Iraq her roj Hinekî din Dirûxe û Kurdistana Azad Jê Dûr Dibe.,25 Gulan,2006

HAWARDENGÛBAS,HEWLÊR,Kurdistan-Li Iraqê şer berdewame û Iraq her roj paş dikeve. Rêveberîya Kurdistan bi her avahî ji Iraqê cûda ye. Kurdistana azad her roj hinek din ji Iraqê dûr dibe.

Hêlîn PASEWAN / HAWARDENGÛBAS

Li Iraqê êrîş û teqîn berdewamin û herî dawî di teqînekî li Bexdayê de 28 kes mirin.Li Iraqê ew 4 salin ku bi operesyona DYEyê rejîma Baas hatîye rûxandin û 4 salin her roj bi dehan Iraqî jiyana xwe ji dest didin û Iraq di her waran de her roj hinek din paş dikeve.

Başûrê Kurdistanê ku li vê derê 14 sal berê rêverîya azad ya Kurdistan hatîye damezirandin û bi hikumet, parlemen û dezgeh û sazîyên xwe li gel kêmasî û astengîyan be jî pêşdikeve.Di operesyona Emerîka de jî Kurd bi bergehekî stratejîk û konjokturel di hêla DYE de cîh girtin û ew hevkarî dîsa di çerçoveya berjewendîyên her dû alîyan de didome.

Kurd ne fermî be jî niha nêzî serxwebûnê ne.14 salin ku Kurd bi zimanê Erebî naxwînin û naaxifin.Her tişt bi Kurdî ye.Rêveberî bi her avahî ji Iraqê cûda ye.Kurdistana azad her roj hinek din ji Iraqê dûr dibe.

Di nava rêveberîya hikmî ya Kurdistana azad de her çiqas wek gelek welatan pirsgirêkên navxweyî hebin jî Kurdi di riya pêşketin û avadanîyê de ne.Hema hema tu waran de Kurdistana azad bi Iraqê re girêdayî nîne.Êdî neft jî bi destê Kurdan li Kurdistana azad tê derxistin.

Kurd niha ji ber rastîyên konjokturel niha ji Iraqê venaqetin.Hê meseleyên aborî,avadanî,dîplomatîk û pirsa Kerkûkê hin jî nehatine çareser kirin.

Ereb pêşketina Kurdan naxwazin û Kurdan wekî “noker” dibînin

Rastîyeke din jî ewe ku Erebên Iraqê jî ji rewşa gelê Kurd nerazîne û pêşketina Kurdan naxwazin.Xalkê başûrê Kurdistanê li gor perçeyên din ya Kurdistanê kêmtir bi welatê dagirker re entegre bûne heta hêç nebûne.

Iraq jî wek welatên din yên dagirkerên Kurdistan welatek sunî ye û di nav Ereban de jî nakokîyên mezin û dîrokî hene.

Rewşa dawîyê li Iraqê de careke din derket holê başûrê Kurdistanê bi her avahî ji Iraqê cûdatir,pêşketî û ewletir e.

Ji hikmetê heta medyayê,ji ziman û çandê heta taximên fitbolê, Kurd ji Ereban ji Iraqê cûdatir in û “dûr” in.

Ger li Iraqê rewş ber bi xirab bûnê biçe dibe ku Kurd jî bi avayekî xwezayî ji Iraqê bi temamî veqetin.

Ji ber ku ne mecbûrin ku di nav vê xirecirêde bimînin li başûrê Kurdistanê bi her avahî bingeha Dewleteke Kurdî hatiye avakirin û mafê Neteweya Kurd e ku di vê beşê de ser bingeheke neteweyî ji bo parastin û pêşxistina heyîna Kurdistanîyatî û hemû hêlên civak,aborî,çand hêza biryar dayînê li Cîhanê ya gelê Kurd dewletek serbixwe avabikin.