Kurdistan

Dewleta Tirk Tehemmulî Cezayên Tawanbarên Şemzînanê nekir

17 Kewçêr,2006 weşandin:10:10:04 (GDK)

HAWARDENGÛBAS-- Serdozgeriya Komarê ya Dadgeha Bilind xwest, endamên artêşê yên li Şemzînanê li ser guneh hatin zevtkirin, jinûve bên mehkemekirin.Serdozgeriyê xwest biryara li dijî astsûbayan hatiye dayîn ji binî ve were xerakirin, ji ber ku di warê ûsûlê de qelse û di encama lêpirsîneke lawaz de hatiye dayîn.

Serdozgeriya Komarê ya Dadgeha Bilind, biryara 3. Mehkemeya Cezayê Giran a Wanê lêkola û nêrîna xwe ya li ser mijarê îro eşkere kir.

Li gorî vê yekê, serdozgeriyê biryara li dijî astsûbayên roja 9'ê Cotmeha sala 2005'an Pirtûkxaneya Ûmûdê bombekiribûn hate birrîn, di warê ûsûlê de qelse.

Û ji ber biryar di encama lêpirsîneke qels de hatiye dayîn xwest, biryar ji binî ve were xerakirin.

Li ser vê yekê, dosya dozê ji bo temyîzê ji 9. Daîreya Dadgeha Bilind re hat şandin.

3. Mehkemeya Cezayê Giran a Wanê, di doza ku 19'ê Hezîrana sala 2006'an de bi dawî bû, bi sedema 'Însan kuştine, çete avakirine û hewldane mirovan bikujin' 39 sal, 5 meh û 10 roj cezayê girtinê li astsûbayên li ser suc hatin zevtkirin Elî Kaya û Ozcan Îldenîz, birrîbû.

Li gor nêrîna serdozgerîyê rêxistinek weha nîne û loma jî daxwaza “heger belgename û agahîyên derbarê rêxistinê de hebin, bila bikeve vê dosye yê” dike. Dozgerî herweha dibêje ku heger îhtimala dewamkirina dadgeha hevalê herdu astsûbayan ê binavê Veysel Ateş ê îtirafkar hebe, bila dosyeyê wan bibin yek.

Buyukanit hat û Kurên Baş ketin tevgerê

Piştî ku Yaşar Buyukanitê bû serokê nû yê fermandariya giştî ya artêşa Tirk  destê derdorên dijberên Kurd bihêz bû Û niha jî "tol" ê ji kurdan distînin.

Wek tê zanîn ser dozgêrê Şemzînanê Ferhat Sarikaya ,di îdîanameya Şemzînanê de cî da bû navê wî. Li ser vê îdianamêyê Ferhat Sarikaya, ji wezîfeya xwe hati bû durxistin.

Serdozgerê Tirk Ferhat Sarikaya, li ser bûyerên Şemzînanê de bo Fermandarê Giştî yê Hêzên Bejayî ya Artêşa Tirk Yaşar Buyukanit de di îddia name de destnîşan kirîye ku ji ber ku bersûcê Şemzînan parastiye û ji bo yek ji wan berbaz Alî Kaya gotibû “ez wî nas dikim û ew kurekî baş e” ji ber vê yekê ser hiquqê bibandor bûye.

"Yaşar Buyukanitê jî goti bû:”Min hertiştî bo Tirkîye kiriye û ji ber yekê bi darizandinê wê serbilintir bim".

Dewleta Tirk tehemmulî eşkere kirina rastîyan nekiri bû bi beralîkirina arteşa Tirk û herî dawîyê de jî  Ferhat Sarîkaya ji wezîfeya xwe hati bû dûr xistin.Hin di destpêka bûyerên Şemzînanê de dîybar bû bû ku Dewleta Tirk harî dawîyê vê mijarê bi dêkûdolaban veşêre.Ji ber ku ev sîyaset li Tirkîyeyê 80 sale neguherî ye.

Tirkîye jixwe tu pêşketinên bo Kurdan ji dil nekiribû û hemû hêzên tarî li pêy xirab kirina rewşa heyî ya bakûrê Kurdistanê bûn.Niha jî bi yasaya nû ya “dijî terorê” re dixwazin zextên li ser bakûrê Kurdistanê zêdetir bikin û navê Kurdan bi hinceta PKK terorrîze bikin û piştre jî bi heman hincetê jî êrîşî deskeftîyên Kurdistana Azad bikin.

Ji ber vê yekê divê rexistinên Kurdan li şûna ku banga hestîyarîyê li gelê bakûrê Kurdistanê bikin, ji bo pûc derxistina planên dijminên Kurdan bi çalakî,meş û xebatên cur bi cur bi taybetî li nava welat bikevin liv û tevgerê.

Bûyerên Şemzînanê Çawa Destpêkir

Li Şemzînanê Pirtûkxaneya Umut 11 Sermaweza 2005’san de ji alîyê 2 serbaz û çawişekî pispor bombe hatibû avêtin û di encamê de M. Zahîr Korkmaz jiyana xwe ji dest da bû û Metîn Korkmaz jî birîndar bû bû û piştî bûyerê gelê Şemzînanê êrîş biribûn ser erebeya ku ya serbazan bû û bi rojan çalakîyên gelê şemzînanê berdewam kiribû.

Çawişê Tirk bi navê Tanju ku  de ji erebeyê derketibû û gûle weşandi bû ser gelê Şemzînanê û bû bû mirîna Kurdekê bi navê Alî Yilmaz di encama dadgehêde serbest hatibû berdan.

Bûyer wekî “Susurluka Duyemîn”  tê binavkirin.

9 sal berê seyareyek ber riya Susurlukê(navçeyekê Tirkîye) qeza kiribû û piştî vê rûdanê têkîlîyên qirêj yên mafya,dewleta tirk,polîs û hin serekêşîrên eslkurd derketibû holê.

Di bûyera Şemzînanê de jî serbaz telefonê  kuştarê bisedan Kurd xwînxwar Mehmet Ağar kirin e û derdikeve holê ku dîsa lîstikên li dijî gelê Kurd heman avahî tê meşandin û êrîşên ser Kurdan  hin jî ji parlemana Tirkîye tê birêvebirin ku Mehmet Ağar niha parlmeneter e û serokê partîya DYP(partîya Çîller a hov) ye. 

Di dîroka Komara Tirk de ser gelê Kurd bi sedan car bûyerên bi vê rengî hat kirin lê yekemîn care ku ewqas vekirî sûcdarên bûyerê tên girtin.Bi avayekî zelal dewleta Tirk bi her avahî (an bixwe-an jî bi destê hêzên din) karên teroristî dimeşîne.(HAWARDENGÛBAS / DÎHA)


 

Hemû mafên nûçe û nivîsên ku destnîşana HAWARDENGÛBAS hatiyê danîn ser navê Hawar Kurdistan Media Group ya HAWARDENGÛBAS e.Beyî destûr naye bikaranîn.

Binivsîne  |  Biçe Jor   

Hemû Naveroka Beşa Kurdistan

irêdan