Divê Kurd Hişyar Bin, Armanca Dewleta Tirk Çav tirsandin e!.29 Nîsan,2006

Dewleta Tirk di 2 hefteya dawî de sewqîyata leşkerî ber bi sînorên Kurdistana azad û rojhilatê Kurdistanê dike û bi alîkarîka medyaya Tirkî ev amadekarîyan bênavber nîşanî ray giştî dide.Bi taybetî di medyaya Tirkan de ev pêşketin tê mezin kirin.Îran jî bi heman armancan di nava hewldanan de ye.

nûçe-şîrove / Hesen DILGEŞ

Dewleta Tirk dixwaze ku hêza û xwe bawerîya Dewleta Federe ya Kurdistan û gelê Kurdistana Azad bê şikestin û her wiha bi taybetî gelê bakûrê Kurdistanê û hemû çavê Kurdistanîyan qaşo bi vê hêzê bê tirsandin.Hêzên berjewendîxwaz û dijminên Kurd dixwazin li bakûrê Kurdistanê asîmîlasyon û prosesa tune kirina ziman,çand û nirxên Kurdistanî ji cihê xwe ku mayê ji nû ve û ji berê bêtir were destpêkirin.

Li bakûr ev proses destpêkirîye û zextên mezin ser gel tê kirin.Armanca herî sereke şikandina xwebawerî û hişmendîya Kurdan e. Tevî ku hîna pêşnûme qanûna tekoşîna li dijî terorê di nîqaşê de ye jî zext û cezayên pê tên xwestin bi rojane di meriyetê de.

Nerehatîyeka Tirkîye û dijminên Kurdan wek Îran û Sûrîye damezirandina di rojên pêş de him Hikumeta Kurdistanê him jî Hikûmeta Iraqê û di Iraqê de mezintir bûna hêza Kurd her waran de ye.

Her wiha eşkereye ku Dewleta Tirk û hin grupên di nava Iraqê ku neyartîyê li Kurdan dikin di nava hevkarîyê de ne.

Rayedarên Kurdistana Azad rastîya Kurd û Kurdistanê bi eşkereyî dîyar dikin.

Serokê Kurdistanê û rayedarên Hikumeta Kurdistanê bi eşkereyî nerazîbûnên xwe ji hewldanên Dewleta Tirk re derbirîn û dîyar kirin ku bo parastina Kurdistanê çi pêwîst be were kirin.

Dewleta Tirk wekî her caran daxûyanîyên pêkenînî diweşîne û herî dawî jî wezîrê derve ya Dewleta Tirk Abdullah Gul got “ez Barzanî ji xwe re mixetab nabînim”.Dewleta Tirk her çiqas Serokê Kurdistanê Br.Mesûd Barzanî ji xwe re wek “mixetap” nebîne jî Mesûd Barzanî bi avayekî fermî serokê Kurdistana Federal e Tirkîye çi bike jî ev rastî li Cîhanê tê pejirandin.

Sewqiyata leşkerî ya ber sînora Kurdistana azad didome

Tê ragihandin ku hêzin Tirkiyeyê di destpêka hefteya dehatû de li ser sinorê başûrê Kurdistanê tatbîqatek eskerî li dar dixe.Sewqîyata eskerî ya Tirkiyeyê ya ser sînor, hîn jî dewam dike. Tirkiye ji Kayseri, Bolu û Tekirdagê hêzên hawayî derbasî ser sinorê Kurdistana azad dike.

Îro jî, ji herêma bajarê Tekirdagê, hêzên Tanq û topan, bi trênan gihîştin Amedê. Ev tanq û top, piştre jî ji operasyonan çûn herêma Şirnexê û li çiyayê Cudî bi cîh bûn.Tê ragihandin ku hêzin Tirkiyeyê di destpêka heftiya dehatû de li ser sinorê başûrê Kurdistanê tatbîqatek eskerî li dar dixe.

Divê Kurd netirsin û hişyar bin

Ger gelê bakûrê Kurdistanê û hemû gelê Kurd bi yekrezî tevbigerin wê planên Tirkan pûç were derxistin.Di salên dawî de wekî hemû karesat û êrîşên mezin Kurdan nêzî hevûdin kir.Di vê pêvajoyê de jî Kurd divê nêzîkî hev bibin û hişmendîya Kurdeyatî bilind bikin.

Bi xwedî derketina Dewleta Federe ya Kurdistanê û bi serkeftî pêkhatina prosesa serxwebûna vê dewletê,parastina ziman,çand û hunera Kurdî pêkanîna yekrezîyê di nav rêxistinên Kurd e û bi baş bikaranîna amûrên ragihandinên Kurdî ên heyî dewleta Tirk wê êdî heta dawîyê têbigehêje ku Kurd bi tenq û topan natirsin.

Tirkîye li pêy têkdana Dewleta Federe ya Kurdistanêye. Tirkîye wek 15 salên dawî dixwaze Dewleta Federe ya Kurdistanê-başûr têk bibe.Ji bo pêkanîna vê armancê jî bi taybetî arteşa Tirk û hêzên tarî li pêy planên qirêj de ne û wek berê jî lîstikên klasîk amade dikin û bi hinceta PKK û “teror”ê dixwazin êrîşî Kurdistana Azad bikin.Ji bo pêkanîna vê armancê li bakûrê Kurdistanê jî zexta ser gel tê zêde kirin.

Bo pêk anîna vê armancê jî bi taybetî arteşa Tirk û hêzên tarî li pêy planên qirêj de ne.Ev plana qirêj gav bi gav tê pêkanîn.Yaseya nû ya "têkoşîna dijî terorê" perçeyeke vê planê ye û zextên giran tê ser gelê bakûrê Kurdistanê.Ji hemû lîstikên kûr dîsa gelê Kurd wê zirarê bibînê.

Pêşveçûnên dawî piştî bûyerên li Amed û tevahîya bakûrê Kurdistanê careke din nîşan dide ku Dewleta Tirk bi her avahî dijminê neteweya Kurd e û divê Kurd hêzên xwe bikin yek û rêveberî û dezgehên xwe xurtir bikin û di her warê de çalak bin û planên Tirkan vala derxînin.

Wek tê zanîn li Tirkîye di qada sîyasî de jî bi arteşa Tirk plana xwe dimeşîne û herî dawîn Dewleta Tirk tehemmulî eşkere kirina rastîyan nekir bi beralîkirina arteşa Tirk û herî dawîyê de jî doh Ferhat Sarîkaya ji wezîfeya xwe hate dûr xistin.Hin di destpêka bûyerên Şemzînanê de dîybar bû bû ku Dewleta Tirk harî dawîyê vê mijarê bi dêkûdolaban veşêre.Ji ber ku ev sîyaset li Tirkîyeyê 80 sale neguherî ye.