Kurdistan

Siyasetmedarên kurd tên cem hev

28 Kewçêr,2006 weşandin:09:58:16 (GDK)

Siyasetmedarên kurd ku ji bo çareseriya pirsgirêkê helwestên cuda nîşan didin, dê bi konferansekî bi navê "Kurd, çawa li pirsgirêka kurd dinihêrin" de bên cem hev û çaraseriya pirgsirêkê binirxînin.

Komeleya Lêkolînên Akademîk û Foruma Demokrasiya Kurd, di 25'ê sermewazê de li Enqereyê bi navê "Kurd, çawa li pirsgirêka kurd dinihêrin" konferansekê li dardixe. Kesên wekî Hevserokê Giştî yê DTP'ê Ahmet Turk, Serokê Giştî yê HADEP'ê yê berê Murat Bozlak, Serokê Giştî yê Hak-Par'ê Abdulmelîk Firat, Wezîrê berê Şerafettîn Elçî, Parlementerê CHPŞ'ê Esat Canan, Nivîskarê Kurd Tarik Ziya Ekincî, Nivîskar Faîk Bulut, Sosyolog Îsmaîl Beşîkçî dê wekî axaftvan beşdarê Konferansê bibin û bi vî konferansê tê hêvîkirin ku di navbera kurdan de dîyalogekî bê li darxistin û ji bo çareseriyê nêrînekî hevpar derkeve holê.

'Em dixwazin nêrînek giştî derkeve holê'

Sekreterê Giştî yê Komeleyê Eyup Demîr da zanîn ku ev demekî dirêj e ji bo kurdan bînin cemhev û konferansê li darbixin, xebatan dimeşîn in û wiha axivî: "Em bawer dikin ku kurdên bi awayên cuda li pirsgirêkê dinhêrin û di platrformekî hevpar de nêrinên xwe bînin ziman dê ev yek bibe sedema giştî dîtina pirsgirêkê. Ji ber ku baweriya me bi vê yekê heye em konferansekî bi vî aweyê li dardixin."

Li aliyê din hate diyarkirin ku ligel kesên axaftvan piraniya wan siyasetmedarên kurd dê 300 kes ji bo konferansê bên vexwandin.
 

Hemû mafên nûçe û nivîsên ku destnîşana HAWARDENGÛBAS hatiyê danîn ser navê Hawar Kurdistan Media Group ya HAWARDENGÛBAS e.Beyî destûr naye bikaranîn.

Binivsîne  |  Biçe Jor   

Hemû Naveroka Beşa Kurdistan

irêdan