HAWARDENGÛBAS | Neteweya Kurd Şehîdên Enfalê Bibirtîne.15 Nîsan,2006

Piştî axaftinê parlemneterên Kurd pêşnîyarên xwe bo nehêlena zirarên enfal û kîmyabaranan anîn ziman û ser çend xalekî jî lawazîya hikumeta Kurdistan hate rexne kirin.

Dîktator Seddam nêzî 4500 gûndên Kurdan rûxand nêzî 200 hezar Kurd qetl kir,bi sed hezaran Kurd mecbûr man ku ji welatê xwe birevin

Her wiha biryara zêdekirina muçeyên malbatên şehîdan û bo yada enfalkirîyan çêkirina monumentek hate standin.

Di çalakîyên dervey parlemenê de jî ser girîngîya bîranîna şehîdan hate sekinîn û helwesta kerr û lalî ya Cîhanê yê vê demê beramberî qetl kirina Kurdan jî hate rexne kirin.Li bajarên Hewlêr,Silêmanî û Zaxo jî karesata enfal hate bibîranîn û li zankoya Silêmanî jî çalakîyên taybet hate li dar xistin.

Bi helkeftina salvegera 18.emîn a bûyera komkujiya enfalan ku di encamê de kurd ji zarok, pîr, jin û mêran jiyana xwe ji dest dabûn û zêdetir ji 4,000 gund wêran bûbûn, û bi sedên hezaran ji kurdan koçbar bûbûn, serokkomarê Iraqê Mam Celal Talebanî jî daxûyanîyek weşand.

Di daxûyanîyê de Celal Talebanî da xuyanî ku dê komkujî û sirgûn herdem bimîne di bîra gellê kurd de, û dê bibe.Celal Talebanî di beyannameyê de angaşt ku temenê zordar û xwînrêjan kurte û heqiya dadgeha dîrokê li wan nabihure.Her wiha got ''Bîranîna şehîdan hêrsê dide me ku em bi yekbûn beramber fitneçî û şerxwazan rawestin û berxwedanê bikin”.

Di Encama “Enfal”ê de nêzî 200 hezar Kurd şehîd bû

Rejîma hov Baas ya bi destê dîktator Seddam bi piştgirîya hevkarên wî yên navneteweyî dibin navê enfalê de (enfal navê sireyeke Quranê ye) nêzî 4500 gûndên Kurdan rûxandin nêzî 200 hezar Kurd qetl kirin,bi sed hezaran Kurd mecbûr ma bûn ku ji welatê xwe birevin. 31/7/1983 da 8 hezar barzanî hate bêserûşuwên kirin.

Operasyona enfal ku ji herî mezin komkûjîyên li cîhanê ye û raya giştî yê Cîhanê ber vê cenoasydê bê deng ma bûn.

Hêvîya gelê Kurdistan ewe ku careke din dijmin nikari be hêç Kurdekî bikuje.

Dîktator Seddam û Xwînxwar Elî Kîmyewî

Bo vê yekê jî divê Kurd hêzên xwe bikin yek Kurdistanek azad,serbixwe û pêşketî avakirin.Kurd îro ne serbixwe be jî û beramberî hemû kêmasî û xeletîyan dewletek avakirin,bi dehan organên media,Hikumeta Kurdistan,Parlemena Kurdistan,wezaretên Hikumeta Kurdistan,bi dehan sazî,dezgeh,rêxistinên neteweyî(çandî,sîyasî,perwerdeyî û fermî) afirandin.

Emro beşekî ji xaka Kurdan azad e û ber bi serbixwe bûyîne we diçe.Kujerê bi sedhezaran Kurdan Seddam Hiseyîn û tawanbarê komkujîya Helebceyê Elî “Kîmyewî” hatin girtin.Niha Seddam ji alîyê dadgerekê Helebceyî ve tê dadgehî kirin.