Kurdistan

Serokê Kurdistanê biryara çêkirina komîteke lekolînê di doseyên sîxûrîyên rêjîma berê da

02 Kewçêr,2006 weşandin:01:23:32 (GDK)

Biryara çêkirina komîteyeke lekolînê bo doseyên sîxûrên Kurd yên li gel rêjîma Baas kar dikirin hate dayîn.

Serokê dîwanê serokatîya Kurdistanê  ragihand ku serokê Kurdistanê daxwaza çêkirina komîteke vekolînê taybet di doseyên  sîxûrên Kurd yên li gel muxaberatên rêjîma berê kar dikirin û navên wan di du rojnameyên serbixwe de derçûn kir.

Duhî Fûad Husên serokê dîwanî serokatîya Kurdistanê ji ajansa Eswat Iraq re ragihand ku; Emê ji sibehê de kar bikin ji bo çêkirina komîtekê ku doseyên sîxûrîyan vekolîne yên ku navên xwe hatine ragihandin, li gor biryarê serokê herêm. Her weha Husên berdewam kir û got: Ev karê çêkirina encûmenekê ji bo vekolînê bi serokatîya dadwerekî serbixwe û bi têkelî li gel civata wezîran û Parlemana Kurdistan bi şêweyekî taybet bi min hate hilpesartin.

Hêjayî gotinê ye ku rojnameya Awêne û Hewlatî hin doseyên taybet sebaret bi hin kesên ku karê  sîxûrîyê ji berjewndîyê muxaberatên rêjîma berê yê Iraqê re dikirin belav kiribûn. (pna/ajansan)

Hemû mafên nûçe û nivîsên ku destnîşana HAWARDENGÛBAS hatiyê danîn ser navê Hawar Kurdistan Media Group ya HAWARDENGÛBAS e.Beyî destûr naye bikaranîn.

Binivsîne  |  Biçe Jor   

Hemû Naveroka Beşa Kurdistan

irêdan