Zimanê Kurdî

Lêkolîn

Zimanê Kurdî. Zêdetir

Hûrnêrîn
Rewşa Geşedan û Hilberîna Bi Zimanê Kurdî Zêdetir

Ferhêngên Kurdî

www.ferheng.org

Dibistana Zimanê Kurdî

www.dibistanakurdi.com

Beşa Kurdistan

Dewleta Tirk Bi Hêncata PKK Mafên Neteweyî ya Kurdan Nasnake

10 Nîsan, 2006 13:12:23 (GDK)

HAWARDENGÛBAS,AMED,Kurdistanqaşan de bi giştî hate gotin ku divê Tirkîye mafên Kurdan nasbike.Li Hewlêrê jî Tirkîye hate şermezar kirin.

Şevîn ARÎ / HAWARDENGÛBAS

Serokwezîrê Dewleta Tirk çend roje ku bi gotinên xirab êrîşî ser gelê Tirk dike û nijadperestên Tirkan fît dike.

Jixwe tê zanîn Arteşe Tirk,faşîstên Tirkan û hêzên ku ji berdewamîya kêşeya Kurd berjewendîyên wan hene rastîya Kurd û Kurdistanê dizanin lê belê naxwazin ew derewa ku 80 sal berê kirinê derkeve holê û ji berjewendîyên xwe nebin bo civaka ji alîyê sosyo-aborî nizmin jî meseleyê bi avayekî cûda nîşan didin.

Ji xwe girseya ku faşizmê dikin û fam nakin ku bi qasê Tirkan divê mafê Kurdan jî hebe,Kurd jî neteweyekin û bi her avahî cûda ne, bi giranî ciwan û kesên ne pêşketî û perwerdene.Dewlet û arteşa Tirkan vê girseyê re dibêjin ku “li tirkîye Kurd nînin,tenê teror heye mirovên me tên lîstikên hêzên derve” û bi avayekî xweazîyî jî ev girse tê xapandin.

Di meşandina vê polîtîkayê de jî amûrê herî girîng ya tirkan bi salan e jî PKK û tiştên girêdayî wan e.Niha jî bi DTPrê ketine minaqeşeyê û dîsa bi hênceta PKK nijadperestîya Tirkan tê bilind kirin û heqeretê li Kurdan tê kirin.

Erdogan ku gotibû “ez pirsgirêka Kurd nas dikim” bi hişyarîya arteşa Tirk û bi nêzik bûna hilbijartinên giştî li Tirkîye niha bi her avahî peyama nijadperestîyê bilind dike.Li gelek deverên Tirkîyê nijadperestên Tirkan êrîşî Kurdan dikin.

Ji ber ku DTP jî bi vekirî tevnagere û polîtîkayeke netewî nameşîne û ji ber ku rexistinên din jî ne bi peyamên xwe ne jî bi xebatên xwe bawerîyê nadin gel û jibo gihêştina gel amûrên xurt saz nakin û nikarin bibin alternatîf, bişaftina ser Kurdan her roj berdewam dike û potansyela heyî jî tê helandin.

Dewleta Tirk ne tenê bo bakûrê Kurdistanê heman demê de bo tevlihev kirina Kurdistana Azad jî di nava liv û tevgerêde ye û di hêncet PKK ye.

Li gor agahîyên dawî Dewleta Tirk hêzeke leşkerîyê mezin dişînin ber sînorê Kurdistana Azad.

Medyaya Tirkan  û rayedarên Tirk bûyerên li bakûr wekî provakasyon bi nav dikin û wekî her caran sedema bûyeran bi rastî ranagihînin û kêşeya Kurd û Kurdistanê nabînin.Di bernameyên televîzyonên Tirkan de heqeretê li Kurdan tê kirin û hin generalên kevn Tirkan dibêjin bila dewlet ser neteweya Kurd zextên xwe zêde bike.

Layê Kurdistanî

Hin jî rexistin û weşanên Kurdî bûyeran bi avayekî çewt radigihînin û li şûna ku Dewleta Tirk şermezar bikin mijarên di rêza dûyemîn derdixin pêş lê divê Kurd  li hember tehdîtên Tirkan divê hezên xwe yek bikin û vê firsendê bo deşîfre kirina kiryarên Dewleta Tirk û pêkanîna xwestekên neteweyîya gelê Kurd bikarbînin.

Divê vê hêz û tevgera ku li bakûr peyda bûye bo doz û dazxwazên neteweyî bê bikaranîn.

Bo vê yekê jî divê li her cihê terora dewleta Tirk were şermezar kirin,medyaya Cîhanê were agahdarkirin û potansyola li bakûr bi metodên reel û aqilene bo çareserkirina kêşeya Kurd li ba kûr were qanalîze kirin.

Bi avakirina enîyek neteweyî bo bakûr,avakirina televizyonek neteweyî,bieleqedar bûyîna kêşeyên civaka Kurd li bakûr,bi çalaktir bikaranîna kirina medyaya Kurdî,bi geştirkirina dîplomasîya Kurdî û bi aqilene bikaranîna amûrên heyî û bi xurtir kirina xebatan ser xêzeke neteweyî û bi Kurdistana azad re mil bi mil divê piştgirî li bakûrê Kurdistanê bê dayîn û divê berî her tiştî hedefa yekemîn dewleta Tirk be.

Panoramaya Bûyerên li Bakûrê Kurdistanê

28 Adar

Li Amedê Polîs ser meşa ku bo protesto kirina qetl kirina gerîllayên PKKyê di hat li dar xistin êrîş kir.

Cenazeyên 4 gerîllayên PKKê ku di operesyoneke de jiyana xwe ji dest da bûn serê sibê  li Amedê ji alîyê girseyeke mezin ve hate pêşvazî kirin.Piştî veşartina cenazeyan li goristana Yenikoy, girse dest bi meşê kirin.Piştî demeşê navbera polîs û xwepêşanderan de pevçûn derket.Ciwanan bombeyen molotolf avêtin polîsan. Polîs jî bi tundî êrîşî ser girse kir. Piştre jî alozî li seranserî Amedê belav bû.Dema êrîşên polîsan de gelek kes brîndar bûn.Polîs gule barand ser gel.Li Amedê dikkanan  hatin girtin.Li Amedê  timên Taybet û leşkerên tirk ji bo pêşiya bûyeran bigirin daketin nava bajêr.Li Edeneyê jî piştî veşatina termên gerîllayan de alozî derket , bûyerên tundîyê rûda polîs êrîşî ser xwepêşandaran kir.Li Ofîsê ser avahîya MHPyê bi keviran hate êrîşkirin. Her wiha li Êlîh û Sêrtê jî bûyerên heman rengî rû da.

29 Adar

150 zêdetir brîndar bû û 3 kes jî jiyana xwe ji dest da.Seranserê Amedê ji aliyê polîsan, hêzên çevîk, tîmên taybet û leşkeran ve hatin e dagirkirin.Dikkan û kargehan jî îro nehate vekirin.Li gelek deverên bajêr jî tanq hatin bicihkirin.Ji ber ku hêzên polîsan têrî pêşî girtina çalakiyan nekir, ji bajarên wekî Mêrdîn, Êlih, Elezîz, Riha û Meletiyê ekîbên girêdayî miduriyetên ewlehiyê şandin Amedê. Hate hînbûn ku ji 16'emîn Tugaya Bizirx a li navçeya Erxena Amedê gelek personel û tanqên bi zirx, di demên serê sibehê de li 7'emîn Fermandariya Kolorduyê hatine bicihkirin.Çalakvanan bi taybetî êrîşî dezgehên dewleta Tirk dikin.Her polîs jî wan bûyeran firsend dibîne û êrîşî ser gel dike.Hêzên dewleta Tirk ku daketin kolanan û êrîşî gel û mal û dikanên kirin. Camên deriyên gelek mal û kargehan jî şikestin. Çend hemwelatiyên ku ji derve bûn jî rastî tehdîtên hêzên ewlehiyê hatin. Di çalakiyê de zarokên biçûk rastî lêdanê hatin, jin jî bi copan hatin tehdîtkirin.

30 Adar

Li Amedê  hemû dikkan hatin girtî û xwendekarên zankoya Dîcleyê jî neçûn dersan û zanko boykot kirin.Li dersxaneyan de jî ders nehate kirin. 3 kesên di encama gulebarana polîsan de jiyana xwe ji dest dan a li Goristana Yenîkoy de bi merasîmeke mezin hatin veşartin.Hejmara girseya ku cenazeyê gihîşt 100 hezarî. Piştî merasîmê nêzî 100 kesên beşdarî merasîmê bûn, ber bi mala taziyeyê ve dest bi meşê kir. merasîmê jî alozîyên mezin derket û hêzên dewletên Tirk ciwanek din jî kuşt.Li Batmanê li gelek cihên bajêr leşker hatin bicihkirin. Hate ragihandin ku polîsan çalakvanek ji qata 4'an a avahiyekê avêtiye xwarê.Çalakvanên ku polîsan avêt xwarê û lingê wî şikest, hate binçavkirin.Birîndarên din jî rakirin Nexweşxaneya Dewletê ya Êlihê.Avahiya MHP'ê,avahiya Finans Bankê  û gelek sazîyên dewletê jî hate şewitandin.Li Wan,Riha,Sêrt,Mêrsîn,Mêrdîn, Qoser û Stenbolê jî zextên dewleta Tirk bi xwepêşandanan hate şermezar kirin.

31 Adar

bi sedan tîmên taybet li Amed,Sêrt û li hin bajarên din avêtinser malan û bi sedan kes bilêdan û heqeretan girtin bin çavan.Bi taybetî li Amedê taciz û êrîşên ser berdewam dike.Polîs zextê ser gel dikin.Tê dîyar kirin ku ser kesên binçav kirî êşkence tê kirin.Hersa gel ji ber bikaranîna çekên rast û kuştina mirovên sivîl û bê tawan zêde dibe.Kurd bi fikarin ku êrîşên hovane zêdetir bibin. Wezîrê nevxwe ya Dewleta Tirk Abdulkadîr Aksu  hate Amedê.Wekî tê zanîn Abdulkadî Aksu yek ji dijmînê gelê Kurd e û ligor wî pirsgirêka Kurdistan nîne û divê çareserkirina bûyerên li Amedê jî zêdekirina hêzên lêşkerî pêwîst e.li Batmanî alozî berdewam kir.Li navçeya Geverê ya Culemêrgê ji bo piştgiriyê bidin çalakiyên li Amedê, komeke qelebalix bi agir barîkat çêkirine, polîsan jî bi panzeran li nêzî barîkatê cihê xwe girtin e.Li Geverê hemû esnafên navçeyê derabeyên dikanan girtine.Li Geverê alozî didome.Li Dêrsîmê jî bi sedan kes li Kuçeya Hûnerê li hev civîyan û bi dirûşmeyên wekî, "Gelê Amedê bi tenê nîne", "Gelê me dê hesabê bipirse" heta Suka Binerdê meşiyan. Di dema meşê de polîs bi panzer û robokopan tedbîrên berfireh girtin.Endamê komîsyona YE Olli Rehn got “Em ji bûyeran bi fikar temaşe dikin û em bawerin kêşebi riyên demokratîk werin çareser kirin”.Ji ber gotinên Serokê Şaredarîya Amedê  ku “êşa me 14 bû niha bûye 16” wezareta hundir a dewleta Tirk derbarê Baydermîr lêpirsîn hate dest pêkirin.

1-2 Nîsan

Li Qoserê di encama êrîşan de kesek hate kuştin..Li Gever, Wan,Sêrt,Riha,Şirnex, Mêrdîn, Dêrsîm, Stenbol,Îzmîr û di hin bajarên din de jî alozî çêbû.Li Amedê 2 kesên din yên brîndar jiyana xweji dest dan. Li Qoserê polêsan êrîşî ser protestoya Kurdan kirin û di encamê de 2 Kurd hate kuştin.Serokê şaxê Batmanê ya partîya Civaka Demokratîk hate girtin.Hejmara gitîyan gihêş ser 400ê.

3 Nîsan

Li Wêranşehra Rihayê de jî xwepêşandan çêbû û poîsan êrîşî çalakîyê kir ser, cerdevanek gêj gule berda ser gel.Cerdevan bi avayekî dîn bûyî dehan gule reşand ser gelê Wêranşehrê .Lê guleyên wî bû sedema brîndar bûna polîsekî.

4 Nîsan

Li Bîrecîkê Kurdan xwepêşandanek li dijî zextên Tirkîye li dar xist.Li Dêrsîmê ber avahîya AKP de protestoya Kurdan hebû.Li Qoserên dikkan nehatin vekirin.