Kurdistan

Wezîrê Pêşmergeyên Kurdistanê:Rexistneke wek Hamas nikare navê Pêşmerge bi lêv bike

10 Kewçêr,2006 weşandin:01:13:24 (GDK)

Piştî gotinên serokê wezîrên Filestînê yên di bareya Pêşmergeyên Kurdistanê de, evroj wezîrê herêmê yê kar û barên pêşmerge Şêx Ce`fer bi dijwarî rexne li bêjedanên Ismayîl Henîyye girt.

Wezîrê herêmê yê kar û barên pêşmerge Şêx Ce`fer Mustefa di bêjedanek taybetî de ragihand ku serokê wezîrên Filestînê Ismayîl Henîyye serkirdeyê rêxistinek terorîsta wek Hemas, divê maf jê re tine be ku her navê pêşmerge û wan şoreşgeran bihîne, ewên ku ji bo azadîyê û demokrasîyê bi salan e bi dirrindetirîn regîmê re ceng kirine. Evroj di Iraqê jî de, ew rola ciwanmêran dibînin.

Di bareya ewê yekê de ku navê pêşmerge wek çete ji alîyê serokê wezîrên Filestînê ve hat bi navkirin, Şêx Ce`fer got: bi me ne tiştekî seyr e, ji ber ku pêşmerge dijî terorîstên Iraqê ye û Hemas jî grûpek terorîst e.. pêşmerge û hêzên opozisyona Iraqî bi hevpeymanan re Iraq gihandin rûxandina regîma Be`s, belê Hemas gelê Filestînê gihand qonaxekê ku bi tenê daxwaza mûçe û başbûna rewşa aborî dike.
Ismayîl Henîyye di gotarek cemawerîya xwe de ku li bajêrê Xezze dabû, êrîşî ser hêzên pêşmerge kir û wan bi band, çete û milîsan re beramber kir. .(ktv)



 

Hemû mafên nûçe û nivîsên ku destnîşana HAWARDENGÛBAS hatiyê danîn ser navê Hawar Kurdistan Media Group ya HAWARDENGÛBAS e.Beyî destûr naye bikaranîn.

Binivsîne  |  Biçe Jor   

Hemû Naveroka Beşa Kurdistan

irêdan