Kurdistan

Li Batmanê Komeleya Têkoşîna li dijî Xizaniyê, hate damezrandin

29 Kewçêr,2006 weşandin:09:58:16 (GDK)

Şerê li Kurdistanê çawa ku gelek qadên jiyanê kavil kirin, herweha aborî jî wêran kir. Xizaniya heyî di serî de koça bi darê zorê ji ber bandorên ne-erênî yên şer yekcar zêde bû.

Batman jî yek ji bajaran e ku xizanî herî gelek lê heye. Li Batmanê ji bo alîkariya çareserkirina vê pirsgirêkê Komeleya Piştgiriya bi Xizanan re û Têkoşîna li dijî Xizaniyê, hate damezrandin. Komele wê di rojên pêşiya me de bi merasîmekê vebe.

Serokê Komeleyê Hamit Arslan armancên damazrandina komeleyê ragihandin û got hedefa wan a sereke ew e li dijî zerar û ziyanên şer têbikoşin.

Arslan da zanîn ku ji bo vê yekê divê rêxistinên ku piştgiriya civakî diafirînin, werin damezrandin.Serokê Komeleyê got wê komeleya wan alîkariyên maddî yên mîna zad, cil û berg, tendurustî, perwerde, sotemenî, alîkariya kirê û xaniyan û alîkariya manewî bide kesên pêdiviya wan pê heye.

Arslan herwiha destnîşan kir ku ewê asta ku xizanî gihîştiyê û çawa mirov di nav lepên xizaniyê de diperpitin, raxin ber çavan.Di vê navberê de di çarçoveya xebatên komeleyê de ev jî hene: sazkirina desteya rêveber a ji 6 kesan pêktê, avakirina mala pîr û kalan, stargeh, stargeha jinan, aşpêjxane, dergûşxane, mêvanxane, bajarên konî, navendên lojîstîkê, dikan û tesîsên bi armancên civakî.



 

Hemû mafên nûçe û nivîsên ku destnîşana HAWARDENGÛBAS hatiyê danîn ser navê Hawar Kurdistan Media Group ya HAWARDENGÛBAS e.Beyî destûr naye bikaranîn.

Binivsîne  |  Biçe Jor   

Hemû Naveroka Beşa Kurdistan

irêdan