HAWARDENGÛBAS | Leyla Zana Li Kurdistana Azad e!.26 Nîsan,2006

Leyla Zana bi serokê Kurdistanê Mesûd Barzanî re rûnişt û jê xwest ku di warê çareserkirina Pirsgirêka Kurd a li bakurê Kurdistanê de û rêgirtina li ber operasyoneke pêkan, roleke çalak bilîze.

Serokê Kurdistanê Barzanî rola Leyla Zana li hember problemên ku derketbûn pêşiya wê bilind nirxand û bal kişande ser pêşdeçûna pirsa gelê Kurdistanê û hêvî xwest çareseriyeka aştiyane jê re bête dîtin, ji ber dema pêkanîna tundkariyan derbas bûye û dîrokê jî xuya kiriye ko ev pirs bi riya bikaranîna hêzê bi tenê zirarên mezin jê derdkevin û nayêne çareserkirin jî.

Leyla Zana di hevdîtinê de şa bûna xwe li hember serdana Kurdistana Azad û pêşweçûnên ku li Kurdistanê bi xwe ve ditine û her weha bidestxistinên girîng ên gelê Kurdistana Azad nîşan da. Zana xwest ku serokê Kurdistanê Mesûd Barzanî li gorî mîsyona xwe zêdetir bikeve nava hewldanan.

Hate hîn bûn ku Zana dê bi Talabanî, bi serokê Parlamentoya Kurdistanê Ednan Miftî û serokwezîrê Kurdistanê Neçîrvan Barzanî re jî hevdîtinan çêbike.

Wek tê zanîn Dewleta Tirk di mehên dawî de zextên xwe ser gelê bakûrê Kurdistanê zêde kirîye.Armanca sereke ya Tirkîye têkdana Dewleta Federe ya Kurdistanê-başûr ye.Ji bo pêkanîna vê armancê jî bi taybetî arteşa Tirk û hêzên tarî li pêy planên qirêj de ne.Her wiha îxtîmaleke din ya sewqîyata arteşa Tirk ewe ku midexeleya DYE bo Îranê nêzîk dibe û dewleta Tirk dixwaze ku rê li ber pêşketinekî erênî bo rojhilatê Kurdistanê jî bigre.

Her serokwezîrê Kurdistanê jî di derbarê hewldanên dawî ya Dewleta Tirk de goti bû "Her destdirêjiyek li ser Kurdistanê bibe, dê helwêsteka tund hebe".

Têkîlîya nabera Kurdistana Azad û bakûrê Kurdistanê xurtir dibe

Di salên dawî dawî de danûstandinên di navbera Kurdistana Azad û li bakûrê Kurdistanê zêdetir dibe.Havdîditin û têkîlîyên bi vî rengî him xizmetê dide bo nêzîk bûna her du perçeyên Kurdistanê di her waran de,him xizmetê dide sûdwergirtin û têgihêştina ji ezmûna li başûr bo bakûrê Kurdistanê,him jî afirandina bergehek nû û hevbeş.

Pêşveçûnên dawî piştî bûyerên li Amed û tevahîya bakûrê Kurdistanê careke din nîşan dide ku Dewleta Tirk bi her avahî dijminê neteweya Kurd e û divê Kurd hêzên xwe bikin yek û rêveberî û dezgehên xwe xurtir bikin û di her warê de çalak bin û planên Tirkan vala derxînin.

Wek tê zanîn li Tirkîye di qada sîyasî de jî bi arteşa Tirk plana xwe dimeşîne û herî dawîn Dewleta Tirk tehemmulî eşkere kirina rastîyan nekir bi beralîkirina arteşa Tirk û herî dawîyê de jî doh Ferhat Sarîkaya ji wezîfeya xwe hate dûr xistin.Hin di destpêka bûyerên Şemzînanê de dîybar bû bû ku Dewleta Tirk harî dawîyê vê mijarê bi dêkûdolaban veşêre.Ji ber ku ev sîyaset li Tirkîyeyê 80 sale neguherî ye.