Panorama 2007 - Kurdistana azad | Dosyayên Taybet

Bike Malpera Destpêkê | Têkîlî | Reklam

ccccccccccccccccccccc

Cîh: Mal | Dosyayên Taybet

Rûpela Serî

Kurdistan / Rojev

Navneteweyî

Çand û Huner

Zanist û Teknolojî

Medyaya Kurdî

Gotar / Lêkolîn

Aktuel / Jiyan

Aborî / Fînans

Kurdistana Azad

Dosyayên Taybet

Dîmen / Video

Wêne

Rewşa Hewa

Xaçepirs

Karîkatur

Interaktîf

girêdan

Dosyayên Taybet

Bo dîtina reklaman bitiqîne

Panorama Kurdistan 2007

PÊŞKETINÊN TAYBET BI KURDISTANA AZAD Û BÛYERÊN PÊYWENDÎDAR

31 Berfanbar (Kanûn), weşandin:00:34:21 (GDK)

RÊBENDAN 2007;

Kerkukiyan xwestin ku madeya 140 bê tedbîq kirin

• Parlemena tirk ser mijara Kerkûkê civînek veşartî li dar xist. Roja din jî Parlemena Kurdistan jî bi rojeva Tehdîtên Tirkan ser mijara Kerkûkê civîya. Serokwezîr N.Barzanî careke din bi eşkereyî got";Kerkûk ji alîyê cografî, dîrokî û demografî debajarê Kurdistanê ye.

• Be mebestî seqamîgirkirdinî 'êraq be giştî u Kerkuk be taybetî, uîfayqî turkman îlî be niyaze le wilatî turkiya konfransêk le jêr nawî "Kerkuk 2007" berêwebibat u biriyarawiye layenî 'ereb u aşûr u îzîdeyş têyîda beşdarbin. hawkat serokî kutley turkmanekan le perlemanî kurstan raygeyand ke "her ştêk berey turkmanî encamî bidat, iême beşdarî têda nakeyn".

SIBAT 2007;

• Frokekanî emerîka leşarî musl katjmêr yanzey şewî 8/2 bordumanî sê rebaiyey hêzî pêşmergey kurdistaniyan kirdu leencamda heşt pêşmerge kujran u şeşî tirîş birîndar bûn.

• Heyeteka serokê deshilata Filistînê Mehmûd Ebas ,bi serokatiya Cibril Recob serdana Parlementoya Kurdistanê kirin.

• Eşîrên ereb ên Sunne û Eniya Tirkmenan, ser ji nûve dijayetkirina xwe bo bi cihkirina maddeya 140 î a destûr têkest kirin e.

• Serokê Kurdistanê di hevpeyvîneke xwe ya bi televîzyoneke Tirkî de çend roj berê got;Divê Êdî Tirkîye û Îran xwe hînî Kurdistaneke serbixwe bikin","Serxwebûna Kurdistan ne xeyalek e" ,"Kerkûk bajarê kurdistanê ye" û her wiha goti bû ku" Emê bi PKKyê re şer nekin".Li Tirkîye bi rojan ev gotinên serokê Kurdistanê di rojevê de ma.

ADAR 2007;

• Dmûfrezeyeke Ensar El Îslam ku li nêzikî 20 kes pêk hatibûn, êrîş kirin ser bingeheke polîsî û gumrika Başmexê.

• Li Kerkûkê Eniya Tirkmenan û grubekî Ereban ji bo dijayeti kirina maddeya 140 konferansek li dar xist.

• 7ê adarê Saziyên civakî û demokrasî yên bajarê Kerkûkê nivîsek bo parlementoya Kurdistanê bilind kirin û daxwaz kirin ku hêzeke nîzamî ji Kurdistanê ve bişînin Kerkûkê.

• Rêberê Tevgera Îslamî li Kurdistanê Mela Elî Ebdulezîz li Brîtanyayê li necweşxaneyê koça dawîn kiriye.

Keça Kurd bi avayekî hov û dervey însanetî linç kirin û piştre jî bi kamerayan hovitiyên xwe kişandin

NÎSAN(AVRÊL) 2007;

• Di encama kombûnekê de ku Serokê kurdistanê Mesûd Barzanî lê amade bûbû, Encûmena Siyasî ya Bilind a Kurdistanê hat ragihandin. Amadebûyên dinên evê kombûnê cihgirê serokê kurdistanê, cihgirê serokê parliyamenta kurdistanê, serokê Partîya Komonîsta Kurdistanê, Partîya Sosyalîsta Kurdistanê, partîya Yekgirtûya Islamî ya Kurdistanê, Komel û Zehmetkêşan bûn û tê de kar û barên evê encûmenê hatin şirovekirin.

• Hikumeta Kurdistanê 14ê nîsanê wek roja bîranîna Enfalê ragihand.

• Di 10’ê avrêlê de, li navçeya Behzanî ya bi ser Mûsilê, ji ber keçika êzidî Dua, dil ketibû xortekî misilman, êzidî li hev kom bûbûn û Dua kuştibûn.

Êzidiyan Dua tazî kiribû û bi dar û keviran ew kuştin. Emrê Duayê hê 17 salî bû. Kuştina Duaya 17 salî, ji aliyê nasên wê ve, bi riya telefonê, kişandibûn kamerayê. Ev dîmen li her derê belav bûbû. Tevgera Ensar al Îslam jî îdia kiribû ku keçika êzidî xwestiye bibe misilman û ji ber vê yekê hatiye kuştin. Tevgerê biryara tolhildanê standibû û ji ber vê yekê fermana êzidiyan rakiribû.

• Serokê Dewleta Federe ya Kurdistanê Mesûd Barzanî got: 'Eger dewleta Tirk dest li Kerkûkê werde, emê jî ji bo 30 mîlyon Kurdên li Tirkiyê bikevin nav tevgerê.' Dewleta Tirk û dijberên Kurdan ji ber helwesta Barzanî pirr eciz bûn.Rayedarên dewleta Tirk û medyaya tirkî bi zimanek tuj êrîşî serokê Kurdistanê kirin. Mijar bi rojan di rojeva raya giştî ya Tirkîye de ma. Gelek sazî û rexistinên Kurd piştgiryên xwe bo helwesta Serok Barzanî diyar kirin. Bi pêşketina hişmendîya neteweyî ya Kurdan taybetî hêzên nijadperest , arteşa Tirk,dijminên Kurdan, kemalîstên faşîtst, çeteyên tarî,derdorên mîlîtarîst û hemû hêzên ku ji berjewendîyên xwe winda dikin dixe nava tirsê.

• Serokê Kurdistanê Mesûd Barzanî li li ser daxwaznameyek fermî serdana Îtalya kir.

• 20 nîsan 17 rêkxiraw le şarî Slêmanî, torêkiyan benawî "torî rêkxirawekan bo berengarbûnewey‌ gendelî" pêkhênawe.

GULAN 2007;

• Serokê Kurdistanê Mesûd Barzanî ji aliyê parlamentoya Ewropayê ve dawetî Brukselê hatibû kirin di parlemena Ewrûpayê de axaftinek pêşkêş kir. Mesûd Barzanî li PE ser pirseke got;"Kurd neteweyeke ne.Di dîrokê de zordestî û zulm li me hatiye kirin û mîlletê me bê îrada me hatiye perçe kirin." Axaftina Serokê Kurdistanê di raya giştî de gelekî deng veda.

• 1ê Gulanê de DTP çû serdana Kurdistana Azad.

• Li Iraqê şer berdewame û Iraq her roj paş ket. 2006'an de Kurdistana azad her roj hinek din ji Iraqê dûr bû.

• 9ê Gulanê de li Hewlêrê di encama êrîşeke xwekujî bi dehan şehîd û birîndar çêbûn.Terorîstên û dijberên Kurd dixwazin pêşketina Kurdistan azad xera bikin.Li paytexta Dewleta Federe ya Kurdistanê Hewlêrê ji alîyê terorîstên dijminê neteweya Kurd û dijminê mirovahîyê ve çalakîyek terorîstî pêk hat. Di encamê de 19 kes şehîd û 50 kes jî birîndar bû. Birêvebirê Polîsê Hewlêrê Ebdûlxaliq Telat jî di daxuyaniyeke bo kanalên ragihandinê ragihand, ku tê texmînkirin ku di nav wê kamyonê de 800 kîlo TNT hebû.3 karmendên hêzên ewlehiyê jî di nav şehîdan de hene.Şehîd û birîndaran de karmendên wezaret, hêzên ewlehî, welatiyên sivîl û zarok jî hene.

• 23 gulanê êvara roja sêşemê li bazarê Duhokê nêzî xwaringeha Dunya agir bi firingeheke nan ket û di encamê de du hevwelatî ketin ber êrîşa agir û 40% ji bedena wan şewitî.

• 31ê gulanê artêşa Emerîkayê ewlekariya 3 bajarên li başûrê Kurdistanê dewrî hukûmeta Kurdistanê kir.

• 9ê gulanê di dîroka dewleta federe ya Kurdistanê de opreasyona herî mezin ya asayîşê tê pêk anîn. Bi biryareke wezareta navxweyî ya hikumeta Kurdistanê bi beşdar bûna çend beşên hêzên ewlehîya Kurdistanê têde polîsên Kurd,beşa trafîk û hêzên asayîş cih digrin li seranserÎ başûrê Kurdistanê dest bi operasyoneke berfireh hate kirin.

• 19ê gulanê li Mendelî 16 Kurd hatin kuştin.

PÛŞPER(HEZÎRAN) 2007;

• Le rojî 11 pûşperî(hezîran) 2007 termî serbaze kujrawekanî turkiya be xak spêrdra, legel rêwresmî naştinî termekanda, we pîşey hemîşeyî turkekan druşmî dijî PKKyan berz kirdewe. Emcare uwêray druşmî dij be Mesud barzanî serokî kurdistaniyan berz kirdewe.

• 12 hezîran hikûmeta Îranê gefên hilweşandina gundên kurdan yên ser sînorên Kurdistanê dixwe.Hikûmeta Îranê daxwaz ji welatiyên kurd yên gundên Kurdistana Îranê kir ku gundên xwe vala bikin.Ger ew di 7 rojan de gundên xwe vala nekin dê Hikûmeta Îranê wan gundan hilweşîne.

• 7’ê hezîranê Serokê Kurdistana Federal Mesut Barzanî bi gotina, “Tirkiye dixwaze em bi PKK’ê re şer bikin. Lê em vê yekê tu caran nakin. Pirsgirêka PKK’ê siyasî ye” daxwazên Tirkiyeyê deşîfre kirin.Erdogan li ser vê daxuyaniya Barzanî bi gotina, “Barzanî ne muhatabê me ye. Muhatabê me Hikîmeta Iraqê ye. Ez bi serokê eşîran re naaxivim” bersiv da.

TÎRMEH 2007;

• Hîdr şêx 'elî wezîrî geyandin pêşwazîkird le wefdêkî serokayetî erkanî hêzekanî fre regez le iêraq le biwarî zaniyarî u geyandin, be serokayetî 'emîd ronî huknz u jimareye le berpirsanî serokayetî erkan. le danîştinêkda be têruteselî tîşk xiraye serbiwarî geyandin le kurdistanda.

• Danîştwanî gerekî azadî xopîşandanêkiyan leser şeqamî 30 metirî sazda u rêgakeyan girt u dawayan dekird mrîşk froşekan lewê nemênin.

• 30 tîrmeh Barzanî û Talabanî ji bo tevgera hevbeş peyamaneke stratejîk îmze kirin.

• Piştî beşdar bûna di konferansa sosyalîzma navnetewî li Cenêvê , îro birêz Mesûd Barzanî serokê Kurdistanê vegeriya Hewlêra paytexta Kurdistanê.

• 12 tîrmehê serok wezîrê Kurdistanê Nêçîrvan Barzanî tevlî torena destûrnameyên Pêşmergeyên Zêrevanî bû. Serokwezîr Nêçîrvan Barzanî li ser rolên Pêşmergeyan axifî û got: Gelê me di dîrokekî pir zehmetî de derbasbûye.

TEBAX 2007;

Darên ku ji ber êrîşên dewleta Îranê şewitîne

Li şingalê 200 Kurd hate şehîd kirin

Li Kerkûkê êrîşên dijî Kurdan zêde bû

• Piştî ku per piştî nîvro endamê polîtburoya YNK Cebar Ferman koça dawî kir, îro sibehê li bajarê Silêymaniyê di merasîmekê de termê Cebar Ferman li Girda Selîm Beg li tenişta aramgeha Mamosta Îbrahîm Ehmed hate definkirin.

• Artêşa Îranê gelek deverên Zaxo,Soran, Xwakurk, Qendîl, gundên wek Zerge, Maredû, Piştaşan, Bêrme, Mêrgemîr, Hewarî Gezeng, Çiyayê Seruka, Şîwedêr û Sûredê û bi êrîşên dijwar pêk tîne. Gundiyên ku li Xakûrkê û gundiyên nêzî sînor dijîn ji ber topebaran û katûşayên Îranê dev ji mal û milkên xwe berdan û bi riya koçberiyê ketin.Gundê Bêrkim ya devera Biradost, ji aliyê hêzên arteşa Îranê ve hate topbarankirin û du kes jî birîndar bibûn, welatiyên wî gundî bi temamî gundê xwe vala kirin. Ji ber topebarana Îranê li herêmê agir û dû bilind bû. Gelek zeviyên çandiniyê ji ber topebaranê şewitîn û gelek heywan jî mirar bûn lê hikumeta Kurd bersiva pêwîst neda.

• 11 tebax - Arteşa Tirk jî bi firokeyên şer û topan sînorê başûrê Kurdistanê topbaran kir.

• Li başûrê Kurdistanê êrîşeke wek komkujî ser Kurdên êzdî pêk hat.Doh êvarê du erebeyên bombe kirî li nêzî herdu baregehên PDK-ê û YNK-ê , her wiha bazarê navendî yê komelgeha Gir Ozêr û du otombîlên din jî li komelgeha Sîba Şêx Xidir ku tevaya rûniştvanên wê Kurdên êzidîne teqiyan û li gorî zaniyariyên dawîi encama van teqînan de zêdetirê 200 kes şehîd bûn e û gelek jî brîndar hene.

• 11 tebax - li bazara Huriye ya bajarê Kerkûkê, otomobîleke bombetêkirî teqiya di encamê vê teqînê de de li gor zanyariyên destpêkê, 10 welatî şehîd bûn û 28 welatî jî birîndar bûn.

• Tirkmenan ji S.Kurdistanê re nameya dilsozîyê şand. Piştî teqînên ku li Hewlêr û Mexmûrê pêk hatine komek ji serokeşîr û rihspiyên tirkmenên ji Kerkûkê nameyek ji Serokê Herêma Kurdistanê Mesûd Barzanî re şandiye. Li gor çavkaniya pêbawer û agahdar, ev nameya ku hatiye şandin bi xwînê hatiye îmzekirin.Çavkaniya ku nêzî îstîxbarata Herêma Kurdistanê ye diyar kir ku di nameyê de hatiye aşkerakirin ku tirkmen dixwazin Kerkûk bibe parçeyekî başûrê Kurdistanê û wiha got: "Di nameyê de wiha hatiye gotin; ‘Her çend em weke neteweya tirkmenan cuda ne jî bi salan e ku em li gel birayên xwe yên kurd çi li Kerkûk û çi jî li seran serî Kurdistanê dijîn. Ji ber vê yekê em bi hemû aliyan piştgiriya kurdan dikin.

• Li bajarên Duhok, Hewlêr û Silêmanî yên Herêma Kurdistana Fedral, di demên dawî de koçberiya ciwanan gelek zêde bû û wekî mijareke sereke di nava civaka herêmê de cih girt. Her çiqasî hejmareke fermî nebe jî tê gotin ku rojê 50-75 ciwan bi riyên qaçax berê xwe didin welatên Ewropayê. Tê gotin ku li hin bajarên wekî Silêmanî û Duhokê rêjeya koçberiya ciwanan di van 3 salên dawî de gihîştiye sedî 45'an.

• Medyay Erebiyekan êrîş dekene ser Barzanî. Hendêk rojnamew, saytî 'erebî helmetêkiyan dijî Barzanî serokî Kurdistan destpêkirduwe. Lejimare duwênêyî rojnamey şerq elewstda gewre nuserî 'ereb nameyekî arastey Barzanî kirduwew tiyaîda bas lewe dekat ke şovênzmî 'erebî be şovênzmî kurdî welam nadrêtewe herweha rxne lebarzanî degirêt bo labirdinî alay 'êraq.

• 8 tebax Yekîtiya Parlamenterên Kurdistanê hate ava kirin.

ÎLON 2007;

2007'an de Serokê Kurdistanê Mesûd Barzanî û serokê komara Iraqa federal Celal Talebanî bi civînên hevbeş rojevê dest nîşan kirin.

Li Kurdistana azad nexweşiya kolerayê bû sedema mirinan

• 09 Îlon- Li bajaroka Enkawa ya Hewlêrê bo şermezarkirina topbaranên arteşa tirk û Îranê li ser navçeyên sînor yên Kurdistanê, xwepêşandanek hate lidarxistin.

• 30ê îlonê Êrîşên bombeyî yên ji nîvê tebaxê pê ve ya Artêşa Îranê yên li dijî Kurdistana azad dîsa despt pê kir. Çavkaniyên herêmî diyar kirin ku, hêzên Îranê, êrîşên katyuşayî pêk anîne.Li gorî agahiyan gelek roketên katyûşa ketin herêmên Kandîlê yên wekî Meredo, Suesne, Elîreş û Qelatukanê.

• 06 Îlon - Axaftina serokê Kurdistanê ya li parlemena Kurdistanê roja sêşemê di medyaya Tirkî û raya giştî ya Kurdistanê de jî deng veda. Serokê Kurdistanê di axaftina xwe de derbarê êrîşên Îran û Tirkan de got "ser gelê kurd bi dehan salin tê êrîş kirin lê êdî divê herkes fam bike ku tu kes nikare bi bombe û êrîşan tiştekî li Kurdan bide qebûl kirin". Serok Barzanî li ser topbaranên Tirkiye û Îranê got:" Di dîroka kurdan de wekî niha yekitî û rêxistinî nebûye lewre vê carê kes nikare çarenivîsa kurd bi hêsanî biguhere. Ji ber wê yekê jî bi topbarankirina herêma Kurdistanê nikarin me naçar bikin."

• Kongireî Emerîka pirojey dewletî Kurdî tawtuwê dekat. Emerîka serqalî pirojeyekn bo drustkirdinî dewletêkî Kurdî le rêgay dabeşkirdinî 'êraq bo sê parçe.

• 29ê îlonê serokatîya Kurdistana federal di daxuyanîyekê de piştgirîyê pêşniyara kongreya Emerîkî kir ku li gorî wê Iraq li ser bingeha federalî dabeşî ser sê herêman dibe, Kurdî, Sunî û Şî`î.

• Nexweşiya kolera ku li Kurdistana azad bû mirina 15 kesan û nexweş ketina bi hezaran kesan û rewşa xirab ya binesazîya Kurdistana azad bû sedema belav bûna vê nexweşiyê.

• 22 îlon - Di peymana 'terorê' ya di navbera Tirkiye û Iraqê de, digel hemû îsrara Tirkiyeyê, di 'şopandina germ' de lihevkirin çênebû. Li gorî peymana ku ev bi rojan e bi hêviyek mezin li bendê bûn û hate diyarkirin ku bi fiyasko biencam bûye, Hikûmeta Bexdayê wê xebatên malî û siyasî yên PKK’ê qedexe bike, qadroya rêber bidarizîne an jî îade bike.

• 27 îlon - Rapirsiyekda le herêmî kurdistan, rêjey 88% beşdarbûan pêyîanuwaye bûnî postî serokayetî Kurdistan hengawêke bo drustbûnî‌ dewletêkî serbexoy kurdî. Bepêyî rapirsiyekey rêkxirawî (poynt)î kurdî taybet be rapirsî û lêkolînewe stiratîjiyekan ke kopiyekî‌ dest ajansî hewalî serbexoy(dengekanî 'êraq) kewtuwe,derkewtuwe ke "rêjey 88% danîştwanî kurdistan pêyîanuwaye hebûnî ew poste hengawêke berew damezrandinî dewletî serbexoy kurd."

• Piştî ku pêşniyar û tewsiyeyên kongreya perwerdeyê yên bo guherîna sîstema perwerdeyê ya herêma Kurdistanê li civîna civata wezîran hatin pejirandin, ji bo biryardan û karkirinê li ser wê sîstema nû, îro wezîrê perwerdeyê yê herêma Kurdistanê D.Dilşad Ebdulrehman, li Parlamentoya Kurdistanê naveroka projeya wezareta xwe aşkere kir.

KEWÇÊR 2007;

• 10 Kewçêr, Serokê berê yê Amerîka Bill Clinton diyar kir ku heger hevjîna wî Hillarî di hilbijartinên serokatîyê de serkevtinê bi dest ve bixe û bibe seroka Amerîka, dê problemên nêvbera dewleta Tirk û hikûmeta Kurdistanê jî bê şerr çareser bibe.

• 23’ê kewçêrê: Serokê Giştî yê CHP’ê bi gotina, “An hûn dê bibin cîran na jî hedef” Herêma Kurdistana Federal tehdît kir.

• 28 Kewçêr, Serokê Kurdistanê hevdîtinek digel Televîzyona Elerebiya pêk anî û li ser krîza vê dawiyê a li ser sinorê herêma Kurdistanê û Tirkiye nêrînên xwe anî ser zimên.Serok Barzanî da zanîn ku PKK li nav bajar û gundên herêma Kurdistanê de tuneye,hemû liv û tevgerên PKK di nav axa Tirkiyeyê de ne, loma jî arîşe di bingehê de siyasî ye û bi êrîşa leşkerî nayê çareserkirin û pêwîst e bi riya siyasî bê çareserkirin.

SERMAWEZ (MIJDAR) 2007;

Divê êrîşên dewleta Tirk ji rêvebiriya Kurdistana azad re bibe ders û aboriya xwe teslîmî dagirkeran nekin

Parlemanî Kurdistan proje yasay berngar bûnewey cixare kêşanî pesend kird

• 27 Sermawez (Mijdar), Berdevkê Hikûmeta Herêma Kurdistanê Cemal Ebdulah bi daxuyaniyekê ragihand ku ew di nav hewildanên li dijî PKK'ê de cih nagirin.

• 19 Sermawez, 31 rêxistinên civakî yên sivîl, rewşenbîr û partiyên li Bajarê Silêmaniyê yê Kurdİstana Federal bi armanca meşandina xebatên dejberî operasyona Tirkiyeyê, Însiyatîfa Projeya Pembe avakirin.

• Dewleta Tirk hewlên pêşîyên dagirkirina Kurdistana azad û rûxandina rêvebirya Kurdistana azad bi gavên tedbîr(ambargo) yên aborî dest pê kir.Tedbîrên pêşî jî girtina deriyê Îbrahîm Xelîl(Xabur) , kêm kirina elektrika başûrê Kurdistanê û asteng kirina seferên balafirên ji Kurdistana azad.

• Parlemanî Kurdistan le danîştinî jimare (22)î xulî duwemî helbijardinî xoyda, piroje yasay berngarbûnewey cixere kêşanî pesend kird. Cêyî amajeye bepêyî ew piroje yasaye cgerekêşan leher sê serokayetî herêm u encumenî nîştîmanî Kurdistan u encumenî wezîran u sercem dezgaw îdarekanî hikumet u şuwêne giştiyekan u hokarekanî hatûçoî giştî u taybetî u rîklamkirdin bo cgere le kenalekanî rageyandin behemû şêweyek qedexeye. pêwîste kesî cgerekêş leşuwênêk taybet u diyarîkiraw bo ew mebeste cgerekey bikêşêt, herweha lepiroje yasayekeda hatuwe pêwîste sercem dukan weu şuwênaney cgere defroşn tabiloyek helbiwasn u metirsiyekanî cgerey têda rûnkirabêtewe.

• Li Stenbolê, ‘Civîna Berfirehkirî ya Cîranên Iraqê’ pêk hat. Nûnerên cîranên Iraqê hatin Stenbolê û li ser mijara Iraqê hevdîtin pêk anîn. Tirkiyeyê di civînê de mijarên PKK û referandûma Kerkûkê derxistin pêş.

BERFANBAR (KANÛN) 2007;

Artêşa Tirk a dagirker bi piştgiriya AKP dest bi bombe kirina ser gund û çiyayên Kurdistana azad kir

Seroke Kurdistanê; "Ji ber ku em Kurdin bombeyan dibarînin ser axa me"

• 01 Berfanbar (Kanûn), Bi beşdariya Serokê Hikûmeta Herêma Kurdîstana Federal Nêçîrvan Barzanî buroya Neteweyên Yekbuyî (NY) û Balyozxaneya Rusya li Bajarê Hewlêra Herêma Kurdîstana Federal hatin vekirin.

• 11 Berfanbar (Kanûn), Serokê Kurdistanê vegeriya û hemû îddayên Tirkan derew derket.Wek tê zanîn medyaya Tirkî û Erebî derbarê serokê Kurdistanê de nûçeyên wek "ev hatiye brîndar kirin", "Barzanî rewiyayê û vê careke din venegere" û gelek nûçeyên bi vî rengî yên derew û sosret weşandi bûn.

• 17 Berfanbar (Kanûn), Artêşa Tirk a dagirker şev bi balafirên ku ji balafirxaneya leşkerî ya Amedê rabûn êrîşî bir ser kampên PKK û gelek gundên başûrê Kurdistanê.Artêşa tirk li Qandîlê li herêmên sîvîl xist, gundiyek mir û herî kêm 15 sivîl jî birîndar bûn û PKK`ê jî diyar kir ku, êrîş piştî firîna keşfê ya balafirên emerîkayê pêk hatiye. Balafirên ji baregeha artêşa tirk ya li Amedê rabûn, gundên Lewcê, Serçalê, Bukixka, Rizga, Meledo, herêma Sidika û Kanî Cengê hedef girtinDi encama êrîşa hewayî ya ji aliyê Hêzên Çekdar ên Tirk (TSK) ve li dijî
herêma Qendîlê pêk hat de 5 PKK'iyan jiyana xwe ji dest daye. Li aliyê din, Rêxistina Xaça Sor a Navneteweyî, kesên ku ji ber
bombebaranê ji gundan hatine derxistin ziyaret kirin. Hate ragihandin ku ji herêma Qendîlê 140 malbat birine Sengeserê. Pêşmergeyên Kurdistanê ketin rewşa parastinê.Heyeteke Hikûmeta Kurdistanê serdana deverên bombebarankirî kir. Emerîka diyakir, ku ew piştgiriyê didin Dewleta Tirk û got: biryarên êrîşan jî bi îradeya artêşa tirk tên stendin.

Protestoyên kurdan bo protesto kirina Êrîşkariya dewleta Tirk bi destên artêşa Tirk û hikumeta AKP didome. Kurdên Diyarbekîr, Şirnex, Dêrsim, Mêrdîn, Riha, Mêrsîn, Stenbol Edene û Dîlokê li hemberî bombekirina herêma Qendîlê ya ji aliyê balafirên TSK'ê ve, nerazîbûn nîşan da.

Dibe ku dewleta Tirk bo xapandina raya giştî ya Tirk çend opersyonên sembolîk pêk tînin.Dibe ku armaca wan e ku bi îddayên pêkanîna opersyonan nerazîbûna Tirkan û medyaya Tirkî were kêm kirin e. Lê AKP deng standina ji Kurdan cesaret girt, bi vê cesaretê jî projeyên qedandina hêza siyasî ya Kurdan derxistin holê. Desthilatdariya Kurdistanê ji ber ku diplomasiyeke xurt pêkneanîn di raya giştî yê Cîhanê
de seneryoyên dewleta Tirk bêtir hate pejirandin. Her wiha ji ber poltikayên ne bi îstîqrar ya hikumeta Kurdistanê bû sedema zirar dîtina prestija Kurdan bi taybetî di hêla dîplomatîk de. Diviya bû ku riya operesyona Tirkan bi her avahî hatiba girtin.

• 17 Berfanbar (Kanûn), Serokwezîrê Kurdistanê Nêçîrvan Barzanî nerazîbûna xwe li hember êrîşa asmanî ya Tirkiyeyê li ser gundên Kurdistanê nîşan da ku bûye sedema şehîdbûn û birîndarbûna bi dehan kesên jin, pîr û zarokan.

• 22 Berfanbar (Kanûn), Komîseriya Bilind a Penaberan a Neteweyên Hevgirtî li Cenevreyê ragihand ku ji ber operasyona asmanî a Tirkiyeyê a li dijî hêzên PKK-yê li herêma Kurdistanê nêzîkî 2 hezar welatî cih û malên xwe bi cih hiştine.

• 18 Berfanbar (Kanûn), Serokê Kurdistanê bi avayekî dîplomatîk bersiveke tund da helwestên dema dawî ya hikumeta Emerîkayê. Wek nerazibûnek li hember êrîşên Tirkiyeyê ên bo ser herêma Kurdistanê, serokê Kurdistanê Mesûd Barzanî serdana xwe ya Bexdayê betal kir ku biryar bû biçe Bexdayê û li gel wezîra derve ya Amerîkayê Rice hevdîtinek pêk bîne.

• 24 Berfanbar (Kanûn),Serokê Kurdistanê Mesud Barzanî ku bi armanca kontrolkirina rewşa dawî ya herêma hatî bombardimankirin û gundiyên ji ber bombardimanê koçber bûyîn, çû herêma Qendîlê, diyar kir ku bombardimankirina Qendîlê ji bo wan bombardimankirina Hewlêrê ye.

• 27 Berfanbar (Kanûn), Kurd 2007'ê di warê dîplomasiyê de bi şikestinekê dawî kirin. Ji ber lawaziyê xebatên desthilatdariya Kurdistan û ji ber gelek sedemên din. Referandûma Kerkûkê hate paşvexistin. PE paşvexistina referandûma Kerkûkê bi şert qebûl kir. Parlemantoya Kurdistanê doh jî civîna xwe ya asayî ya hejmara 36 saz kir. Di vê civînê de pêşniyara nûnerê taybet yê Neteweyên Yekbûyî(NY) yê bo karûbarên Iraqê Steven De Mestura, ku çend rojên borî di civîneke Parlemantoya Kurdistanê de bi navê NY pêşniyar kiribû, ku bicihanîna madeya 140 bo 6 mehan bê taloqkirin, hat gotûbêjkirin.

(çavkanîya giştî; arşîwa HAWAR DENGÛBAS / amadekar; Serhad B.RÊNAS, Hesen DILGEŞ)

Binivsîne | Biçe Jor

irêdan