ser girse kir. Piştre jî alozî li seranserî Amedê belav bû.Dema êrîşên polîsan de gelek kes brîndar bûn.Polîs gule barand ser gel.Li Amedê dikkanan  hatin girtin.Li Amedê  timên Taybet û leşkerên tirk ji bo pêşiya bûyeran bigirin daketin nava bajêr.Li Edeneyê jî piştî veşatina termên gerîllayan de alozî derket , bûyerên tundîyê rûda polîs êrîşî ser xwepêşandaran kir.Li Ofîsê ser avahîya MHPyê bi keviran hate êrîşkirin. Her wiha li Êlîh û Sêrtê jî bûyerên heman rengî rû da.

29 Adar

150 zêdetir brîndar bû û 3 kes jî jiyana xwe ji dest da.Seranserê Amedê ji aliyê polîsan, hêzên çevîk, tîmên taybet û leşkeran ve hatin e dagirkirin.Dikkan û kargehan jî îro nehate vekirin.Li gelek deverên bajêr jî tanq hatin bicihkirin.Ji ber ku hêzên polîsan têrî pêşî girtina çalakiyan nekir, ji bajarên wekî Mêrdîn, Êlih, Elezîz, Riha û Meletiyê ekîbên girêdayî miduriyetên ewlehiyê şandin Amedê. Hate hînbûn ku ji 16'emîn Tugaya Bizirx a li navçeya Erxena Amedê gelek personel û tanqên bi zirx, di demên serê sibehê de li 7'emîn Fermandariya Kolorduyê hatine bicihkirin.Çalakvanan bi taybetî êrîşî dezgehên dewleta Tirk dikin.Her polîs jî wan bûyeran firsend dibîne û êrîşî ser gel dike.Hêzên dewleta Tirk ku daketin kolanan û êrîşî gel û mal û dikanên kirin. Camên deriyên gelek mal û kargehan jî şikestin. Çend hemwelatiyên ku ji derve bûn jî rastî tehdîtên hêzên ewlehiyê hatin. Di çalakiyê de zarokên biçûk rastî lêdanê hatin, jin jî bi copan hatin tehdîtkirin.

30 Adar

Li Amedê  hemû dikkan hatin girtî û xwendekarên zankoya Dîcleyê jî neçûn dersan û zanko boykot kirin.Li dersxaneyan de jî ders nehate kirin. 3 kesên di encama gulebarana polîsan de jiyana xwe ji dest dan a li Goristana Yenîkoy de bi merasîmeke mezin hatin veşartin.Hejmara girseya ku cenazeyê gihîşt 100 hezarî. Piştî merasîmê nêzî 100 kesên beşdarî merasîmê bûn, ber bi mala taziyeyê ve dest bi meşê kir. merasîmê jî alozîyên mezin derket û hêzên dewletên Tirk ciwanek din jî kuşt.Li Batmanê li gelek cihên bajêr leşker hatin bicihkirin. Hate ragihandin ku polîsan çalakvanek ji qata 4'an a avahiyekê avêtiye xwarê.Çalakvanên ku polîsan avêt xwarê û lingê wî şikest, hate binçavkirin.Birîndarên din jî rakirin Nexweşxaneya Dewletê ya Êlihê.Avahiya MHP'ê,avahiya Finans Bankê  û gelek sazîyên dewletê jî hate şewitandin.Li Wan,Riha,Sêrt,Mêrsîn,Mêrdîn, Qoser û Stenbolê jî zextên dewleta Tirk bi xwepêşandanan hate şermezar kirin.

31 Adar

bi sedan tîmên taybet li Amed,Sêrt û li hin bajarên din avêtinser malan û bi sedan kes bilêdan û heqeretan girtin bin çavan.Bi taybetî li Amedê taciz û êrîşên ser berdewam dike.Polîs zextê ser gel dikin.Tê dîyar kirin ku ser kesên binçav kirî êşkence tê kirin.Hersa gel ji ber bikaranîna çekên rast û kuştina mirovên sivîl û bê tawan zêde dibe.Kurd bi fikarin ku êrîşên hovane zêdetir bibin. Wezîrê nevxwe ya Dewleta Tirk Abdulkadîr Aksu  hate Amedê.Wekî tê zanîn Abdulkadî Aksu yek ji dijmînê gelê Kurd e û ligor wî pirsgirêka Kurdistan nîne û divê çareserkirina bûyerên li Amedê jî zêdekirina hêzên lêşkerî pêwîst e.li Batmanî alozî berdewam kir.Li navçeya Geverê ya Culemêrgê ji bo piştgiriyê bidin çalakiyên li Amedê, komeke qelebalix bi agir barîkat çêkirine, polîsan jî bi panzeran li nêzî barîkatê cihê xwe girtin e.Li Geverê hemû esnafên navçeyê derabeyên dikanan girtine.Li Geverê alozî didome.Li Dêrsîmê jî bi sedan kes li Kuçeya Hûnerê li hev civîyan û bi dirûşmeyên wekî, "Gelê Amedê bi tenê nîne", "Gelê me dê hesabê bipirse" heta Suka Binerdê meşiyan. Di dema meşê de polîs bi panzer û robokopan tedbîrên berfireh girtin.Endamê komîsyona YE Olli Rehn got “Em ji bûyeran bi fikar temaşe dikin û em bawerin kêşebi riyên demokratîk werin çareser kirin”.Ji ber gotinên Serokê Şaredarîya Amedê  ku “êşa me 14 bû niha bûye 16” wezareta hundir a dewleta Tirk derbarê Baydermîr lêpirsîn hate dest pêkirin.

1-2 Nîsan

Li Qoserê di encama êrîşan de kesek hate kuştin..Li Gever, Wan,Sêrt,Riha,Şirnex, Mêrdîn, Dêrsîm, Stenbol,Îzmîr û di hin bajarên din de jî alozî çêbû.Li Amedê 2 kesên din yên brîndar jiyana xweji dest dan. Li Qoserê polêsan êrîşî ser protestoya Kurdan kirin û di encamê de 2 Kurd hate kuştin.Serokê şaxê Batmanê ya partîya Civaka Demokratîk hate girtin.Hejmara gitîyan gihêş ser 400ê.

3 Nîsan

Li Wêranşehra Rihayê de jî xwepêşandan çêbû û poîsan êrîşî çalakîyê kir ser, cerdevanek gêj gule berda ser gel.Cerdevan bi avayekî dîn bûyî dehan gule reşand ser gelê Wêranşehrê .Lê guleyên wî bû sedema brîndar bûna polîsekî.

4 Nîsan

Li Bîrecîkê Kurdan xwepêşandanek li dijî zextên Tirkîye li dar xist.Li Dêrsîmê ber avahîya AKP de protestoya Kurdan hebû.Li Qoserên dikkan nehatin vekirin.