HAWARDENGÛBAS | Arteşa Tirk û Hêzên Tarî Li Pêy Planên Qirêj De Ne!.23 Nîsan,2006

HAWARDENGÛBAS,AMED,Kurdistan--Arteşa Tirk hêzekê mezin sewqî ber sînora Kurdistana Azad dike.Armanca sereke ya Tirkîye têkdana Dewleta Federe ya Kurdistanê-başûr ye.

Li gor agahîyan Artêşa Tirk, bi 240 hezar leşker û bi hezaran tanq û topên xwe ve li ser tixûbê(sînor) başûr û bakurê Kurdistanê û li ser tixûbê bakur û rojhilatê Kurdistanê qerargeh danîn û amadekariya êrişêke berfireh dikin. Tê ragahandin ku Fermandariya Bîryargeha Hêzên Bejayî ji bo demekê ber bi Şirnexê ve bar dike.

Hat îdiakirin ku bîryargeh dê li herêma Gabarê bicih bibe û dê ji hêla Fermandarê Hêzên Bejayî Yaşar Buyukanit û Serkanê hêzên bejayî Ergîn Saygun ve bê birêvekirin.Nûçe di medyaya Tirkan de jî bi berfirehî cih digre.

Di berdewama nûçeyê de ev agahî tên kirin: "Ji bo operasyoneke mezin dest pê bike, berî şeş meh niha di nava Fermandariya Hêzên Bejayî de tayînên yekîneyên nû hat kirin.

Koordinasyona tugayên komando yên li Bolu û Kayseriyê û bi beşdarbûna tugayên ewlehiya navîn û du tugayên din koordînasyonek pêh hatiye. Biryargeha li hêrêma Gabarê bi konteynir û bereqeyên leşkerî û yên ku d ê koordinasyonê pêk bînin hatine bicihkirin.Armanca sereke ya Tirkîye têkdana Dewleta Federe ya Kurdistanê-başûr ye. Tirkîye wek 15 salên dawî dixwaze Dewleta Federe ya Kurdistanê-başûr têk bibe.Ji bo pêkanîna vê armancê jî bi taybetî arteşa Tirk û hêzên tarî li pêy planên qirêj de ne û wek berê jî lîstikên klasîk amade dikin û bi hinceta PKK û “teror”ê dixwazin êrîşî Kurdistana Azad bikin.Ji bo pêkanîna vê armancê li bakûrê Kurdistanê jî zexta ser gel tê zêde kirin.

Bo pêk anîna vê armancê jî bi taybetî arteşa Tirk û hêzên tarî li pêy planên qirêj de ne.Ev plana qirêj gav bi gav tê pêkanîn.Yaseya nû ya "têkoşîna dijî terorê" perçeyeke vê planê ye û zextên giran tê ser gelê bakûrê Kurdistanê.Ji hemû lîstikên kûr dîsa gelê Kurd wê zirarê bibînê.

Her wiha îxtîmaleke din ya sewqîyata arteşa Tirk ewe ku midexeleya DYE bo Îranê nêzîk dibe û dewleta Tirk dixwaze ku rê li ber pêşketinekî erênî bo rojhilatê Kurdistanê jî bigre. Amerîka ji bo vê operasyonê, daxwaza tirkan qebûl kiriye. Li gor agahiyan gava ku Serokê artêşa DYAyê Org.Peter Pace meha buhurî li Anqerê bû ji bo vê operasyonê hatiye qani kirin û operasyonê pejirandiye.Pêşveçûnên dawî careke din nîian dide ku Dewleta Tirk bi her avahî dijminê neteweya Kurd e û divê Kurd hêzên xwe bikin yek û rêveberî û dezgehên xwe xurtir bikin û di her warê de çalak bin û planên Tirkan vala derxînin.

Leşkerên Tirk ser sîronrê Kurdistana Azad gule berdidin

Gor agahîyên dawî hêzên arteşa tirk gulle berdane ser xaleka sînor ya Kurdistana Azad.Li gor zanyarîyan bi qasî 25 gulleyên Doşkê li ser xala sînor ya Serzêrî li devera Kanîmasê hatine berdan, lê belê ti ziyan jê çênebûne.

Divê Kurd Hişyar bin

Pêşveçûnên dawî piştî bûyerên li Amed û tevahîya bakûrê Kurdistanê careke din nîşan dide ku Dewleta Tirk bi her avahî dijminê neteweya Kurd e û divê Kurd hêzên xwe bikin yek û rêveberî û dezgehên xwe xurtir bikin û di her warê de çalak bin û planên Tirkan vala derxînin.

Wek tê zanîn li Tirkîye di qada sîyasî de jî bi arteşa Tirk plana xwe dimeşîne û herî dawîn Dewleta Tirk tehemmulî eşkere kirina rastîyan nekir bi beralîkirina arteşa Tirk û herî dawîyê de jî doh Ferhat Sarîkaya ji wezîfeya xwe hate dûr xistin.Hin di destpêka bûyerên Şemzînanê de dîybar bû bû ku Dewleta Tirk harî dawîyê vê mijarê bi dêkûdolaban veşêre.Ji ber ku ev sîyaset li Tirkîyeyê 80 sale neguherî ye.

Girêdanên Pêywendîdar

Hewlên Veşartina Terora Dewleta Tirk ya Li Şemzînanê û Yasaya Nû ya “Dijî Terorê”