HAWARDENGÛBAS | Divê Terora Dewleta Tirk Bi Tundî Were Şermezar Kirin.3 Nîsan, 2006

HAWARDENGÛBAS,AMED,Kurdistan-- Bûyerên ku li bakûrê Kurdistanê 6 roj berê destpêkiribû îro jî berdewam kir. Di encama terora dewleta Tirk ya îroyîn de 3 Kurdên din şehîd bû û bi vê avahî hejmara Kurdên jiyana xwe ji destan gihîşte 11ê.

Alozî Didome

Duh jî li Qoserê di erîşên dewleta Tirk de kesek hate kuştin.

Di encama bûyeran de bi giştî 11 kes jiyana xwe ji dest daye û bi qasê 350 kes jî brîndar bûne û ji zêdetirê 550 kes hatine binçavkirin û ji 200 wan kesan jî hatin girtin.

Her wiha doh û îro li hin bajarên Kurdistanê de alozî û terora dewleta Tirk berdewam kir.

Daxûyanîyên hin rexistinên Kurd bû sedema nerazîbûnan.

Di vê navberê de daxûyanîyên hin rexistinên Kurd jî bû sedema nerazîbûnan.Nerazîbûnên Kurd di ser forûmên ser înternetê de jî mînakake vê yekê ye.Wan rexistinan şûna ku terora dewletê şermezar bikin nasîhan dan gel.Bi avayekî çewt banga aqlê selîm hate kirin.Helwestên wan rexistin an û fam nekirina helwesta gel û bi tundî şermezar nekirina terora dewleta Tirk wek berê îro jî dibe sedema bi hêz bûna pêvajoya îmralî û berfireh bûna lîstik û planên arteşa Tirk û berjewendî xwazan.

Li bakurê Kurdistanê kêşeyên neteweyî û civakî gihîştîye asta herîbilind û hêrsa gel bilind bûye,her çiqas alozî wek girêdayî PKK xuya dibê jî gel bi giştî ji zextên dewleta Tirk ne razîn e.PKK pesna xwe ji wan xwepêşandan bidin jî bûyerên li bakurê Kurdistanê ber raya giştîyê Cîhanê de kêşeya neteweyîya bakurê Kurdistanê eşkere dibe.

Ji ber vê yekê jî divê rexistinên Kurd ji ber PKK li şûna ku ber wan bûyeran çavên xwe bigrin divê xwe nêzîkî gel bikin û sîyeseteke neteweyî û reel bimeşînin ev potansyel û hêza gelê Kurd di xêzekê Kurdeyatî de bi avayekê konjokturel bihelsenginîn.

Divê beramberî kiryarên dewleta Tirk bêdeng neyê mayîn.Divê li Ewrûpayê biçalakî û xwepêşandanan terora

dewleta Tirk were şermezar kirin.Bi qasê ku lîstikên hezên tarî bê eşkere kirin divê ewqas jî terora dewleta Tirk were mehkim kirin.

Bi vî avahî tev gerîn nêzîk bûna li gel dijwartir dike,gel beyî xebat kirinê rast bin jî ji rexneyan bi avayekî xwezayî eciz dibe û divê hestên gel bê fam kirin û hêdî hêdî li gel bernameyeke xebat kirinê hin rastîyan werin eşkere kirin.

Jibo ku hêzên ku Kurdan bikartînin wisa xurtir nebin li şûna ku nasîhat li gel bê dayîn divê terora dewleta Trik were şermezar kirin û daxwaz û xebata neteweyî wek di qadên dîplomasî,çandî,çapamenîya bê bilind kirin da ku pirsgirêka Kurd û Kurdistanê were çaresêr kirin û neteweya Kurd pêşkeve û bigêhêje asta ku layiq dike.

Teyyîp Erdogan û medyaya Tirkan Kurdan tehdît dikin

Serokwezîrê Dewleta Tirj jî Kurdan tehtîd kir û got “Jin bin jî zarok bin jî emê çi pêwist be bi kirin” ango gor emê kuştina zarokan bidomînin.

Panoramaya Bûyerên li Bakûrê Kurdistanê

28 Adar

Li Amedê Polîs ser meşa ku bo protesto kirina qetl kirina gerîllayên PKKyê di hat li dar xistin êrîş kir.

Cenazeyên 4 gerîllayên PKKê ku di operesyoneke de jiyana xwe ji dest da bûn serê sibê li Amedê ji alîyê girseyeke mezin ve hate pêşvazî kirin.Piştî veşartina cenazeyan li goristana Yenikoy, girse dest bi meşê kirin.Piştî demeşê navbera polîs û xwepêşanderan de pevçûn derket.Ciwanan bombeyen molotolf avêtin polîsan.

Polîs jî bi tundî êrîşî ser girse kir. Piştre jî alozî li seranserî Amedê belav bû.Dema êrîşên polîsan de gelek kes brîndar bûn.Polîs gule barand ser gel.Li Amedê dikkanan hatin girtin.Li Amedê timên Taybet û leşkerên tirk ji bo pêşiya bûyeran bigirin daketin nava bajêr.Li Edeneyê jî piştî veşatina termên gerîllayan de alozî derket , bûyerên tundîyê rûda polîs êrîşî ser xwepêşandaran kir. Her wiha li Êlîh û Sêrtê jî bûyerên heman rengî rû da.

29 Adar

150 zêdetir brîndar bû û 3 kes jî jiyana xwe ji dest da.Seranserê Amedê ji aliyê polîsan, hêzên çevîk, tîmên taybet û leşkeran ve hatin e dagirkirin.Dikkan û kargehan jî îro nehate vekirin.Li gelek deverên bajêr jî tanq hatin bicihkirin.Ji ber ku hêzên polîsan têrî pêşî girtina çalakiyan nekir, ji bajarên wekî Mêrdîn, Êlih, Elezîz, Riha û Meletiyê ekîbên girêdayî miduriyetên ewlehiyê şandin Amedê. Hate hînbûn ku ji 16'emîn Tugaya Bizirx a li navçeya Erxena Amedê gelek personel û tanqên bi zirx, di demên serê sibehê de li 7'emîn Fermandariya Kolorduyê hatine bicihkirin.Çalakvanan bi taybetî êrîşî dezgehên dewleta Tirk dikin.Her polîs jî wan bûyeran firsend dibîne û êrîşî ser gel dike.Hêzên dewleta Tirk ku daketin kolanan û êrîşî gel û mal û dikanên kirin. Camên deriyên gelek mal û kargehan jî şikestin. Çend hemwelatiyên ku ji derve bûn jî rastî tehdîtên hêzên ewlehiyê hatin. Di çalakiyê de zarokên biçûk rastî lêdanê hatin, jin jî bi copan hatin tehdîtkirin.

30 Adar

Li Amedê hemû dikkan hatin girtî û xwendekarên zankoya Dîcleyê jî neçûn dersan û zanko boykot kirin.Li dersxaneyan de jî ders nehate kirin. 3 kesên di encama gulebarana polîsan de jiyana xwe ji dest dan a li Goristana Yenîkoy de bi merasîmeke mezin hatin veşartin.Hejmara girseya ku cenazeyê gihîşt 100 hezarî. Piştî merasîmê nêzî 100 kesên beşdarî merasîmê bûn, ber bi mala taziyeyê ve dest bi meşê kir. merasîmê jî alozîyên mezin derket û hêzên dewletên Tirk ciwanek din jî kuşt.Li Batmanê li gelek cihên bajêr leşker hatin bicihkirin. Hate ragihandin ku polîsan çalakvanek ji qata 4'an a avahiyekê avêtiye xwarê.Çalakvanên ku polîsan avêt xwarê û lingê wî şikest, hate binçavkirin.Birîndarên din jî rakirin Nexweşxaneya Dewletê ya Êlihê.Avahiya MHP'ê,avahiya Finans Bankê û gelek sazîyên dewletê jî hate şewitandin.Li Wan,Riha,Sêrt,Mêrsîn,Mêrdîn, Qoser û Stenbolê jî zextên dewleta Tirk bi xwepêşandanan hate şermezar kirin.

31 Adar

bi sedan tîmên taybet li Amed,Sêrt û li hin bajarên din avêtinser malan û bi sedan kes bilêdan û heqeretan girtin bin çavan.Bi taybetî li Amedê taciz û êrîşên ser berdewam dike.Polîs zextê ser gel dikin.Tê dîyar kirin ku ser kesên binçav kirî êşkence tê kirin.Hersa gel ji ber bikaranîna çekên rast û kuştina mirovên sivîl û bê tawan zêde dibe.Kurd bi fikarin ku êrîşên hovane zêdetir bibin. Wezîrê nevxwe ya Dewleta Tirk Abdulkadîr Aksu hate Amedê.Wekî tê zanîn Abdulkadî Aksu yek ji dijmînê gelê Kurd e û ligor wî pirsgirêka Kurdistan nîne û divê çareserkirina bûyerên li Amedê jî zêdekirina hêzên lêşkerî pêwîst e.li Batmanî alozî berdewam kir.Li navçeya Geverê ya Culemêrgê ji bo piştgiriyê bidin çalakiyên li Amedê, komeke qelebalix bi agir barîkat çêkirine, polîsan jî bi panzeran li nêzî barîkatê cihê xwe girtin e.Li Geverê hemû esnafên navçeyê derabeyên dikanan girtine.Li Geverê alozî didome.Li Dêrsîmê jî bi sedan kes li Kuçeya Hûnerê li hev civîyan û bi dirûşmeyên wekî, "Gelê Amedê bi tenê nîne", "Gelê me dê hesabê bipirse" heta Suka Binerdê meşiyan. Di dema meşê de polîs bi panzer û robokopan tedbîrên berfireh girtin.Endamê komîsyona YE Olli Rehn got “Em ji bûyeran bi fikar temaşe dikin û em bawerin kêşebi riyên demokratîk werin çareser kirin”.Ji ber gotinên Serokê Şaredarîya Amedê ku “êşa me 14 bû niha bûye 16” wezareta hundir a dewleta Tirk derbarê Baydermîr lêpirsîn hate dest pêkirin.

1-2 Nîsan

Li Qoserê di encama êrîşan de kesek hate kuştin..Li Gever, Wan,Sêrt,Riha,Şirnex, Mêrdîn, Dêrsîm, Stenbol,Îzmîr û di hin bajarên din de jî alozî çêbû.Li Amedê 2 kesên din yên brîndar jiyana xweji dest dan.